Jɔ̀ɔŋ 3:13 - WƆŊ FƐ̀Ì EBÒ SÌÀŊ DAYÀA

¹³ Wo nyùùŋ bà gbiŋ kòò wò jòwò wa kò àìjɛnɛ̀ŋ, kɛɛ sɔɔ̀ nɔŋ miàim wo Jɔ̀àfèlàà Nyuùŋ Kpùnɔɔ̀ŋ wo yèɔ naŋ dèyè e yìwìà ko àìjɛnɛ̀ŋ wɔ.

Jɔ̀ɔŋ 3:13 ပူးပေါင်းရင်းမြစ်များ

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Jɔ̀ɔŋ 3:12

Sèè mùŋ go hààwè è yèɛ mìŋ naum woò lɛ è nyaàiŋ dè maŋ keì maŋ kaaìŋ e ɗuunyaŋ lɛɛ̀ maŋ, kɛ̀ dièsɔa mùŋ doim nàŋ haawè sèè kaum wòò e kèè maŋ keì maŋ kaaìŋ ko àìjɛnɛ̀ŋ maŋ?

Jɔ̀ɔŋ 3:31

Wo Jɔ̀àfèlàà Dayàa naŋ yèwè ko àìjɛnɛ̀ŋ wɔ kuwà e gààŋ e nìàŋ anyùùŋ nyaŋ gbiŋ e ɗuunyaàŋ. Wo yèɔ wo Dayà naŋ banè e ɗuunyaŋ lɛɛ̀ dìì wɔ woà e kèè maŋ keì maŋ kaaìŋ e ɗuunyaŋ lɛɛ̀ dìì maŋ. Kɛɛ wo yèɔ naŋ hnè e yìwìà ko àìjɛnɛ̀ŋ wɔ wò yaà manɛ̀ŋ bànè Dayà maŋ gbiŋ diɛŋ e ɗuunyaàŋ.

Jɔ̀ɔŋ 6:33

Yèè e nɛ̀ŋjeɛ̀ wo Dayà naŋ kiɛ̀ŋ lɛ nàŋ yaà miàŋ wo yèɔ naŋ dèyè e yìwìà ko àìjɛnɛ̀ŋ wɔ wèè ka kìɛ̀ŋ wɔŋ nyiiŋ gèè koɓɛ̀ anyùùŋ nyaŋ e ɗuunyaàŋ.”

Jɔ̀ɔŋ 6:38

Esaɓù kɛ̀ miŋ gò dèyà è yìwìà kò àìjɛnɛ̀ŋ wèè ka nyɛ̀nɛ̀ŋ è yèɛ mìàŋ bi mìŋ manaŋ lɛ̀, kɛɛ wèè ka nyɛ̀nɛ̀ŋ e yèɛ wo Dayàa naim tùɔ̀ŋ wɔ manaŋ lɛ̀.

Jɔ̀ɔŋ 6:42

Yèè àŋ naŋ woò nyààŋ, “Wɛɛ̀ nààŋ fè wo Jisɛ̀ wò jɔ̀àfèlàà Jòòsɛɔ̀? Wo dèdauŋ nɔɔ̀ŋ yèè wo yèyeuŋ nɔɔ̀ŋ kòò àŋ yaà kià. Dièsɔa wò naŋ naàŋ ɓɛ̀nɛ̀ŋ wòo wààŋ wò naŋ dèyè e yìwìà ko àìjɛnɛ̀ŋ?”

Jɔ̀ɔŋ 6:46

Wo nyùnɔ̀ɔŋ nɔŋ naŋ yɛ̀mɛ̀ wo Dayà wɔ nàŋ yaà wo yèɔ naŋ yìwìè ko nɛ̀ɛ̀uŋ niìŋ wɔ. Kɛɛ wo nyùùŋ bà gbiŋ kòò wò yɛ̀mɛ̀ wa wò Dèdaà.

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Jɔ̀ɔŋ 6:62

Kpeiŋ kɛ̀, diè nìŋ do nàŋ gongò sèè nìŋ yɛmɛ̀ weè miàim wo Jɔ̀àfèlàà Nyuùŋ Kpùnɔɔ̀ŋ mìŋ jowo ko àìjɛnɛ̀ŋ koɓɛ̀i mìŋ yewe lɛ̀?

Jɔ̀ɔŋ 8:42

Wo Jisɛ̀ naŋ nyiŋ fasàì wààŋ, “Sèè wo Dayà wo weè nɔ̀ŋ wo Dèdaiŋ nɔɔ̀ŋ, nìŋ heim weè nàŋ mɔ̀nɔ̀ŋ, esaɓù kɛ̀ mìŋ yewe koɓɛ̀ Dayài yèè kòò mìŋ yààìŋ naàŋ ko fɛɛ̀feìŋ. Wuŋ naim tùɔ̀ŋ. Miŋ gò hnàŋ è gààŋ miàŋ biɛ̀ sùà.

Nyɛ̀nɛ̀ŋ 2:34

Esaɓù kɛ̀ wo Dèèwe nààŋ gò wa jòwà kò àìjɛnɛ̀ŋ; kɛɛ wuŋ bi naŋ wa woò wààŋ, ‘Wo Kànà È Gunɔ̀ɔŋ naŋ wòò wo Kana miɔ̀ŋ wààŋ, “Jɛ̀ì kià wɔŋ kùàŋ jìka miɔ̀ŋ,

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Luùm 10:6

Kɛɛ e nɛ̀ɛŋ wɔŋ fɛ̀ì Dayàa naŋ woò e nyaàiŋ dè e ɗeweɛ̀ wo Dayà jaa wo nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààwe sùà lɛ tɛɛ̀. Wɔ̀ŋ naŋ woò wààŋ, “Ɓɔ̀ mùŋ dawè muàŋ bi kè jii mɔɛ̀ŋ sùà mààŋ, Ɓòò nàŋ do nàŋ jòwò ko àìjɛnɛ̀ŋ?” Tɛɛ̀ naŋ tɔɔ̀ kɛ̀ wèè maŋ dèèyè wo Jisɛ̀ Kulaì ko nɛ̀ɛ̀ŋ wiì.

1 Kɔliìŋ 15:47

Wo Adamàŋ jiɛ̀jiɛ̀ɔ naŋ fòlò e dììɛ sùà, yèè wo Adamàŋ dìà tìyèeɔ̀ naŋ fòlò ko àìjɛnɛ̀ŋ.

Ɛfesɔ̀ 1:23

Ke gbòò anyuùŋ hààwe nyàŋ nàŋ yaà ke kpùnàŋ Jisɛ̀ Kulaìɛ wuŋ bi wò naŋ nyiŋ dìò sùà kpaŋ, wuŋ bi nàŋ gè maŋ keì maŋ gbiŋ e ɗì.