Jɔ̀ɔŋ 4:36 - WƆŊ FƐ̀Ì EBÒ SÌÀŊ DAYÀA

³⁶ Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

Jɔ̀ɔŋ 4:36 ပူးပေါင်းရင်းမြစ်များ

Maafiù 19:29

Anyùùŋ nyaŋ gbiŋ naŋ jòò maŋ gboo nyiŋ màŋ ɔ̀ɔ̀ aŋ jaa ɔ̀ɔ̀ aŋ wùìya nyiŋ nyàŋ, wo dèda nyiŋ nɔɔ̀ŋ ɔ̀ɔ̀ wo yèye nyiŋ nɔɔ̀ŋ ɔ̀ɔ̀ aŋ jɔ̀à nyiŋ nyàŋ, ɔ̀ɔ̀ maŋ diì nyiŋ màŋ wèè esaɓù mɛ̀, àŋ do miŋ nàŋ yɛmɛ̀ e nìàŋ e hɔnɔ̀ɔ̀, e kìlà àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

1 Kɔliìŋ 9:17

Sèè e tòmo lɛɛ̀ e yìwìà ke jii miàŋ biɛ̀ diɛŋ wèè kaiŋ nyɛ̀nɛ̀ŋ, kɛ̀ kà ɓɛ̀nɛ̀ŋ yɛ̀mɛ̀ e pààwa, kɛɛ sèè pɛɛ mìŋ go mànàŋ wèè ka niŋ nyɛ̀nɛ̀ŋ, wo Dayà naim tàeɗùù ke gbòòɛ sùà wèè ka nyɛ̀nɛ̀ŋ e tòmouŋ nɛ̀.

1 Kɔliìŋ 9:18

Kiìŋ nàŋ yaà e pààwa mɛ̀? Tiŋ nɔŋ nàŋ yaà, e gààaŋ mìŋ kuwa wèè ka wòò ke mìè gbìàŋ Ebò Siaàŋ lɛ, miŋ woò nyiŋ nɔŋ wèè foo, miŋ fè nyiŋ gè è tɔ̀ɔ̀nyaàŋ mɛ̀ gbiŋ kò sùà.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.