Jɔ̀ɔŋ 4:3 - WƆŊ FƐ̀Ì EBÒ SÌÀŊ DAYÀA

³ Kpeiŋ nààŋ wo Jisɛ̀ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ euŋ dè, wò naŋ yèwè ko Jùdià yèè wò naŋ ɓɛìŋ kɔ̀ ko Galaliì.

Jɔ̀ɔŋ 4:3 ပူးပေါင်းရင်းမြစ်များ

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Luù 17:11

Nààŋ wo Jisɛ̀ yaà wa kɔ̀ɔ̀yɛ̀ ko Jùlusɛ̀làm, wò naŋ kɔ̀ɛ̀ɛ̀ e fèèmàŋ wɔŋ fùɔ̀ŋ Sàmiliàa yaà wɔŋ fùɔ̀ŋ Galaliì sùà.

Jɔ̀ɔŋ 1:43

Wɔŋ niìsìaà bàa wo Jisɛ̀ naŋ ɗewè wèè wo ka ko Galaliì. Kuŋ wò naŋ mɛ̀ɛ̀ŋ wo Felè yèè wò nauŋ woò wààŋ, “Dèim maŋjɛ̀wɛ.”

Jɔ̀ɔŋ 10:40

Wo Jisɛ̀ naŋ ɓɛìŋ kɛ̀ɛ̀ e Wùìyè Jɔɔɗììŋ nɛ nìngè koɓɛ̀i wo Jɔ̀ɔŋ Gùà Nyùnɔ̀ɔŋ naŋ wa gùùyè anyùùŋ nyaŋ lɛ̀. Yèè nààŋ wo Jisɛ̀ yaà wa koɓɛ̀ bi,

Jɔ̀ɔŋ 11:54

Esàɓù ke gbùnu yɛɛ̀, wo Jisɛ̀ fè wa ɓɛìŋ tɔ̀ɔ̀ wuŋ bi janyai kò ɓài àŋ Juùù nyaŋ tɛɛ. Wò naŋ wa kɔ̀ koɓɛ̀ e jawa bà àŋ nyaaŋ ko Ɛfilàm, ko gbɛ̀ɛ̀ e dìì ke fòungà wòaà. Kuŋ wuŋ yaà anyùùŋ màŋjɛ̀wɛ̀uŋ nyàŋ naŋ wa nɔ̀ŋ.

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 3:22

Eɓìèmàŋjɛ̀wɛ̀ tɛɛ̀, wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ wɔŋ fùɔ̀ŋ Jùdiàa sùà. Yaà nyiŋ naŋ nɔ̀ŋ koɓɛ̀ anyùùŋ Jùdià nyaŋ wèè e teenga bà, e kìlà e tèèngà guùŋ bi wò yaào gùùyè anyùùŋ.

Jɔ̀ɔŋ 3:32

Wò naŋ kìɛ̀ŋ ke mìè seì wèè e yèɛ wò naŋ yɛmɛ̀ yèè wò naŋ kòmò lɛ ko àìjɛnɛ̀ŋ. Yèè yɛi nɔŋ è yaà anyùùŋ nyaŋ gò wa jàà kè mìè gbìauŋ nɛɛ̀ŋ kùàŋ dìì.

Jɔ̀ɔŋ 4:47

Nààŋ wo nyùùŋ gbèè fuɔɔ̀ŋ naŋ wa kòmò kɛ̀ wo Jisɛ̀ wa hnàŋ e yìwìà ko Jùdià yèè wò hàì ko Galaliì, wò naŋ kɔ̀ yèè wò nauŋ pɔwɔ̀ wèè wo sùngà wo jɔ̀àfelaauŋ nɔɔ̀ŋ wèè wo go nàŋ fɔ̀.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.