Jɔ̀ɔŋ 3:36 - WƆŊ FƐ̀Ì EBÒ SÌÀŊ DAYÀA

³⁶ Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 3:36 ပူးပေါင်းရင်းမြစ်များ

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Luù 2:30

Esaɓù kɛ̀ e fɛɛ̀ kòmàŋ mɛ̀ è yɛ̀mɛ̀ e jòèye mɔ̀ɛ̀,

Luù 3:6

Kpeiŋ anyùùŋ nyaŋ gbiŋ do nàŋ yɛ̀mɛ̀ e ɗeweɛ̀ wo Dayà joeyà anyùùŋ lɛ.’ ”

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Jɔ̀ɔŋ 3:3

Wo Jisɛ̀ naŋ fasàì yèè wò nauŋ woò wààŋ, “Mìŋ yààùm wòò sùà e tɔɔɓaaà kɛ̀ sɔɔ̀ nɔŋ wò nyùùŋ wo ɓɛìŋ nɔ̀ŋ e kòmauŋ jɛ̀ì paŋgàà wò nɔ̀ŋ wo bàuŋbà e Kànà Dayàa sùà.”

Jɔ̀ɔŋ 4:36

Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:58

Nyìmaìŋ kɛ̀, kɛɛ̀ nàŋ yaà e nɛ̀ŋjeɛ̀ naŋ dèyè e yìwìà ko àìjɛnɛ̀ŋ lɛ. E fè mààŋ è nɛ̀ŋjeɛ̀ àŋ nèwàènèweiŋ nyàŋ naŋ wa jè lɛ, yèè ko diemeì àŋ naŋ wa fɔ̀. Kɛɛ wo nyùnɔ̀ɔŋ gbiŋ do nàŋ jè e nɛ̀ŋje lɛɛ̀ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ.”

Jɔ̀ɔŋ 8:51

Mìŋ yààìŋ wòò e tɔɔɓaaà kɛ̀ sèè nìŋ jaa maŋ mìè gbòaim màŋ kùàŋ dìì, niŋ naàŋ wa nàwèè fɔ̀ julɔfɔ.”

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:9

Nààŋ wo Dayà naŋ wi naàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, esàɓù e ɗewe kiiɛ̀ wo Jisɛ̀ Kulaì naŋ wa fɔ̀ lɛ, e nɛ̀ŋ bà ngèè kòò è yaà weè wi è kuwa sɛmɛ weè wi e fàa kiiuŋ nɛ̀ sùà, tiŋ nàŋ yaà kɛ̀, wo Jisɛ̀ do wi wa nàwèè nàŋ joeyè e yìwìà e nìmìlàa wo Dayà kuwa weè wilɛ̀ sùà.

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

1Tɛsè 5:9

Wo Dayà gò wi wa tàeɗùù wèè wo mɔ̀ɔ̀nɛ̀ŋ è wuàuŋ nɛ̀, kɛɛ wèè eiŋ kùwìè e jòèye esàɓù Kana wiɔ̀ Jisɛ̀ Kulaì sùà,

Hiɓu 10:29

Kɛɛ ngèè è do nàŋ nɔ̀ŋ e keì nyìnga gbee koɓɛ̀ wo nyùnɔ̀ɔŋ do nàŋ gììyè wo Jɔ̀àfèlàà Dayàa maŋhɛɛ wɔ̀, yèè wo hìàŋ e ɓɛ̀ɛ̀pɔ̀ɔ koɓɛ̀ maŋ sɛ̀ìŋ e ɗààhìì e mìèsùàgùùŋ Dayàa naŋ nyɛ̀nɛ̀ŋ è naiŋ nɔ̀ŋ nɛɛmaŋ sùà lɛ. Yèè è do nàŋ nɔ̀ŋ e nɛ̀ŋ gò zɛ̀nɛ̀ŋ wèè wo nyùnɔ̀ɔŋ do nàŋ kìɛ̀ŋ ke mìè ɓɛ̀ɛ̀pɔ̀ɔ koɓɛ̀ wo Jìnàŋ Nɛɛmaàŋ, wo yèɔ tɔɔ̀ wì ke nyowo wɔ̀.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Hiɓu 3:18

Wo Dayà naŋ wa woò wààŋ, “Julɔfɔ niŋ naàŋ wa nàwèè hàì è dììɛ diɛŋ ko yèi mìŋ do nyiŋ nàŋ kìɛ̀ŋ e nyiiŋ gèe lɛ.” Wo Dayà yaà wa wòò e kèè anyùùŋ nyaŋ nauŋ wa gììyè maŋhɛɛ nyàŋ.

Hiɓu 3:19

Nààŋ wo Dayà naŋ wa ɓèmè e ɗààhiìuŋ nɛ̀, aŋ gò wa ɓɛ̀nɛ̀ŋ hàì kòɓɛ̀ è dììɛ esàɓù e hààwe gò kɛɛnɛ̀ŋ nyiŋ nɛ̀.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”