Jɔ̀ɔŋ 21:9 - WƆŊ FƐ̀Ì EBÒ SÌÀŊ DAYÀA

⁹ Nààŋ anyùùŋ màŋjɛ̀wɛ̀ nyaŋ naŋ wa fòlò wɔŋ gɔɔ̀ sùà e tiwi feìŋ nɛ, àŋ naŋ mɛ̀ɛ̀ŋ e hmɔɔ̀ŋ dììya wo kɛì hàwà nìŋ diɛŋ yèè ke gbɔ̀u.

Jɔ̀ɔŋ 21:9 ပူးပေါင်းရင်းမြစ်များ

Maafiù 4:11

Kpeiŋ wo Sɛ̀tanàaŋ naŋ jòò wo Jisɛ̀ wo ka. Ko fɛɛ̀feìŋ aŋ màikà nyaŋ naŋ wa hnè yèè àŋ nauŋ kpuumò.

Jɔ̀ɔŋ 18:18

Ke fòìɛ naŋ wa gàŋ, yèè aŋ ɓɔìjɔ̀à nyaŋ yaà anyùùŋ nyaŋ tunìàŋ ke sààŋ zòòlò Dayàa nyàŋ naŋ dììyè e hmɔ̀ɔ̀ŋ. Àŋ naŋ niŋ jɛ̀ì e kɔɔ àŋ yaà kùmìè hmɔ̀ɔ̀ɛŋ, yèè wo Pììlɛ wuŋ pɛɛ naŋ kɔ̀ wo sìè ko hmɔ̀ɔ̀ŋ kɔɔì wèè wo kòmàŋ e hmɔ̀ɔ̀ŋ.

Jɔ̀ɔŋ 21:10

Yèè wo Jisɛ̀ naŋ nyiŋ woò wààŋ, “Hìaìŋ aŋ kɛ̀ì nyaŋ nìŋ naŋ nɔŋ kùwò nyaŋ bà.”

Jɔ̀ɔŋ 21:13

Wo Jisɛ̀ naŋ ɓèmè ke gbɔ̀uɛ̀ bà yèè wò naŋ nyiŋ kiɛ̀ŋ. Eɓìèmàŋjɛ̀wɛ̀ tii wò naŋ ɓɛìŋ ɓèmè wo kɛìɔ bà yèè wò naŋ nyiŋ wuŋ kiɛ̀ŋ.

Jɔ̀ɔŋ 21:8

Koɓɛ̀i wɔŋ gɔ jɔaà jaa wa e wùìyèɛ diɛŋ lɛ̀, e dìì dii kiio lɛ̀ yaà wa sɔ̀ngɔ̀ kpàlafɛɛ hɔ̀nɔ̀ɔ̀ guùŋ wèè ko tiwiì. Yèè anyùùŋ màŋjɛ̀wɛ̀ gbànaŋ nyàŋ naŋ jèè ko gɔì àŋ yaà gɔ̀ɛ̀ɛ sùà wɔŋ kpee dìà aŋ kɛ̀ìɔ ko tiwiì.

Jɔ̀ɔŋ 6:11

Kpeiŋ wo Jisɛ̀ naŋ ɓèmè e gbɔ̀ù nɔɔnɔɛ̀ŋ yaà aŋ kɛ̀ì tìyèe nyàŋ, yèè wò naŋ yɛ̀mɛ̀ kofùiŋ wò naŋ gè wo Dayà esɛ̀. Wò naŋ nyìmè nyìmè e gbɔ̀uɛ̀ yèè wò naŋ niŋ kìɛ̀ŋ anyùùŋ màŋjɛ̀wɛ̀uŋ nyàŋ wèè aŋ goonò niŋ aŋ nyùùŋ nyaŋ fèemàŋ. Yèè wò naŋ nyiŋ ɓɛìŋ gòònò aŋ kɛ̀ì tìyèe nyàŋ aŋ gbiŋ e tɛɛ. Wo nyùùŋ gbiŋ naŋ wa gbìlè wo dià.

Jɔ̀ɔŋ 6:9

“Wo felaajɔa bà kòò wò yaà kià wò kuwa maŋ gbɔ̀ù fàà nɔɔnɔŋ e yèɛ àŋ bàànè diidàà yaà aŋ kɛ̀ì tìyèe. Kɛɛ e gò gàŋ wèè ànyùùŋ nyɛɛ̀ŋ gbiŋ.”