Jɔ̀ɔŋ 4:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 4:14 ပူးပေါင်းရင်းမြစ်များ

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Maafiù 5:6

“E zɔlɔ̀ yaà anyùùŋ nyaŋ kuwa e mànaŋ gbee wèè aŋ nyɛ̀nɛ̀ŋ e tɔ̀ɔ̀nyaàaŋ wo Dayà manaŋ lɛ̀. Wo Dayà do nyiŋ nàŋ kìɛ̀ŋ ke jii fàa kɛnɛ!

Jɔ̀ɔŋ 10:10

Wo nyuùŋ wùaà wò hnàŋ nɔŋ wèè wo wùà, wo jìwà wo nyùùŋ, yèè wo pɔ̀ɔ̀pɔ̀ɔ̀ maŋ nɛ̀ŋ. Kɛɛ mìŋ naŋ hnè wèè kɛ̀ anyùùŋ nyaŋ gbiŋ aŋ kɛɛnɛ̀ŋ wɔŋ nyiiŋ gèe, yèè aŋ wɔŋ kɛɛnɛ̀ŋ e dìa suà wuŋ kpaŋ.

Jɔ̀ɔŋ 11:26

Yèè aŋ yè nyaŋ yaà wɔŋ nyiiŋ gèeɔ̀ sùà àŋ naim haawè nyaŋ aŋ naàŋ wa nàwèè fɔ̀ julɔfɔ. Màŋ tɛɛ̀ haawè?”

Jɔ̀ɔŋ 4:10

Wo Jisɛ̀ naŋ wòò wo nìeɔ̀ wààŋ, “Sèè maŋ weè nyìmàŋ e nɛ̀ɛŋ wo Dayà kiɛ̀ŋ anyùùŋ lɛ, yèè miàim wo nyùnɔ̀ɔŋ yààùm daawe wèè e wuiyè tìa wɔ̀, mùŋ heuŋ nàŋ dawè, yèè wò heum nàŋ kìɛ̀ŋ e wùìyèɛ e yèɛ kiɛ̀ŋ wo nyùùŋ wɔŋ nyiiŋ gèe gò jùà lɛ.”

Jɔ̀ɔŋ 4:11

Wo nìeɔ̀ naŋ woò wààŋ, “Dàa, muŋ kuwà wɔ̀ŋ fali tìwìyà è wùìyè, e kìlà ngèè wɔŋ gòòmamàìɔ naŋ zutùùŋ. Kòò mùŋ do nàŋ gè e wuiyè kìɛ̀ŋ wɔŋ nyiiŋ gèe gò jùà lɛɛ̀?

Jɔ̀ɔŋ 4:13

Wo Jisɛ̀ naŋ fasàì wò naŋ wòò wo nìeɔ̀ wààŋ, “Ke jòòmàì do ɓɛìŋ nàŋ nyɛ̀nɛ̀ŋ anyùùŋ nyaŋ gbiŋ do nàŋ tìè e wùìyè lɛɛ̀ nyaŋ.

Jɔ̀ɔŋ 4:36

Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 6:35

Kpeiŋ wo Jisɛ̀ naŋ nyiŋ woò wààŋ, “Mìŋ yaà nɔŋ mààŋ e nɛ̀ŋje e yèɛ kiɛ̀ŋ wɔŋ nyiiŋ lɛ̀. Wo nyùnɔ̀ɔŋ gbiŋ dèìm maŋjɛ̀wɛ yèè wò haawàìm wɔ, e jìyè yèè ke jòòmàì naàuŋ wa nàwèè ɓɛìŋ kùwò.

Jɔ̀ɔŋ 6:58

Nyìmaìŋ kɛ̀, kɛɛ̀ nàŋ yaà e nɛ̀ŋjeɛ̀ naŋ dèyè e yìwìà ko àìjɛnɛ̀ŋ lɛ. E fè mààŋ è nɛ̀ŋjeɛ̀ àŋ nèwàènèweiŋ nyàŋ naŋ wa jè lɛ, yèè ko diemeì àŋ naŋ wa fɔ̀. Kɛɛ wo nyùnɔ̀ɔŋ gbiŋ do nàŋ jè e nɛ̀ŋje lɛɛ̀ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ.”

Jɔ̀ɔŋ 7:37

Ke ɗɔɔ dìàmaŋ gbeeɛ̀ diɛŋ nààŋ anyùùŋ nyaŋ naŋ kpɛ̀ɛ̀yɛ̀ wɔŋ ɗaa geɔ̀, wo Jisɛ̀ naŋ sie yèè wò naŋ gbòò ke miè gbee sùà wò naŋ woò wààŋ, “Wo nyùnɔ̀ɔŋ gbiŋ nɔ̀ŋ ke jòòmàì sùà wɔ, wo hnàŋ ko nɛ̀ɛ̀ŋ miìŋ yèè mìŋ doum nàŋ kìɛ̀ŋ e wùìyè maŋ tìà.

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

2 Kɔliìŋ 1:22

wo yèɔ naŋ wi sìè le fee kɛ̀ wuŋ nàŋ kànàŋ wì wɔ, yèè wo yèɔ naŋ wi fè wo Jìnàŋ Dayàa maŋ jii wi màŋ sùà wɔ. Wuŋ naŋ nɔ̀ŋ ke jii nyììneɛ̀ wèè e nɛ̀ɛŋ gbiŋ wo Dayà kuwa ko bàànè hàa weè wilɛ̀.

Ɛfesɔ̀ 4:30

Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 7:16

Julɔfɔ e jìè, yèè ke jòòmàì naàŋ nyiŋ wa nàwèè ɓɛìŋ nyɛ̀nɛ̀ŋ. E gɔɛɛ, ɔ̀ɔ̀ e zùzù gɔɛɛ̀, naàŋ nyiŋ ɓɛìŋ sùɔ̀ŋ,

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”