Jɔ̀ɔŋ 4:16 - WƆŊ FƐ̀Ì EBÒ SÌÀŊ DAYÀA

¹⁶ Wo Jisɛ̀ nauŋ woò wààŋ, “Kɔ̀à yèè muŋ nyààŋ wo faniŋ mɔɔ̀ŋ muŋ kɛɛ̀ ɓɛìŋ kià.”

Jɔ̀ɔŋ 4:16 ပူးပေါင်းရင်းမြစ်များ

Jɔ̀ɔŋ 1:42

Kpeiŋ wo Anɗù naŋ kɔ̀ɔ̀ wo Saimɔ̀ŋ koɓɛ̀ Jisɛ̀i. Wo Jisɛ̀ nauŋ yɛmɛ̀ yèè wò naŋ woò wààŋ, “Muàŋ nàŋ yaà wo Saimɔ̀ŋ, yèè e dèè dèda mɔɔ̀ŋ nàŋ yaà wo Jɔ̀ɔŋ, kɛɛ àŋ doum naàŋ nàŋ nyààŋ wo Sifɔ̀.” E dèè guùŋ lɛɛ̀ nàŋ yaà ɓɛìŋ wo Pììlɛ, yèè fàsàì tɛɛ̀ nàŋ yaà ke dùò.

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 4:15

Wo nìeɔ̀ naŋ fasàì wààŋ, “Dàa, kɔ̀nɛɛ̀ŋ kìɛ̀im e wùìyè lɛɛ̀ bà miŋ tìà! Tɛɛ̀ do nàŋ nyɛ̀nɛ̀ŋ ke jòòmàì naàim ɓɛìŋ nyɛ̀nɛ̀ŋ yèè miŋ naàŋ ɓɛìŋ nɔ̀ɔ̀ŋ hìnìè kòɓɛ̀ wɔ̀ŋ gòòmàmàì wɛɛ̀ŋ wèè ka tàwà è wùìyè.”

Jɔ̀ɔŋ 4:17

Wo nìeɔ̀ naŋ fasàì wò naŋ wòò wo Jisɛ̀ wààŋ, “Miŋ kuwà felaa.” Wo Jisɛ̀ nauŋ woò wààŋ, “Mùŋ naŋ gbàì e tɔ̀ɔ̀nyaàŋ kɛnɛ, muŋ kuwà felaa.

Jɔ̀ɔŋ 4:18

Àum naàŋ gbìàŋ ke nyɛ̀ɛ̀ koɓɛ̀ aŋ fèlàà nɔɔnɔŋ kenɛiŋ, e kìlà wo felaaà mùŋ kuwa naàŋ wɔ wo fè wò fanuum, mùŋ naŋ gbàì e tɔ̀ɔ̀nyaàŋ kɛnɛ.”

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.