Jɔ̀ɔŋ 21:7 - WƆŊ FƐ̀Ì EBÒ SÌÀŊ DAYÀA

⁷ Wo nyùùŋ màŋjɛ̀wɛ̀ɔ wo Jisɛ̀ manaŋ wa wɔ̀ naŋ wòò wo Saimɔŋ Piilɛ̀ wààŋ, “Wo Kanaà wò!” Nààŋ wo Pììlɛ naŋ kòmò kɛ̀ wo Kanaà wo, wò naŋ gbìɛ̀ŋ wɔŋ deèuŋ nɔɔ̀ŋ gbààì wɔŋ yèɔ wò naŋ gè wò naŋ haà e teengaà wò yaà wa toomo lɛ̀. Yèè wò naŋ vaì wo sɛ̀ɛ̀ e wùìyèɛ sùà.

Jɔ̀ɔŋ 21:7 ပူးပေါင်းရင်းမြစ်များ

Luù 12:35

“Nɔ̀iŋ bànèbaneiŋ e teenga gbiŋ wèè niŋ nyɛ̀nɛ̀ŋ e tòmò Dayàa, màànààŋ anyùùŋ àŋ kpaa maŋ deè tòòmo nyiŋ màŋ wèè aŋ nyɛ̀nɛ̀ŋ e tòmo nyiŋ nɛ̀ maŋ gɔɛ, e kìlà aŋ bànèbànè maŋ laumpò nyiŋ màŋ wèè aŋ sìà dùùm.

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Luù 7:47

Kpeiŋ tɔ̀ miŋ woòum, esàɓù e mànaŋ gbeeɛ̀ wò naim tɔɔ̀ lɛ, è naŋ tɔɔ̀ kɛ̀ maŋ jùumù zimgbeum màŋ nɔ̀ŋ hakɛ̀ jùùyà miŋ. Kɛɛ wo nyùnɔ̀ɔŋ àŋ naŋ jùùyè hakɛ̀ wèè e nɛ̀ŋ jɔa wɔ̀, wò do nɔŋ nàŋ tɔ̀ɔ̀ e mànaŋ jɔa.”

Jɔ̀ɔŋ 13:23

Wo nyùùŋ màŋjɛ̀wɛ̀ɔ bà guùŋ, wo yèɔ wo Jisɛ̀ manaŋ wa sɛmɛ wɔ̀ jàaùŋ wa kɔɔ fɔ̀ɔ̀.

Jɔ̀ɔŋ 19:26

Nààŋ wo Jisɛ̀ naŋ yɛ̀mɛ̀ wo yèyeuŋ nɔɔ̀ŋ yèè wo nyùùŋ màŋjɛ̀wɛ̀ɔ wò manaŋ wa wɔ̀ àŋ sia koɓɛ̀ guùŋ, wo Jisɛ̀ naŋ wòò wo nààŋ wààŋ, “Yèye, wo jɔ̀àfelaa mɔɔ̀ŋ wii.”

Jɔ̀ɔŋ 20:2

Nààŋ wo Mèèle naŋ tii yɛmɛ̀, wò naŋ dùɔ̀ŋ wo kà koɓɛ̀ Saimɔŋ Piilɛ̀i yèè wo nyùùŋ màŋjɛ̀wɛ̀ɔ wo Jisɛ̀ manaŋ wa kai wɔ̀, yèè wò naŋ nyiŋ woò wààŋ, “Anyùùŋ nyaŋ gè wo Kanaà ke hùaàŋ sùà! Kɛɛ e nyimààŋ naàŋ kɛ̀ kòò àŋ nauŋ heè.”

Jɔ̀ɔŋ 20:20

Nààŋ wo Jisɛ̀ naŋ nyiŋ wa tii woò, wò naŋ nyiŋ tɔ̀ɔ̀ le siwèuŋ nɛ̀ yèè e ɓulauŋ nɛ̀. E zɔlɔ̀ gbee naŋ wa dìè anyùùŋ màŋjɛ̀wɛ̀ nyaŋ nààŋ àŋ naŋ wa yɛ̀mɛ̀ wo Kanaà Jisɛ̀.

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 21:20

Wo Pììlɛ naŋ kìlè wo yɛ̀mɛ̀ ko jɛ̀wɛ̀, yèè wò naŋ yɛ̀mɛ̀ wo nyùùŋ màŋjɛ̀wɛ̀ɔ wo Jisɛ̀ manaŋ wa wɔ̀ wò kùwà nyiìŋ maŋjɛ̀wɛ. Wo nyùùŋ màŋjɛ̀wɛ̀ bi nàŋ jaa wa wo Jisɛ̀ kɔɔ fɔ̀ɔ̀ e teengaà àŋ yaà wa jììyè nɛ̀ŋje lɛ̀. Wuŋ naŋ wa dawè wààŋ, “Kanaà, ɓòò nàŋ yaà hinie wèè woum maàŋ?”

Jɔ̀ɔŋ 21:24

Wo nyùùŋ màŋjɛ̀wɛ̀ wɛɛ̀ naŋ sìngè maŋ keì mɛɛ̀ŋ gbiŋ. Èiŋ nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔɔɓaa.

Jɔ̀ɔŋ 21:8

Koɓɛ̀i wɔŋ gɔ jɔaà jaa wa e wùìyèɛ diɛŋ lɛ̀, e dìì dii kiio lɛ̀ yaà wa sɔ̀ngɔ̀ kpàlafɛɛ hɔ̀nɔ̀ɔ̀ guùŋ wèè ko tiwiì. Yèè anyùùŋ màŋjɛ̀wɛ̀ gbànaŋ nyàŋ naŋ jèè ko gɔì àŋ yaà gɔ̀ɛ̀ɛ sùà wɔŋ kpee dìà aŋ kɛ̀ìɔ ko tiwiì.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

1 Kɔliìŋ 15:47

Wo Adamàŋ jiɛ̀jiɛ̀ɔ naŋ fòlò e dììɛ sùà, yèè wo Adamàŋ dìà tìyèeɔ̀ naŋ fòlò ko àìjɛnɛ̀ŋ.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

Jìiiŋ 2:1

Nyɛ̀iŋ nààŋ wùìyaim nyàŋ, nìŋ kuwa e hààweɛ̀ wo Kànà ɓɛ̀ɛ̀jàa wiɔ̀ Jisɛ̀ Kulaì sùà, ɓɔ̀ nìŋ kùwà ànyùùŋ nyaŋ bà nyiŋ tɛ̀ɛ̀ naŋ nyìnìàŋ àŋ bà nyiŋ fɛɛ̀ nìngè wèè è nɔ̀ŋ kii nyiŋ nɛ̀.