Jɔ̀ɔŋ 4:11 - WƆŊ FƐ̀Ì EBÒ SÌÀŊ DAYÀA

¹¹ Wo nìeɔ̀ naŋ woò wààŋ, “Dàa, muŋ kuwà wɔ̀ŋ fali tìwìyà è wùìyè, e kìlà ngèè wɔŋ gòòmamàìɔ naŋ zutùùŋ. Kòò mùŋ do nàŋ gè e wuiyè kìɛ̀ŋ wɔŋ nyiiŋ gèe gò jùà lɛɛ̀?

Jɔ̀ɔŋ 4:11 ပူးပေါင်းရင်းမြစ်များ

Jɔ̀ɔŋ 3:4

Wo Nìkɔ̀dimɔ̀ nauŋ dawè wààŋ, “Dièsɔa wo nyuùŋ kàmaiŋ tɛɔ̀ naŋ ɓɛìŋ ɓɛ̀nɛ̀ŋ nɔ̀ŋ e kòmauŋ e dìà tìyèeɛ̀? Wò do ɓɛìŋ nàŋ kɛ̀ɛ̀ ko sùà yèyeuŋ noo wo ɓɛìŋ nɔ̀ŋ kòmauŋ?”

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 7:37

Ke ɗɔɔ dìàmaŋ gbeeɛ̀ diɛŋ nààŋ anyùùŋ nyaŋ naŋ kpɛ̀ɛ̀yɛ̀ wɔŋ ɗaa geɔ̀, wo Jisɛ̀ naŋ sie yèè wò naŋ gbòò ke miè gbee sùà wò naŋ woò wààŋ, “Wo nyùnɔ̀ɔŋ gbiŋ nɔ̀ŋ ke jòòmàì sùà wɔ, wo hnàŋ ko nɛ̀ɛ̀ŋ miìŋ yèè mìŋ doum nàŋ kìɛ̀ŋ e wùìyè maŋ tìà.

Nyɛ̀nɛ̀ŋ 10:14

Kɛɛ wo Pììlɛ naŋ woò wààŋ, “Kpele Kanaà, kòò mìŋ gbìlè wa è nɛ̀ŋ gò zɛ̀nɛ̀ŋ e yèɛ fè tɛ̀ɛ̀ lɛ.”

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

Maŋ kèì nyɛɛnɛŋ 21:6

Wò naŋ ɓɛìŋ woò wààŋ, “È nɔ̀ŋ nyɛ̀nɛŋ niŋ. Miàŋ nàŋ yaà jiɛ̀jiɛ̀ɔ yaà wo dìàmaàŋ, ko tɔɔtuì yèè ko jee ɗìi. Wo nyùnɔ̀ɔŋ gbiŋ ke jòòmàì yaà wɔ, mìŋ douŋ nàŋ kìɛ̀ŋ e tɔ̀ɔ̀nyaàŋ wèè wo tìà e wùìyè e yìwìà e wùìyè jɔ̀à nyiiŋ gèeɔ̀ sùà e yèɛ wo naàŋ kìɛ̀ŋ è nɛ̀ŋ gbiŋ lɛ̀.

Maŋ kèì nyɛɛnɛŋ 22:1

Wo màikàa naim tɔ̀ɔ̀ e wuiyè gbee e nyaàiŋ dè e wuiyè sengèì kùwìè nyiiŋ gèeɔ̀, e yèɛ folo ke kpùà kanaà dìì ke yèɛ wo Dayà yaà Ɓaawaaà jaà diɛŋ lɛ̀,

Maŋ kèì nyɛɛnɛŋ 22:17

Wo Jìnàŋ Nɛɛmaàŋ yaà wo jɔunɔ̀ɔŋ wo Ɓaawaaà do nàŋ ɓemè wɔ naŋ woò nyààŋ, “Hnaàŋ!” Wo nyùnɔ̀ɔŋ gbiŋ komo tɛɛ̀ wɔ wo woò wààŋ, “Hnaàŋ!” Hnaàŋ, nyɛ̀iŋ nyàŋ gbiŋ nìŋ yaà ke jòòmàì sùà nyaŋ. Kùwaìŋ e wùìyèɛ kuwa wɔŋ nyiiŋ gèeɔ̀ lɛ wèè e nɔ̀ŋ e nɛ̀ŋ kìɛŋ, koɓɛ̀ wo nyùnɔ̀ɔŋ gbiŋ mànàŋ niìŋ wɔ.

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”