Jɔ̀ɔŋ 21:23 - WƆŊ FƐ̀Ì EBÒ SÌÀŊ DAYÀA

²³ Yèè ebò naŋ ɓààyè anyùùŋ màŋjɛ̀wɛ̀ Jisɛ̀ nyaŋ e fèemàŋ kɛ̀ wo nyùùŋ màŋjɛ̀wɛ̀ wɛɛ̀ wo naàŋ wa nàwèè fɔ̀. Kɛɛ wo Jisɛ̀ gò wa woò wààŋ wo naàŋ fɔ̀. Wò naŋ wa nɔŋ woò wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ?”

Jɔ̀ɔŋ 21:23 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 28:14

Kuŋ è naiŋ wa mɛ̀ɛ̀ŋ anyuùŋ hààwe nyàŋ bà. Yèè àŋ naŋ wi dawè wèè e nɔ̀ŋ nyiŋ nee gòlò wèè maŋ ɗɔ̀ɔ̀ nɔɔnɔŋ le tìyèe. Nààŋ maŋ ɗɔɔ miiŋ naŋ mààŋ, è naiŋ noo yèwè yèè è naiŋ kɔ̀ ko jawa gbeeì ko Luùm.

Nyɛ̀nɛ̀ŋ 6:3

Weètii wùìya wi nyàŋ, tàaìŋ anyùùŋ nɔɔnɔŋ le tìyèe ɗùù nyɛ̀iŋ bi e tɛɛ aŋ yè nyaŋ wo Jìnàŋ Nɛɛmaàŋ naŋ dìèsùà nyaŋ e kìlà àŋ kuwa e jiikɛ̀ɛ. Nyiiŋ è doiŋ nàŋ kìɛ̀ŋ e keì wòo lɛɛ̀ e kìlà aŋ nɔ̀ŋ aŋ seì.

1 Kɔliìŋ 11:26

Tɛɛ̀ naŋ tɔɔ̀ kɛ̀ e teenga gbiŋ sùà nìŋ naŋ gbìlè ke gbɔ̀uɛ̀ yèè nìŋ naŋ tììyè wɔŋ kpòò wɛɛ̀ŋ sùà, nìŋ yaà wòo sùà e kèè e fà Kanaà e jèèsùà wo wa nàwèè hnàŋ.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

Jìiiŋ 5:7

Kùwaìŋ jii, nyɛ̀iŋ nààŋ wùìyaim nyàŋ, e jèèsùà wo Kanaà Jisɛ̀ Kulaì wo hnàŋ. Yɛ̀mɛìŋ e ɗeweɛ̀ anyuùŋ tòmò ɓù nyaŋ kuwo maŋ jii aŋ fòlà e teengaà wèè maŋ nɛ̀ŋjè jii nyiŋ màŋ kòmàŋ maŋ nɛ̀ŋje kɛnɛ maŋ diì nyiŋ màŋ diɛŋ. Àŋ kuwo maŋ jii nyiŋ màŋ aŋ fòlà maŋ gɔ̀àà e fèèmàŋ koɓɛ̀ doa nàŋ yaà e sɛ̀ɛ̀ɛ dìì maŋ.

Maŋ kèì nyɛɛnɛŋ 2:25

Kɛɛ wèè paŋ miŋ hnàŋ, e hààweɛ̀ nìŋ kùwàìm sùà lɛ̀, sɔɔ̀ nàŋ niŋ kùwà kpaŋ.