Jɔ̀ɔŋ 4:34 - WƆŊ FƐ̀Ì EBÒ SÌÀŊ DAYÀA

³⁴ Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 4:34 ပူးပေါင်းရင်းမြစ်များ

Maafiù 26:39

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Maafiù 9:19

Kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nauŋ dè màŋjɛ̀wɛ àŋ naŋ kɔ̀.

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Luù 2:49

Wo Jisɛ̀ naŋ nyiŋ fasàì wààŋ, “Wèè kiìŋ nìŋ yààìm kaame? Niŋ nyimààŋ kɛ̀ mìŋ kuwa ka nɔ̀ŋ kò sààŋ Dèda miɔ̀ŋ?”

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 19:28

Yèè e teenga lii sùà, wo Jisɛ̀ wa naàŋ nyìmàŋ kɛ̀ wò kpɛ̀ɛ̀yɛ̀ e tòmoɛ̀ wo Dayà nauŋ wa tùɔ̀ŋ wèè wo nyɛ̀nɛ̀ŋ lɛ. Yèè wèè wo nyɛ̀nɛ̀ŋ wa e yèɛ wɔŋ fɛ̀ì Dayàa naŋ woò lɛ e hɛɛnɛ̀ŋ, wo Jisɛ̀ naŋ woò wààŋ, “Ke jòòmàì yààìm.”

Jɔ̀ɔŋ 19:30

Nààŋ wo Jisɛ̀ naŋ tìyè maŋ muàŋ keekèè maŋ, wò naŋ woò wààŋ, “E gbiŋ è naàŋ jùà.” Yèè wo Jisɛ̀ naŋ kpààŋ sɛiŋ, yèè wò naŋ mìè nyiiuŋ nɔɔ̀ŋ.

Jɔ̀ɔŋ 4:32

Kɛɛ wo Jisɛ̀ naŋ nyiŋ fasàì wààŋ, “Kà jè e nɛ̀ŋje e yèɛ niŋ nyimààŋ è kii niŋ lɛ̀.”

Jɔ̀ɔŋ 5:30

“Miŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùŋ maim e fòfoo mìŋ manaŋ ka niŋ nyɛ̀nɛ̀ŋ. Wo Dèdaà naim tùɔ̀ŋ, yèè wuŋ nàŋ woàìm kɛ̀ dièsɔa mìŋ gbaì wo nyùùŋ. Sèè mìŋ gbaì wo nyùùŋ gbiŋ, mìŋ nyɛ̀nɛ̀ŋ niìŋ e tɔ̀ɔ̀nyaàŋ sùà. Miŋ fè niŋ nyɛ̀nɛ̀ŋ wèè ka fɔ̀ɔ̀yɛ̀ miàŋ bi kè jii.

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Jɔ̀ɔŋ 6:33

Yèè e nɛ̀ŋjeɛ̀ wo Dayà naŋ kiɛ̀ŋ lɛ nàŋ yaà miàŋ wo yèɔ naŋ dèyè e yìwìà ko àìjɛnɛ̀ŋ wɔ wèè ka kìɛ̀ŋ wɔŋ nyiiŋ gèè koɓɛ̀ anyùùŋ nyaŋ e ɗuunyaàŋ.”

Jɔ̀ɔŋ 6:38

Esaɓù kɛ̀ miŋ gò dèyà è yìwìà kò àìjɛnɛ̀ŋ wèè ka nyɛ̀nɛ̀ŋ è yèɛ mìàŋ bi mìŋ manaŋ lɛ̀, kɛɛ wèè ka nyɛ̀nɛ̀ŋ e yèɛ wo Dayàa naim tùɔ̀ŋ wɔ manaŋ lɛ̀.

Jɔ̀ɔŋ 8:29

Wo nyùnɔ̀ɔŋ naim tùɔ̀ŋ wɔ kòò wò yààìm kɔɔ. Mìŋ nyɛnɛŋ e yèɛ wò manaŋ wèè ka nyɛ̀nɛ̀ŋ lɛ e teenga gbiŋ, yèè wo naàim wa nàwèè jòò miàŋ guùŋ.”

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.