Jɔ̀ɔŋ 3:19 - WƆŊ FƐ̀Ì EBÒ SÌÀŊ DAYÀA

¹⁹ E ɗeweɛ̀ lɛɛ̀ sùà wo Dayà do wa nàwèè nàŋ kìlìè kiti anyùùŋ diɛŋ. Esaɓù kɛ̀, anyùùŋ nyaŋ e ɗuunyaàŋ naŋ yɛ̀mɛ̀ e gbòlòùŋ Dayàa, kɛɛ anyuùŋ kpùuŋ manaŋ ke nyìwìɛ e nìàŋ e gbolòùŋ nɛ, esaɓù kɛ̀ ke nyìwìɛ sùà àŋ nyiniàŋ maŋ keì ngaamuŋ ngààmùŋ nyiŋ màŋ.

Jɔ̀ɔŋ 3:19 ပူးပေါင်းရင်းမြစ်များ

Luù 12:47

“Wo ɓɔìjɔ̀àa wo yèɔ naŋ nyìmè e yèɛ wo kààmɔɔuŋ nɔɔ̀ŋ manaŋ wo nyɛ̀nɛ̀ŋ lɛ, kɛɛ wo gò bànèbànè wuŋ bi wèè wo niŋ nyɛ̀nɛ̀ŋ, àŋ douŋ nàŋ ɓùlò sɛmɛ.

Luù 16:14

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ hììlè wo Jisɛ̀, esaɓù kɛ̀ àŋ manaŋ nɛɛnɛŋ zimgbe.

Jɔ̀ɔŋ 1:4

Wuŋ nàŋ yaà wa ko tɔ̀ɔ̀tù wɔŋ nyiiŋ gèeɔ̀, yèè wɔŋ nyiiuŋ nɔɔ̀ŋ nàŋ wa kìɛ̀ŋ e gbolòùŋ koɓɛ̀ anyùùŋ nyaŋ gbiŋ.

Jɔ̀ɔŋ 1:5

E gbolòùŋ nɛ mɛɛŋ ke nyìwìɛ sùà e teenga gbiŋ, yèè ke nyìwìɛ kòò kè ɓùwò wa è gbolòùŋ bi.

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 12:43

Yèè ngèè anyùùŋ gbèègbèè aŋ Juùù nyaŋ manaŋ wa anyuùŋ kpùuŋ aŋ nyiŋ tɛnɛ̀ŋ e nìàŋ wèè wo Dayà wo nyiŋ tɛnɛ̀ŋ.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Jɔ̀ɔŋ 7:7

Anyùùŋ nyaŋ e ɗuunyaàŋ kuwà èsaɓù bà wèè aiŋ wùàŋ. Kɛɛ àŋ naim wùɔ̀ŋ esaɓù kɛ̀, mìŋ woà nyiìŋ kɛ̀ maŋ keì nyɛ̀nɛŋ nyiŋ màŋ maŋ fè tɛ̀ɛ̀.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 9:5

Miàŋ nàŋ yaà e gbòlòùŋ anyùùŋ nyaŋ e ɗuunyaàŋ e teengaà mìŋ yaà e ɗuunyaàŋ sùà lɛ.”

Luùm 1:32

Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

2Tɛsè 2:12

E jìwààjɛ̀wɛ̀ tii nàŋ yaà kɛ̀ anyùùŋ nyaŋ gbiŋ gò hààwè è tɔ̀ɔ̀nyaàaŋ lɛ̀, yèè àŋ naŋ nyìnìè ke nyɛɛkɛŋ nyiŋ nɛɛ̀ŋ maŋ jùumù sùà nyaŋ wo Dayà do nyiŋ nàŋ gbààì keì.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè