Jɔ̀ɔŋ 4:38 - WƆŊ FƐ̀Ì EBÒ SÌÀŊ DAYÀA

³⁸ Kàiŋ tùàŋ wèè naŋ kpàà manɛ̀ŋ ɓù ko ɓùi ko yèi anyuùŋ joo bà naŋ nyɛ̀nɛ̀ŋ e tòmo nyìngaà gbiŋ lɛ̀.”

Jɔ̀ɔŋ 4:38 ပူးပေါင်းရင်းမြစ်များ

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Jɔ̀ɔŋ 1:7

Wò naŋ wa hnè wèè wo kiɛ̀ŋ ke mìè seì wèè e gbolòùŋ nɛ, wèè kɛ̀ anyùùŋ nyaŋ gbiŋ naŋ ɓɛ̀nɛ̀ŋ kùwùè e hààwe wo nyùnɔ̀ɔŋ yaà e gbolòùŋ nɛ wɔ sùà.

Jɔ̀ɔŋ 17:18

Mìŋ yaà nyiìŋ tùàŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ mùŋ naim wa tùɔ̀ŋ lɛ.

Jɔ̀ɔŋ 4:37

E keì wòo lɛɛ̀ è yaà tɔ̀ɔ̀nyaàŋ, ‘Wo nyùùŋ bà tomàŋ wɔŋ ɓùɔ, yèè wo nyuùŋ joo bà kpàà manɛ̀ŋ ɓù maŋ.’

Jɔ̀ɔŋ 4:39

Anyùùŋ fùɔ̀ŋ Sàmilià nyaŋ zimgbe nyiŋ ko jawa wii naŋ wa hààwè wo Jisɛ̀ esàɓù ke mìè seìɛ wo nìeɔ̀ naŋ wa kiɛ̀ŋ lɛ nààŋ wò naŋ woò wààŋ, “Wo kenàaŋ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ.”

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 4:32

Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Nyɛ̀nɛ̀ŋ 5:14

Kɛɛ anyuùŋ zimgbe, felaa yèè jɔùŋ yè nyaŋ kuwa wa hààwe wo Kanàa Dayà sùà nyaŋ naŋ wa sɛ̀ɛ̀ ke gbòòɛ sùà.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

2 Kɔliìŋ 10:15

E wèètii e fèiŋ kɛ̀ɛ̀ màŋ nyòngà wèè è tòmoɛ̀ è yèɛ anyùuŋ bà naŋ nyɛ̀nɛ̀ŋ è naŋ gɛ̀ɛ̀ kò dìaì wo Dayà naŋ tɔɔ̀ weè wilɛ̀. Kɛɛ è kuwa jii tùlia kɛ̀ e hààweiŋ nɛ̀ do nàŋ dɛɛ̀, wèè eiŋ ɓɛ̀nɛ̀ŋ nyɛ̀nɛ̀ŋ e tòmo gbee e tɛɛiŋ, e teenga gbiŋ eiŋ tòòmò ko dìa wiì wo Dayà naŋ tɔɔ̀ lɛ.