Jɔ̀ɔŋ 3:14 - WƆŊ FƐ̀Ì EBÒ SÌÀŊ DAYÀA

¹⁴ “Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Jɔ̀ɔŋ 3:14 ပူးပေါင်းရင်းမြစ်များ

Maafiù 26:54

Kɛɛ sèè tii kaaìŋ yɛi weè, kɛ̀ dièsɔa e yèɛ wɔŋ fɛ̀ì Dayàa naŋ woò lɛ do nàŋ hɛɛnɛ̀ŋ, tiŋ zà tɛɛ̀ kuwa e kaaìŋ?”

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Luù 24:20

Aŋ kànà sìèfèìŋ zòòlo nyàŋ yaà anyùùŋ gbèègbèè fuɔɔ̀ŋ nauŋ kìɛ̀ŋ koɓɛ̀ aŋ màmàŋkùmɛŋ wi nyàŋ yèè àŋ nauŋ nimilà e kìlà auŋ jìwìà wɔŋ vànèkpaaà diɛŋ.

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Jɔ̀ɔŋ 8:28

Yèè wo Jisɛ̀ naŋ nyiŋ ɓɛìŋ woò wààŋ, “Sèè nìŋ joowà wa nàwèè wo Jɔ̀àfèlàà Nyuùŋ Kpùnɔɔ̀ŋ ko fùùŋ wɔŋ vànèkpaaà diɛŋ, nìŋ do nàŋ nyìmè tɔɔɓaa kɛ̀ ɓòò nàŋ yààìm . Nìŋ do ɓɛìŋ nàŋ nyìmè kɛ̀ miŋ fè nyɛ̀nɛ̀ŋ è keì gbiŋ wɔ̀ŋ kùàŋ wùŋ maim. Mìŋ woà nɔŋ e yèɛ wo Dèdaà woàìm wèè ka woò lɛ.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.