Jɔ̀ɔŋ 4:48 - WƆŊ FƐ̀Ì EBÒ SÌÀŊ DAYÀA

⁴⁸ Wo Jisɛ̀ naŋ wòò wo kenàaŋ wààŋ, “Nyɛ̀iŋ nààŋ bà nyiŋ naàŋ kɛ̀ɛ̀nɛ̀ŋ è hààwe sɔɔ̀ nɔ̀ŋ naŋ yɛ̀mɛ̀ e kèè mèè yèè maŋ tɔ̀ɔ̀màŋsèì keì maŋ kaaìŋ!”

Jɔ̀ɔŋ 4:48 ပူးပေါင်းရင်းမြစ်များ

Maafiù 16:1

Aŋ Fɛlosiì yèè aŋ Sadusiì nyaŋ bà nyiŋ naŋ wa hnè koɓɛ̀ Jisɛ̀i wèè auŋ kùwìà ke gbaù sùà, weètii àŋ nauŋ wa dawè wèè wo nyɛ̀nɛ̀ŋ e kèè mèè weè nyiŋ wèè wo tɔɔ̀ kɛ̀ wo Dayà e yìwìà ko àìjɛnɛ̀ŋ nauŋ gè nyààŋ diɛŋ.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 27:42

“Wò naŋ jòèyè anyuùŋ joo, kɛɛ wo fè ɓɛ̀nɛ̀ŋ wuŋ bi jòèye! Wuŋ nààŋ fè wò kànà Ezɔ̀ɛ̀ɔ? Sèè wò dè naàŋ sààmɛ e yìwìà wɔŋ vànèkpaaà diɛŋ, kɛ̀ èuŋ haawè!

Luù 10:18

Wo Jisɛ̀ naŋ nyiŋ fasàì wààŋ, “Mìŋ naŋ yɛ̀mɛ̀ wo Sɛ̀tanàaŋ naŋ sɔ̀ɔ̀ mààŋ ke gbàmàŋ nyili e yìwìà ko àìjɛnɛ̀ŋ.

Luù 16:31

Kɛɛ wo Eɓulɔhɛɛ̀ŋ nauŋ woò janjai wààŋ, ‘Sèè àŋ go nyɛ̀nɛ̀ŋ e nɛ̀ɛŋ wo Mòòze yaà aŋ wɛ̀ijì nyaŋ naŋ nyiŋ woò lɛ, aŋ naàŋ haawè sèè pɛɛ wo nyùùŋ wo weì yèwà e fàaà dìì.’ ”

Jɔ̀ɔŋ 12:37

Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 2:18

Kpeiŋ wèè esàɓù e nɛ̀ɛŋ wo Jisɛ̀ naŋ nyɛ̀nɛ̀ŋ lɛ, aŋ ɓɛ̀màŋɗì aŋ Juùù nyaŋ naŋ kɛɛ̀ yèè àŋ nauŋ gbìɛ̀ŋ wɔŋ mààŋdàwè nyààŋ, “Kiìŋ è tɔ̀ɔ̀màŋsèì keì mùŋ naŋ wi ɓɛ̀nɛ̀ŋ tɔ̀ɔ wèè tɛɛ̀ mùŋ naŋ yaà nyɛ̀nɛ̀ŋ lɛ?”

Jɔ̀ɔŋ 20:29

Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”

Jɔ̀ɔŋ 4:49

Wo kenàaŋ naŋ fàsàì wo Jisɛ̀ wààŋ, “Kanaà, kɔ̀nɛɛ̀ŋ hnaàŋ muŋ sùngà wo jɔ̀àfelaa miɔ̀ŋ wo go nàŋ fɔ̀!”

Nyɛ̀nɛ̀ŋ 14:3

Wo Pɔɔ̀ yaà wo Bànaŋɓà naŋ wa nɔ̀ŋ aŋ seì e hààwe nyiŋ nɛ̀ wo Kanaà Jisɛ̀ sùà, yèè àŋ nao nɔ̀ŋ wèè e teenga kpàa bà, àŋ yaà gbùùyè ke mìè Dayàa ke jii nyingèò sùà koɓɛ̀ anyùùŋ nyaŋ. Wo Kanaà Jisɛ̀ naŋ nyiŋ wa kìɛ̀ŋ e gààŋ wèè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì. Wo Kanaà naŋ wa tɔɔ̀ kɛ̀ ke miè gbìaŋ nyiŋ nɛɛ̀ŋ e nyaàiŋ dè ke kpèè siauŋ nɛɛ̀ŋ kè yaà wa tɔ̀ɔ̀nyaàŋ.

