Jɔ̀ɔŋ 4:53 - WƆŊ FƐ̀Ì EBÒ SÌÀŊ DAYÀA

⁵³ Wo dèdà wo felaajɔaà naŋ ngàà jàà jii kɛ̀ e tèèngà guùŋ bi sùà e gɔɛɛ gbòà guùŋ nɛ wo Jisɛ̀ nauŋ woò wààŋ, “Wo jɔ̀àfelaa mɔɔ̀ŋ do nàŋ kɛ̀ɛ̀ wɔŋ nyiiŋ gèeɔ̀ sùà.” Kpeiŋ wo felaaà yaà ke kpoouŋ nɛɛ̀ŋ gbiŋ naŋ kɛ̀ɛ̀nɛ̀ŋ hààwe wo Jisɛ̀ sùà.

Jɔ̀ɔŋ 4:53 ပူးပေါင်းရင်းမြစ်များ

Maafiù 8:13

Kpeiŋ wo Jisɛ̀ naŋ wòò wo sìèfèìŋ aŋ kààlòòɗùà nyaŋ wààŋ, “Kɔ̀à naàŋ ko gboo moo. E hààwe mɔ̀ɛ̀ è nyɛ̀nɛ̀ŋ e yèɛ mùŋ naŋ woò lɛ è hɛɛnɛ̀ŋ.” E tèèngà guùŋ lii sùà nɔŋ wo ɓɔ̀ìjɔ̀à wo sìèfèìŋ aŋ kààlòòɗùà nyaŋ naŋ jòèyè.

Luù 19:9

Yèè wo Jisɛ̀ nauŋ woò wààŋ, “E jòèye è nàaŋ hnàŋ ko gboo yaà, esaɓù kɛ̀ wo felaa wɛɛ̀ wuŋ pɛɛ wò yaà wo jɔ̀ɛ̀jɔ̀ɛ̀ Eɓulɔhɛɛ̀ɔŋ bà.

Jɔ̀ɔŋ 4:51

Aŋ ɓɔ̀ìjɔ̀à tòmò wo nyùùŋ gbèè fuɔɔ̀ŋ bà nauŋ mɛ̀ɛ̀ŋ ko dòmaìŋ yèè wò nauŋ woò wààŋ, “Wo jɔ̀àfelaa mɔɔ̀ŋ do nàŋ kɛ̀ɛ̀ wɔŋ nyiiŋ gèeɔ̀ sùà!”

Jɔ̀ɔŋ 4:52

Wo kenàaŋ naŋ dàwè aŋ ɓɔìjɔ̀àuŋ nyàŋ wààŋ, kiìŋ è teenga e sàaŋ nauŋ fòlò e kɔɔ sùà, yèè àŋ nauŋ woò nyààŋ, “E kɔɔ bìaà nauŋ fòlò e kɔɔ sùà jìɛ̀ e tèèngà e gɔɛɛ gbòà guùŋ nɛ maŋ gɔɛɛ.”

Nyɛ̀nɛ̀ŋ 11:14

Wò doum nàŋ kìɛ̀ŋ maŋ miè gbìaŋ maŋ yè maŋ do nàŋ jòèyè muàŋ yèè anyunùum nyàŋ gbiŋ ko gboo moo.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 16:34

Wo felaaà naŋ kɔ̀ɔ̀ wo Pɔɔ̀ yèè wo Silà ko gboouŋ noo yèè wò naŋ nyiŋ kìɛ̀ŋ e nɛ̀ŋje wèè aŋ jè. E zɔlɔ̀ naŋ wa dìè wuŋ yèè anyunùuŋ nyàŋ ko gboouŋ noo, esaɓù kɛ̀ àŋ kuwa wa naàŋ e hààwe wo Dayà sùà.

Nyɛ̀nɛ̀ŋ 18:8

Wo Kulesipɔ̀ naŋ yaà wa wo sìèfèìŋ ko sààŋ zòòlò aŋ Juùù nyaŋ ko Kɔliìŋ. Wuŋ yèè anyùùŋ nyaŋ gbiŋ ke kpoouŋ nɛɛ̀ŋ sùà naŋ wa sìè e hààwe nyiŋ nɛ̀ wo Kanaà Jisɛ̀ sùà. Anyuùŋ zimgbe e yìwìà ko Kɔliìŋ naŋ wa kòmò ke miè gbìaàŋ, yèè anyùùŋ nyaŋ gbiŋ naŋ wa hààwè wo Kanaà Jisɛ̀ nyaŋ naŋ wa nɔ̀ŋ gùa nyiŋ.

Nyɛ̀nɛ̀ŋ 2:39

Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”