Jɔ̀ɔŋ 3:29 - WƆŊ FƐ̀Ì EBÒ SÌÀŊ DAYÀA

²⁹ E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Jɔ̀ɔŋ 3:29 ပူးပေါင်းရင်းမြစ်များ

Maafiù 22:2

“E Kànà àìjɛnɛ̀ɛŋ è yaà mààŋ, wo kana bà naŋ wa banebànè wèè wo gè wɔŋ ɗàà ke yɛɛ̀ gbìaŋ wèè wo jɔ̀àfelaauŋ nɔɔ̀ŋ.

Maafiù 25:1

Wo Jisɛ̀ naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e dùùm lɛ, e teengaà aŋ jɔ̀ùŋ jɔ̀à bɛ̀ɛ̀ zììyà naŋ wa ɓèmè maŋ laumpò nyiŋ màŋ yèè àŋ naŋ kɔ̀ e kèè ke yɛɛ̀ gbìaàŋ sùà wèè aŋ yɛmɛ̀ wo kɛ̀ɛ̀nɛ̀ŋ jɔunɔ̀ɔŋ.

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Luù 15:6

màuŋ kɛ̀lɛ̀ɛ̀ ko gboo moo. Kpeiŋ mùŋ do nàŋ nyààŋ aŋ dàwium nyàŋ yaà anyuùŋ gboo kuaum nyàŋ koɓɛ̀ guùŋ maŋ nyiŋ woò mààŋ, ‘Ke jii naim fɔ̀ esaɓù kɛ̀ kà mɛ̀ɛ̀ŋ wo ɓaawaa miɔ̀ŋ naŋ dai go wɔ̀. Gììyà wiìŋ zɔlɔ̀ koɓɛ̀ guùŋ.’ ”

Jɔ̀ɔŋ 15:11

“Mìŋ naiŋ tɛɛ̀ woò wèè kaiŋ sìà e zɔlɔ̀ zimgbe sùà màànààŋ mìŋ yaà lɛ.

Jɔ̀ɔŋ 16:24

Kòò nìŋ dàwè wò Dayà wèè wo nyɛ̀nɛ̀ŋ è nɛ̀ŋ gbiŋ weèiŋ è teenga lɛɛ̀ sùà kpɛlɛɛ, kɛɛ kùùno nùuŋ naàŋ dàwè wèè e nɛ̀ɛŋ nìŋ naŋ kpɛɛ̀ŋ weè niŋ lɛ̀ e deè mɛ̀ diɛŋ. Sèè nìŋ nyɛnɛŋ tii, wò doiŋ niŋ nàŋ kiɛ̀ŋ, wèè kɛ̀ niŋ nɔ̀ŋ e zɔlɔ̀ gbee sùà.”

Jɔ̀ɔŋ 17:13

Mìŋ yaà naàŋ ko dòmaŋ mìŋ yaà hìnìè ko nɛ̀ɛ̀ŋ muìŋ. Kɛɛ mìŋ yaà wòò maŋ keì mɛɛ̀ŋ e teengaà mìŋ yaà weè nɔŋ e ɗuunyaàŋ lɛ, wèè e nyɛ̀nɛ̀ŋ anyùùŋ màŋjɛ̀wɛ̀im nyàŋ aŋ kɛɛnɛ̀ŋ e zɔlɔ̀ maŋ jii nyiŋ màŋ sùà màànààŋ nɔŋ miàŋ bi mìŋ kuwa e zɔlɔ̀ lɛ.

Jɔ̀ɔŋ 3:30

Tɔ̀ anyuùŋ zimgbe dòuŋ maŋjɛ̀wɛ, kɛɛ miàŋ, anyuùŋ kpàka aim dè maŋjɛ̀wɛ.”

2 Kɔliìŋ 11:2

Mìŋ yaà le koo zimgbe wèè muàŋ, nààŋ nɔŋ wo Dayà yaà lɛ, mùŋ yaà mààŋ wo jɔ̀ùŋ jɔ̀à bɛ̀ɛ̀ zɛ̀nɛŋ wo yèɔ mìŋ naŋ ɓèmè e ɗààhiì ke yɛɛ̀ gbìàuŋ koɓɛ̀ wo fèlàà guùŋ kpò nɔŋ wɔ̀, tèènè mààŋ wo Jisɛ̀ Kulaì wuŋ bi.

Fèle 2:2

Mìŋ yààìŋ daawe, wèè naim nyɛ̀nɛ̀ŋ ka kɛ̀ɛ̀nɛ̀ŋ zɔlɔ̀ zimgbe. Kɛ̀ɛ̀nɛìŋ gòngo, tɔ̀ɔìŋ e mànaŋ, yèè niŋ nɔ̀ŋ ke gbòò guùŋ e kìlà niŋ kɛɛnɛ̀ŋ ke jìì guùŋ.

1Jɔ̀ɔŋ 1:4

È naiŋ tɛɛ̀ sìngè wèè e nyɛ̀nɛ̀ŋ esaɓù wèè e zɔlɔ̀ ge wilɛ̀ dià sùà.

2Jɔ̀ɔŋ 1:12

Mìŋ kuwa maŋ keì zimgbe wèè kaìŋ woò, kɛɛ miŋ manàŋ wèè ka miŋ nyìnìàŋ kè kuù sìngìà ɔ̀ɔ̀ wɔ̀ŋ fɛi diɛŋ, yèè mìŋ kuwa ke jii tùliaà wèè kaìŋ jaamè wèè eiŋ kɛ̀ɛ̀nɛ̀ŋ maŋ di ɓùla titi koɓɛ̀ guùŋ, wèè e zɔlɔ̀ wilɛ̀ jùà jɛ̀wɛ̀.

Maŋ kèì nyɛɛnɛŋ 21:9

Aŋ màìkà nɔɔnɔŋ le tìyèe nyàŋ bà guùŋ wo yèɔ kuwa wa wɔŋ gɛ̀ì maŋ kèì nyìngà nɔɔnɔŋ le tìyèe màŋ wɔ naim woò wààŋ, “Hnaàŋ, mìŋ doum nàŋ tɔ̀ɔ̀ wo jɔunɔ̀ɔŋ do nàŋ nɔ̀ŋ wo jàwè Ɓaawaaà wɔ.”