Nyɛ̀nɛ̀ŋ 15:12

Anyùùŋ fuɔŋ nyàŋ gbiŋ naŋ wa nɔ̀ŋ gìli nààŋ àŋ yaà wa kùmìàŋ sùà e jìwààjɛ̀wɛ̀ɛ wo Bànaŋɓà yèè wo Pɔɔ̀ yaà wa kìɛ̀ŋ sùà lɛ nyaàiŋ dè e gàaŋ wo Dayà naŋ wa kiɛ̀ŋ wèè aŋ nyɛ̀nɛ̀ŋ maŋ kèè mèè yèè maŋ tɔ̀ɔ̀màŋsèì keì wèè anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 2:19

Mìŋ do nàŋ tɔ̀ɔ̀ maŋ kèè mèè gbeegbèè ke nyiliɛ̀ e kìlà ka tɔ̀ɔ̀ maŋ tɔ̀ɔ̀màŋsèì maŋ keì e dììɛ diɛŋ e ɗuunyaàŋ. Nìŋ do nàŋ yɛ̀mɛ̀ maŋ sɛ̀ìŋ, e hmɔ̀ɔ̀ŋ, yèè ke komò gènaŋ.

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Nyɛ̀nɛ̀ŋ 2:43

Anyùùŋ nyaŋ gbiŋ yaà wa ko Jùlusɛ̀làm nyaŋ, e jùù naŋ wa sɛ̀ɛ̀ maŋ jii nyiŋ màŋ sùà, yèè àŋ naŋ kìɛ̀ŋ e ɓɛ̀ɛ̀jàa gbee koɓɛ̀ Dayài e nyaàiŋ dè maŋ kèè mèè gbeegbèè maŋ aŋ keela tàeɗùù nyaŋ yaà wa nyinie màŋ.

Nyɛ̀nɛ̀ŋ 4:30

Vùlɔ̀ŋ wɔŋ kuàŋ gaàŋ mɔɔ̀ŋ muŋ joeyè anyùùŋ, yèè muŋ tɔɔ̀ maŋ tɔ̀ɔ̀maŋsèì keì yèè maŋ kèè mèè maŋ kaaìŋ e dèè wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀ sùà.”

Nyɛ̀nɛ̀ŋ 5:12

Aŋ keela tàeɗùù nyaŋ naŋ wa kààìŋ maŋ kèè mèè yèè àŋ naŋ tɔ̀ɔ̀ maŋ tɔ̀ɔ̀màŋsèì keì anyùùŋ nyaŋ tɛɛ. Anyuùŋ hààwe nyàŋ gbiŋ hewa dèènè koɓɛ̀ guùŋ mààŋ ke kpòò guùŋ ko Pìàzà Salemàiŋ.

Nyɛ̀nɛ̀ŋ 6:8

Wo Dayà naŋ wa kìɛ̀ŋ wo Siiwììŋ e kpùùmaŋ gbee yaà e gààŋ. Wo Siiwììŋ naŋ wa nyɛ̀nɛ̀ŋ maŋ kèè mèè gbeegbèè yèè maŋ tɔ̀ɔ̀màŋsèì keì anyùùŋ nyaŋ tɛɛ.

Nyɛ̀nɛ̀ŋ 7:36

Wò naŋ wa sìè anyùùŋ nyaŋ feìŋ e yìwià wɔŋ fùɔ̀ŋ Ijèɔ, wò yaà nyìnìè maŋ kèè mèè yèè maŋ tɔ̀ɔ̀màŋsèì keì ko Ijè, yèè koɓɛ̀ wɔŋ Juwo Wɛnɛɔ̀ŋ, yèè wèè maŋ doa kpɛ̀ɛ̀ùŋ tìyèe ke fòùngà e diì wòaà diɛŋ.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

1 Kɔliìŋ 1:22

Aŋ Juùù dawà wèè e tɔ̀ɔ̀màŋsèì e kèè mèè, yèè aŋ Guliì nyùùŋ nyàŋ kamàŋ e jiikɛ̀ɛ,

2 Kɔliìŋ 12:12

Maŋ kèè mèè maŋ yaà maŋ tòmò gààŋ gbee màŋ naŋ kaaìŋ wèè maŋ tɔɔ̀ kɛ̀ mìŋ yaà wo keela tàeɗùù lɛ, mìŋ naŋ kùwò ke jii ka kààìŋ maŋ gbiŋ e tɛɛiŋ.

2Tɛsè 2:9

Wo Nyuùŋ Naanààŋ do nàŋ hìɛ̀ŋ e gààŋ Sɛ̀tanàaŋ wo nyɛ̀nɛ̀ŋ maŋ kèè mèè tòa kà tinàŋ gbiŋ yaà maŋ keì fòònò nyùùŋ,

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.