Jɔ̀ɔŋ 3:32 - WƆŊ FƐ̀Ì EBÒ SÌÀŊ DAYÀA

³² Wò naŋ kìɛ̀ŋ ke mìè seì wèè e yèɛ wò naŋ yɛmɛ̀ yèè wò naŋ kòmò lɛ ko àìjɛnɛ̀ŋ. Yèè yɛi nɔŋ è yaà anyùùŋ nyaŋ gò wa jàà kè mìè gbìauŋ nɛɛ̀ŋ kùàŋ dìì.

Jɔ̀ɔŋ 3:32 ပူးပေါင်းရင်းမြစ်များ

Maafiù 7:8

Esaɓù kɛ̀ wo Dayà dò nàŋ kìɛ̀ŋ wo nyùnɔ̀ɔŋ gbiŋ dawàuŋ wèè manɛ̀ŋ wɔ. Wò do nàŋ kìɛ̀ŋ manɛ̀ŋ koɓɛ̀ wo nyùnɔ̀ɔŋ gbiŋ kamàŋ mìŋ wɔ, e kìlà wò do nàŋ yìlè wɔŋ gbemgbeeɔ̀ wèè wo nyùnɔ̀ɔŋ yɛ̀mɛ̀ manɛ̀ŋ maŋ wò zoolà weè miŋ màŋ.

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Jɔ̀ɔŋ 15:15

Miŋ fèiŋ ɓɛìŋ nyààŋ àŋ ɓɔìjɔ̀à, esaɓù kɛ̀ wo ɓɔìjɔ̀à nyimààŋ kè gbùnù wò kààmɔɔuŋ nɔɔ̀ŋ. Mìŋ yààìŋ gbùùyè kɔɔ mààŋ anyuùŋ mɔ̀ɔ̀nɔim, esaɓù kɛ̀ kàiŋ wòò e yèɛ gbiŋ wo Dèda miɔ̀ŋ naim woò lɛ.

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Jɔ̀ɔŋ 3:11

Mìŋ yààùm wòò sùà e tɔɔɓaaà kɛ̀, è yààìŋ gbùùyè koɓɛ̀ nyɛ̀iŋ nààŋ gbiìŋ e nyaàiŋ dè e yèɛ è naiŋ nyìmè yèè è naiŋ yɛmɛ̀ yàwi nààŋ bi lɛ̀. Nyɛ̀iŋ nààŋ bà gbiŋ kòò nìŋ nyìmèè wèè naŋ hààwè kè mìè seìɛ è naiŋ kiɛ̀ŋ lɛ.

Jɔ̀ɔŋ 3:26

Kpeiŋ àŋ naŋ kɔ̀ koɓɛ̀ Jɔ̀ɔìŋ yèè àŋ nauŋ wòò ke mìè seì nyààŋ, “Kààmɔɔŋ, wo kenàŋ wii yààùm yɛi mɛ̀iŋ kɔɔ e Wùìyè Jɔɔɗììŋ nɛ wɔŋ fàa bàa, wo yèɔ mùŋ naŋ mɛ̀iŋ gbòò kiiuŋ tɛ̀ɛ̀ wɔ, kòò wò yaà naàŋ gùùyè anyùùŋ, e kìlà anyuùŋ zimgbe kòò àŋ yaà kɔ̀ɔ̀yɛ̀ ko nɛ̀ɛ̀uŋ niìŋ.”

Jɔ̀ɔŋ 3:33

Kɛɛ wo nyùnɔ̀ɔŋ gbiŋ haawà ke mìè seìuŋ nɛɛ̀ŋ wɔ, wò tɔɔ̀ kɛ̀ wò haawè kɛ̀ e yèɛ wo Dayà naŋ wa woò lɛ è yaà tɔ̀ɔ̀nyaàŋ.

Jɔ̀ɔŋ 5:20

Esaɓù wo Dèda miɔ̀ŋ mànàìm miàim wo Jɔ̀àfelaauŋ nɔɔ̀ŋ yèè wò tɔɔ̀ìm e yèɛ wuŋ bi wò nyɛnɛŋ lɛ̀. Wo Dèda miɔ̀ŋ doim nàŋ tɔ̀ɔ̀ maŋ nɛ̀ŋ gbeegbèè wèè nyɛ̀nɛŋ, yèè è doiŋ nàŋ foonò.

Jɔ̀ɔŋ 8:26

Mìŋ kuwa e zimgbe niŋ wèè ka weè woò wèè kaiŋ jèè e keì, kɛɛ miŋ naàŋ tii woò. Nààŋ wo yèɔ naim tùɔ̀ŋ wɔ wò yaà e tɔ̀ɔ̀nyaàŋ, yèè mìŋ woàìŋ nyɛ̀iŋ nààŋ anyùùŋ nyaŋ e ɗuunyaŋ lɛɛ̀ e yèɛ mìŋ naŋ kòmò lɛ e yìwìà wo yèɔ naim tùɔ̀ŋ wɔ sìwè.”