Jɔ̀ɔŋ 5:10 - WƆŊ FƐ̀Ì EBÒ SÌÀŊ DAYÀA

¹⁰ Nààŋ anyuùŋ gbeegbèè nyaŋ aŋ Juùù nyaŋ sùà naŋ yɛ̀mɛ̀ wo felaaà wo Jisɛ̀ naŋ sùngò wɔ wò yaà kòa sùà wɔŋ ɓɛɛuŋ nɔɔ̀ŋ, aŋ nauŋ woò nyààŋ, “Nàaŋ nàŋ yaà ke Ɗɔ̀ɔ̀ Zòòlò aŋ Juùù nyaŋ, e kìlà ke sàwà wiɛ̀ gò wi gè nyààŋ diɛŋ wèè wò nyùùŋ gbiŋ wo kòà wɔ̀ŋ ɓɛɛuŋ nɔɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Jɔ̀ɔŋ 5:10 ပူးပေါင်းရင်းမြစ်များ

Maafiù 12:10

ko yèi wò naŋ wa mɛ̀ɛ̀ŋ wo felaa kùwìè wɔŋ kuàŋ fàa. Anyùùŋ bà yaào wa aŋ yè nyaŋ manaŋ wa auŋ kùwìà ke sàwà e keì naanààŋ nyɛ̀nɛŋ. Kpeiŋ àŋ naŋ dàwè wo Jisɛ̀ nyààŋ, “Wo Dayà naŋ wi gè nyààŋ diɛŋ wèè eiŋ sùngà wo nyuùŋ sàaŋ ke Ɗɔ̀ɔ̀ Zòòlò aŋ Juùù nyaŋ diɛŋ?”

Luù 13:14

Wo sìèfèìŋ ko sààŋ zòòlò aŋ Juùù nyaŋ naŋ wa tuù esaɓù kɛ̀ wo Jisɛ̀ naŋ wa sùngò wo nyùùŋ ke Ɗɔ̀ɔ̀ Zòòlò àŋ Juùù nyaŋ diɛŋ. Yèè wò naŋ wòò anyùùŋ nyàŋ wààŋ, “Ke wikì gbiŋ kuwa maŋ ɗɔ̀ɔ̀ nɔɔnɔŋ dièguùŋ maŋ yè maŋ è nyinìàŋ maŋ tòmo wi màŋ sùà. Weètii hnaàŋ maŋ ɗɔɔ miiŋ bà guùŋ diɛŋ wèè aŋ sùngàum, kɛɛ e fè nɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Luù 23:56

Kpeiŋ àŋ naŋ kɛ̀ɛ̀ maŋjɛ̀wɛ ko Jùlusɛ̀làm wèè aŋ banebànè manɛ̀ŋ dò siaŋ yèè maŋ kuùmàì wèè aŋ kpalèè e dìè Jisɛ̀ɛ. Kɛɛ àŋ naŋ wa ge nyiiŋ ke Ɗɔ̀ɔ̀ Zòòlò aŋ Juùù nyaŋ diɛŋ, nààŋ ke Sàwà Dayàa naŋ woò lɛ.

Luù 6:2

Kɛɛ nààŋ aŋ Fɛlosiì nyaŋ bà nyiŋ naŋ wa tɛɛ̀ yɛmɛ̀, àŋ naŋ wòò wo Jisɛ̀ nyààŋ, “Wèè kiìŋ nìŋ yaà nyìnìè e nɛ̀ɛŋ maŋ Sàwà wi màŋ gò wi gè nyààŋ diɛŋ wèè eiŋ nyɛ̀nɛ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ lɛ̀?”

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 5:11

Kɛɛ wo felaaà naŋ nyiŋ fasàì wààŋ, “Wo felaaà naim sùngò wɔ naim woò wààŋ miŋ ɓemè wɔŋ ɓɛɛ miɔ̀ŋ miŋ kaaìŋ.”

Jɔ̀ɔŋ 5:15

Kpeiŋ wo felaaà naŋ kɔ̀ yèè wò naŋ niŋ wòò anyùùŋ gbèègbèè aŋ Juùù nyaŋ kɛ̀ wo Jisɛ̀ nauŋ sùngò.

Jɔ̀ɔŋ 5:16

Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 7:23

Sèè wo jɔ̀àfelaa nɔ̀ŋ ke kpùà jàa ke Ɗɔ̀ɔ̀ Zòòlò aŋ Juùù nyaŋ diɛŋ wèè niŋ go nàŋ pɔ̀ɔ̀ ke sàwà Mòòzeɛ̀, kɛ̀ wèè kiìŋ nìŋ naim tùù sìwè e fòfoo mìŋ naŋ sùngò wo nyùùŋ bà ke ɗɔ̀ɔ̀ guùŋ bi bà diɛŋ miàŋ pɛɛ?

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.