Jɔ̀ɔŋ 4:8 - WƆŊ FƐ̀Ì EBÒ SÌÀŊ DAYÀA

⁸ Tɛɛ̀ zà naŋ wa kaaìŋ e teengaà anyùùŋ màŋjɛ̀wɛ̀ Jisɛ̀ nyaŋ nauŋ wa jòò jɛ̀wɛ̀ yèè àŋ naŋ kɔ̀ ko jawaì ko dìnìè e nɛ̀ŋje.

Jɔ̀ɔŋ 4:8 ပူးပေါင်းရင်းမြစ်များ

Luù 9:13

Kɛɛ wo Jisɛ̀ naŋ nyiŋ woò wààŋ, “Nyɛ̀iŋ bi kàmeìŋ e nɛ̀ŋje niŋ kiɛ̀ŋ nyiŋ aŋ jè.” Anyùùŋ màŋjɛ̀wɛ̀ nyaŋ naŋ fàsàì Jisɛ̀ nyààŋ, “Maŋ gbɔ̀ù fàà nɔɔnɔŋ yaà aŋ kɛ̀ì tìyèe è kùwàìŋ kià. Sèè è mɔnɔŋ wèè eiŋ gɔ̀ɔ̀yɛ̀ anyùùŋ nyɛɛ̀ŋ gbiŋ, è kuwa eiŋ ka wèè eiŋ dènàŋ e nɛ̀ŋje.”

Jɔ̀ɔŋ 2:2

Anyùùŋ nyaŋ naŋ wa nyààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nyiŋ pɛɛ ko gbììnyɛ̀ŋ ke yɛ̀ɛ̀ɛ.

Jɔ̀ɔŋ 4:27

E teenga kpuu bi sùà nɔŋ anyùùŋ màŋjɛ̀wɛ̀ Jisɛ̀ nyaŋ naŋ kɛ̀ɛ̀ maŋjɛ̀wɛ ko nɛ̀ɛ̀uŋ niìŋ. Yèè è naŋ nyiŋ wa foonò nààŋ àŋ nauŋ mɛɛ̀ŋ wò yaà gbùùyè wo jɔùŋ kɔɔ. Kɛɛ wo bà guùŋ pɛɛ gòuŋ wa dawè wààŋ, “Kiìŋ wò manaŋ ɔ̀ɔ̀ wèè kiìŋ wò yaà gbùùyè wo nìeɔ̀ kɔɔ?”

Jɔ̀ɔŋ 4:39

Anyùùŋ fùɔ̀ŋ Sàmilià nyaŋ zimgbe nyiŋ ko jawa wii naŋ wa hààwè wo Jisɛ̀ esàɓù ke mìè seìɛ wo nìeɔ̀ naŋ wa kiɛ̀ŋ lɛ nààŋ wò naŋ woò wààŋ, “Wo kenàaŋ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ.”

Jɔ̀ɔŋ 4:5

Ke dòmàŋ kàaiuŋ nɛɛ̀ŋ diɛŋ, wo Jisɛ̀ naŋ hàì ko jawa bà wɔŋ fùɔ̀ŋ Sàmiliàa sùà àŋ nyaaŋ Sikà. E jawa bi naŋ wa gbɛ̀ɛ̀ koɓɛ̀ e dììɛ wo Jègɔ naŋ wa kìɛ̀ŋ koɓɛ̀ wo jɔ̀àfelaauŋ nɔɔ̀ŋ Jòòsɛ e teenga gɔuo sùà.

Jɔ̀ɔŋ 4:7

Wo nìe bà e yìwìà wɔŋ fùɔ̀ŋ Sàmiliàa sùà nao hnè ko tìwìyè e wùìyè. Wò naŋ dèèyè e sàiŋ tìwìyà wuiyèuŋ nɛ̀ ko goloì wèè wo juwià e wùìyè. Yèè wo Jisɛ̀ nauŋ woò wààŋ, “Nìe wɛɛ̀, kìɛ̀im weè e wùìyè miŋ tìà.”