Jɔ̀ɔŋ 3:5 - WƆŊ FƐ̀Ì EBÒ SÌÀŊ DAYÀA

⁵ Wo Jisɛ̀ naŋ fasaì wààŋ, “Miŋ woòum e tɔɔɓaaà kɛ̀, wo nyùùŋ gbiŋ fè ɓɛ̀nɛ̀ŋ nɔ̀ŋ wò bàuŋbà è Kànà Dayàa sùà sèè wo gò nɔ̀ŋ kòmauŋ e yìwìà è wùìyè yaà wo Jìnàŋ wo Kanaà Dayà.

Jɔ̀ɔŋ 3:5 ပူးပေါင်းရင်းမြစ်များ

Maafiù 18:3

Wò naŋ nyiŋ woò wààŋ, “Tɔɔɓaa sèè mùŋ go kìlà maŋ nɔ̀ŋ mààŋ wò jɔ̀àkàiŋ, muŋ naàŋ wa nàwèè kɔ̀ è Kànà àìjɛnɛ̀ɛŋ sùà.

Maafiù 19:24

Tɔ̀ miŋ woòiŋ ɓɛìŋ, e gò nyìngà wèè wò ɗòsòo wo kɔ̀ɛ̀ɛ̀ e mìilì jewi sùà màànààŋ è naŋ nyìngè wèè wo nyuùŋ bàne wo kà è Kànà Dayàa sùà.”

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 5:20

Sɔɔ̀ naŋ jɔ̀ɔ̀lɔ̀ màŋ Sàwà Dayà maŋ dìì tɛ̀ɛ̀ e nìàŋ anyùùŋ nyaŋ àŋ nyaaŋ aŋ Fɛlosiì nyaŋ yèè e ɗeweɛ̀ aŋ kààmɔ̀ɔ̀ŋ maŋ Sàwà Dayà nyaŋ jɔɔlɔ̀ mìŋ dìì lɛ. Tɔ̀ miŋ woòiŋ, sèè nìŋ go miŋ jɔ̀ɔ̀lɔ̀ dìì è tɔ̀ɔ̀nyaàŋ sùà, niŋ naàŋ wa nàwèè kɔ̀ è Kànà kò àìjɛnɛ̀ɛŋ sùà.

Luù 13:24

“Nyɛ̀nɛìŋ e tɛ̀ɛ̀tɛ̀ɛ̀ɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè niŋ jɔɔyɛ̀ wɔŋ gbemgbee suulìɔ sùà. Esaɓù kɛ̀ aŋ zimgbe nyiŋ do nàŋ kàmè ɗewe wèè aŋ jɔ̀à ko àìjɛnɛ̀ŋ wɔŋ dòmaŋ nyaaŋ joo bà, kɛɛ aŋ naàŋ jɔ̀.

Luù 13:3

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.

Luù 13:5

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.”

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Jɔ̀ɔŋ 3:4

Wo Nìkɔ̀dimɔ̀ nauŋ dawè wààŋ, “Dièsɔa wo nyuùŋ kàmaiŋ tɛɔ̀ naŋ ɓɛìŋ ɓɛ̀nɛ̀ŋ nɔ̀ŋ e kòmauŋ e dìà tìyèeɛ̀? Wò do ɓɛìŋ nàŋ kɛ̀ɛ̀ ko sùà yèyeuŋ noo wo ɓɛìŋ nɔ̀ŋ kòmauŋ?”

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 15:50

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ nàŋ yaà kɛ̀, e nɛ̀ɛŋ gbiŋ wo Dayà naŋ bàànè maŋ kèìŋ yaà maŋ sɛ̀ìŋ nɛ, e fè nɔ̀ŋ bàiŋbà è Kànà Dayàa sùà, yèè e yèɛ è fà lɛ, e fè kɛ̀ɛ̀nɛ̀ŋ è yèɛ jeeyà wèè julɔfɔ lɛ̀.

1 Kɔliìŋ 2:12

Kòò è kùwìèìŋ wò jinàŋ wèè è ɗuunyaŋ lɛɛ̀, kɛɛ è kùwàìŋ wo Jìnàŋ Dayàa wò naŋ tùɔ̀ŋ wɔ, wèè eiŋ nyìmàŋ maŋ kìɛŋ màŋ gbiŋ wo Dayà naŋ wi kiɛ̀ŋ maŋ.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.