Jɔ̀ɔŋ 4:45 - WƆŊ FƐ̀Ì EBÒ SÌÀŊ DAYÀA

⁴⁵ Nààŋ wo Jisɛ̀ naŋ hàì ko Galaliì, anyùùŋ nyaŋ nauŋ wa ɓeè, esaɓù kɛ̀ e tèèngà guùŋ àŋ naŋ wa kɔ̀ ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ yèè àŋ naŋ yɛ̀mɛ̀ e nɛ̀ɛŋ gbiŋ wò naŋ wa nyɛ̀nɛ̀ŋ lɛ.

Jɔ̀ɔŋ 4:45 ပူးပေါင်းရင်းမြစ်များ

Luù 13:1

E teenga lii sùà anyùùŋ bà yaào wa fɛɛ̀feìŋ yèè àŋ naŋ wòò wo Jisɛ̀ e kèè anyùùŋ Galaliì nyaŋ, aŋ yè nyaŋ wo Paalè naŋ wa jìwè e teengaà àŋ yaà wa gììyè maŋ saaà koɓɛ̀ Dayài lɛ̀.

Luù 8:40

Nààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɛ̀ɛ̀ maŋjɛ̀wɛ wɔŋ fàa bàa wɔŋ juwoɔ̀ kɔɔ ko Kepanàùm, anyùùŋ nyaŋ naŋ wa ɓèè wo Jisɛ̀, esaɓù kɛ̀ aŋ gbiŋ yàaùŋ wa fulie.

Luù 9:53

Kɛɛ anyùùŋ ko jawa bi naŋ wa gè maŋhɛɛ wèè auŋ jàà kùàŋ dìì, esaɓù kɛ̀ è yaà janjai kɛ̀ wò yaà ke dòmàŋ kàauŋ nɛɛ̀ŋ diɛŋ wèè ko Jùlusɛ̀làm.

Jɔ̀ɔŋ 2:23

Esàɓù maŋ kèè mèè maŋ anyùùŋ nyaŋ naŋ wa yɛ̀mɛ̀ wo Jisɛ̀ naŋ nyɛ̀nɛ̀ŋ maŋ, anyuùŋ zimgbe nauŋ wa haawè ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 4:54

Tɛɛ̀ nàŋ yaà wa e kèè mèè dìà tìyèeɛ̀ wo Jisɛ̀ naŋ nyɛ̀nɛ̀ŋ nààŋ wò naŋ yèwè ko Jùdià yèè wò naŋ kɔ̀ ko Galaliì.