Jɔ̀ɔŋ 4:29 - WƆŊ FƐ̀Ì EBÒ SÌÀŊ DAYÀA

²⁹ “Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”

Jɔ̀ɔŋ 4:29 ပူးပေါင်းရင်းမြစ်များ

Maafiù 12:23

E keì lɛɛ̀ naŋ wa fòònò anyùùŋ nyaŋ zimgbe nààŋ wo Jisɛ̀ naŋ wa sùngò wo felaaà, yèè àŋ naŋ tɔ̀ɔ̀tù dàwe nyààŋ, “Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo jɔ̀àfelaa Dèèweɔ̀?”

Jɔ̀ɔŋ 4:25

Wo nìeɔ̀ naŋ wòò wo Jisɛ̀ wààŋ, “Kà nyìmàŋ kɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ kòò wò yaà hinie. Sèè wò hnàŋ, wò do wi nàŋ kpìnìè maŋ keì maŋ gbiŋ janjai.”

Jɔ̀ɔŋ 4:28

Wo nìeɔ̀ naŋ jòò e wuiyè sànuuŋ nɛ̀, kpeiŋ wò naŋ kɔ̀ɔ̀ maŋ dùàŋ ko jawa gbeeì, yèè wò naŋ wòò anyùùŋ nyaŋ wààŋ,

Jɔ̀ɔŋ 4:30

Anyùùŋ nyaŋ gbiŋ naŋ kɔ̀ɔ̀ maŋ dùàŋ koɓɛ̀ Jisɛ̀i e yìwìà ko jawaì.

Jɔ̀ɔŋ 4:39

Anyùùŋ fùɔ̀ŋ Sàmilià nyaŋ zimgbe nyiŋ ko jawa wii naŋ wa hààwè wo Jisɛ̀ esàɓù ke mìè seìɛ wo nìeɔ̀ naŋ wa kiɛ̀ŋ lɛ nààŋ wò naŋ woò wààŋ, “Wo kenàaŋ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ.”

Jɔ̀ɔŋ 7:26

Wuŋ wɛɛ̀ kià, wò yaà gbùùyè koɓɛ̀ anyùùŋ nyaŋ gbiŋ wèè auŋ kumiàŋ, yèè wo nyùùŋ kòò wò gbìɛìŋ pɛɛ wɔ̀ŋ mààŋdàwè. Tɔɔɓaa ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ anyùùŋ gbèègbèè aŋ Juùù nyaŋ naŋ haawè kɛ̀ wo Dayà naŋ tàeɗùù wèè wo joeyè e ɗuunyaàŋ wɔ?

Jɔ̀ɔŋ 7:31

Anyuùŋ zimgbe e faaàŋ sùà naŋ wa kɛ̀ɛ̀nɛ̀ŋ e hààwe wo Jisɛ̀ ko sùà yèè àŋ naŋ woò nyààŋ, “Sèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ wò hnàŋ, tɔɔɓaa wo naàŋ nyɛ̀nɛ̀ŋ màŋ kèè mèè màŋ do nìàŋ màŋ yè maŋ wò felaa wɛɛ̀ naŋ nyɛ̀nɛ̀ŋ maŋ!”

Maŋ kèì nyɛɛnɛŋ 22:17

Wo Jìnàŋ Nɛɛmaàŋ yaà wo jɔunɔ̀ɔŋ wo Ɓaawaaà do nàŋ ɓemè wɔ naŋ woò nyààŋ, “Hnaàŋ!” Wo nyùnɔ̀ɔŋ gbiŋ komo tɛɛ̀ wɔ wo woò wààŋ, “Hnaàŋ!” Hnaàŋ, nyɛ̀iŋ nyàŋ gbiŋ nìŋ yaà ke jòòmàì sùà nyaŋ. Kùwaìŋ e wùìyèɛ kuwa wɔŋ nyiiŋ gèeɔ̀ lɛ wèè e nɔ̀ŋ e nɛ̀ŋ kìɛŋ, koɓɛ̀ wo nyùnɔ̀ɔŋ gbiŋ mànàŋ niìŋ wɔ.