Jɔ̀ɔŋ 4:21 - WƆŊ FƐ̀Ì EBÒ SÌÀŊ DAYÀA

²¹ Wo Jisɛ̀ naŋ fasàì wo nìeɔ̀ yèè wò nauŋ woò wààŋ, “Nìe wɛɛ̀, hààweè e yèɛ mìŋ yààùm wòo sùà lɛ, e teengaà kòò è yaà hinie e yèɛ wo nyùùŋ gbiŋ naàŋ ɓɛìŋ zòòlò wò Dèdaà wɔ̀ŋ toò gbee wɛɛ̀ŋ dìmɛ̀ ɔ̀ɔ̀ kò Jùlusɛ̀làm.

Jɔ̀ɔŋ 4:21 ပူးပေါင်းရင်းမြစ်များ

Maafiù 18:20

Esaɓù kɛ̀ koɓɛ̀i anyùùŋ tìyèe ɔ̀ɔ̀ àŋ taai àŋ naŋ dèènè koɓɛ̀ guùŋ e deè mɛ̀ diɛŋ lɛ̀, kòò mìŋ yaà nyiìŋ nèè tɛɛ.”

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Luù 21:24

Àŋ do nàŋ jìwìè aŋ bà nyiŋ maŋ kòyà ɗùà. Àŋ do nàŋ kɔ̀ɔ̀ aŋ bà nyiŋ e pèesìnàŋ dìì maŋ fuɔŋ joo sùà. Anyùùŋ nyaŋ fè àŋ Juùù nyaŋ do nàŋ ɓèmè ko Jùlusɛ̀làm, e kìlà aŋ doo nàŋ jeè e jèèsùà e tèèngà anyùùŋ maŋ fuɔŋ joo nyàŋ e jùà.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 16:32

Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Jɔ̀ɔŋ 4:23

Kɛɛ e teenga kòò è yaà hinie, e kìlà kòò è yaà naàŋ kià tɛ! Wo Jinàaŋ do nàŋ nyɛ̀nɛ̀ŋ anyuùŋ zòòlò Dayà kɛnɛ nyàŋ aŋ zòòlò Dayà e tɔ̀ɔ̀nyaàŋ sùà.

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Jɔ̀ɔŋ 5:28

Tɛɛ̀ ɓɔ̀ è foonòiŋ wa nàwèè! E teengaà do nàŋ hnè, yèè anyuùŋ fàa nyàŋ gbiŋ maŋ hùaŋ màŋ sùà do nàŋ kòmò ke miè miɛ̀ŋ,

Nyɛ̀nɛ̀ŋ 6:14

È naiŋ kòmò wò naŋ woò wààŋ, wo Jisɛ̀ wɛɛ̀ e yìwìà ko Naazɔ̀ɛ̀ do naŋ gɔ̀ɛ̀ ke sààŋ zòòlò aŋ Juùù nyaŋ yèè e kìlà wo vɔ̀ɔ̀nɔ̀ŋ maŋ langi maŋ gbiŋ wo Mòòze naŋ wi kiɛ̀ŋ maŋ!”

Ɛfesɔ̀ 2:18

Esàɓù Jisɛ̀ Kulaì sùà, aŋ Juùù nyaŋ yèè anyùùŋ nyaŋ fè àŋ Juùù nyaŋ, yàwi nààŋ gbiŋ è naiŋ ɓɛnɛ̀ŋ wèè eiŋ hnàŋ wo Jìnàŋ gunɔ̀ɔŋ sùà ko fɛ̀ɛ̀fèìŋ Dèdaì.

Ɛfesɔ̀ 3:14

E wèè esaɓù lɛɛ̀ mìŋ naŋ dè maŋ gɛ̀nìim màŋ e dìì wèè ka zoolò koɓɛ̀ Dèdaà

1Time 2:8

E zòòlò anyùùŋ hààwe gbiŋ sùà mìŋ manaŋ aŋ felaa nyàŋ aŋ zoolò, aŋ felaa nyàŋ naŋ sìè e hààwe nyiŋ nɛ̀ wo Dayà nɛɛmaàŋ sùà nyaŋ yèè àŋ joowà maŋ kùàŋ zòòlo gò kùwìè màŋ jii bìya e kìlà aŋ fè nyɛ̀nɛ̀ŋ nyaàŋ tàaŋ nyàŋ.

1Pììlɛ 1:17

Nìŋ nyaaŋ Dayà Dèda, sèè nìŋ nɔ̀ŋ zoolo, wo yèɔ gbaì e keì koɓɛ̀ anyùùŋ nyaŋ gbiŋ e ɗèwè guùŋ nɛ e yìwìà e tùwò kìì nyùùŋ gbiŋ sùà wɔ. Wèètii, e jùù nɔ̀iŋ kɔɔ sùà wèè Dayà maŋ nyiiŋ gèe gbànaiŋ màŋ sùà e ɗuunyaàŋ diɛŋ.

Maŋ kèì nyɛɛnɛŋ 21:22

Mìŋ gò wa yɛ̀mɛ̀ kè saaŋ zòòlò Dayà kò jawa gbeeì, esaɓù kɛ̀ wo Kanaà wo Dàyà Gaàŋ Gbeeɔ̀ yaà wo Ɓaawaaà nàŋ yaà wa ke Saaŋ Zòòlò Dayàa.