Jɔ̀ɔŋ 21:22 - WƆŊ FƐ̀Ì EBÒ SÌÀŊ DAYÀA

²² Wo Jisɛ̀ nauŋ fasàì wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ? Mùŋ kuwa maim dè maŋjɛ̀wɛ.”

Jɔ̀ɔŋ 21:22 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 24:27

Esaɓù kɛ̀ nààŋ nɔŋ ko fùùiŋ gɛɛ̀ yɛi e yìwìà ko fùlìè gɔɛɛ yèè e gbolòùŋ lɛ e kpɛ̀lɛ̀ e hàì ko jèè gɔɛɛ, yɛi nɔŋ miàim wo Jɔ̀àfèlàà nyuùŋ kpùnɔɔ̀ŋ do wa nàwèè nàŋ hnè.”

Maafiù 24:3

Nààŋ wo Jisɛ̀ jaa wa wɔŋ tòò maŋ Ɔlè Kùùɔ dìmɛ̀, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ ke gbùnuo sùà, yèè àŋ nauŋ dawè nyààŋ, “Wòò wi e teengaà tɛɛ̀ do nàŋ kaaìŋ lɛ, yèè kiìŋ nàŋ do nàŋ nɔ̀ŋ e tɔ̀ɔ̀màŋseìɛ kɛ̀ e teengaà è haì wèè maŋ hnàŋ e kìlà e tɔɔ̀ kɛ̀ kuii nàŋ yaà ko dìà e ɗuunyaàŋ?”

Maafiù 24:44

Weètii, muàŋ pɛɛ nɔ̀ŋ e bànèbaneum! Muŋ nyimààŋ kè ɗɔɔɛ̀ miàim wo Jɔ̀àfèlàà Nyuùŋ Kpùnɔɔ̀ŋ do nàŋ hnè lɛ.

Maafiù 25:31

Yèè wo Jisɛ̀ naŋ nyiŋ ɓɛìŋ woò wààŋ, “Sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e jòòwo gbee mɛ̀ sùà, yèè aŋ màikà nyaŋ gbiŋ àŋ yààìm kɔɔ, mìŋ do nàŋ jɛ̀ì ke kpùà Kana miɛ̀ŋ diɛŋ.

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Jɔ̀ɔŋ 21:19

Wo Jisɛ̀ naŋ wa tɛɛ̀ woò wèè wo tɔ̀ɔ̀ wo Pììlɛ e ɗewe kiiɛ̀ wò do wa nàŋ fɔ̀ lɛ yèè e yèɛ do wa nàŋ hìɛ̀ŋ e jòòwo koɓɛ̀ Dayài lɛ̀. Yèè wo Jisɛ̀ nauŋ tɛɛ̀ woò wààŋ, “Dèim maŋjɛ̀wɛ ke kpèè miɛ̀ŋ sùà, yèè e nɔ̀ŋ kii mɛ̀ sùà.”

Jɔ̀ɔŋ 21:21

Nààŋ wo Pììlɛ naŋ yɛ̀mɛ̀ wo nyùùŋ màŋjɛ̀wɛ̀ wɛɛ̀, wò naŋ dàwè wo Jisɛ̀ wààŋ, “Kanaà, kiìŋ mùŋ kuwa maŋ woò e nyaàiŋ dè wo felaa wɛɛ̀?”

1 Kɔliìŋ 11:26

Tɛɛ̀ naŋ tɔɔ̀ kɛ̀ e teenga gbiŋ sùà nìŋ naŋ gbìlè ke gbɔ̀uɛ̀ yèè nìŋ naŋ tììyè wɔŋ kpòò wɛɛ̀ŋ sùà, nìŋ yaà wòo sùà e kèè e fà Kanaà e jèèsùà wo wa nàwèè hnàŋ.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

Jìiiŋ 5:7

Kùwaìŋ jii, nyɛ̀iŋ nààŋ wùìyaim nyàŋ, e jèèsùà wo Kanaà Jisɛ̀ Kulaì wo hnàŋ. Yɛ̀mɛìŋ e ɗeweɛ̀ anyuùŋ tòmò ɓù nyaŋ kuwo maŋ jii aŋ fòlà e teengaà wèè maŋ nɛ̀ŋjè jii nyiŋ màŋ kòmàŋ maŋ nɛ̀ŋje kɛnɛ maŋ diì nyiŋ màŋ diɛŋ. Àŋ kuwo maŋ jii nyiŋ màŋ aŋ fòlà maŋ gɔ̀àà e fèèmàŋ koɓɛ̀ doa nàŋ yaà e sɛ̀ɛ̀ɛ dìì maŋ.

Jìiiŋ 5:8

Nyɛ̀iŋ pɛɛ sɔɔ̀ naŋ kùwà maŋ jiiiŋ màŋ. Kùwieìŋ jii tùlia gbee, esaɓù kɛ̀ e hnàŋ Kanaà Jisɛ̀ Kulaìɛ è gbɛ̀ɛ̀.

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!

Maŋ kèì nyɛɛnɛŋ 2:25

Kɛɛ wèè paŋ miŋ hnàŋ, e hààweɛ̀ nìŋ kùwàìm sùà lɛ̀, sɔɔ̀ nàŋ niŋ kùwà kpaŋ.

Maŋ kèì nyɛɛnɛŋ 22:20

Wo nyùnɔ̀ɔŋ kiɛ̀ŋ ke mìè seìuŋ nɛɛ̀ŋ koɓɛ̀ e keì wòo lɛɛ̀ gbiŋ wɔ̀ wo woò wààŋ, “Hɛ̀ɛɛ̀ŋ, tɔɔɓaa, kòò mìŋ yaà hinie e teenga kpuu sùà!” Weètii, Kanaà Jisɛ̀, kɔ̀nɛɛ̀ŋ hnaàŋ e teenga kpuu sùà!

Maŋ kèì nyɛɛnɛŋ 22:7

Wo Jisɛ̀ naŋ woò wààŋ, “Kùmiàŋ nìim, mìŋ yaà hinie e teenga kpuu sùà! E zɔlɔ̀ do nàŋ nɔ̀ŋ anyùùŋ nyaŋ jɔɔlɔ̀ maŋ mìè gbòà aŋ wɛ̀ijì nyaŋ dìì wɔŋ fɛi fùngò fungo wɛɛ̀ŋ sùà!”

Maŋ kèì nyɛɛnɛŋ 3:11

Mìŋ yaà hinie e teenga kpuu sùà. Weètii e hààweɛ̀ nìŋ kùwàìm sùà lɛ, sɔɔ̀ naŋ niŋ kùwà kpaŋ, wèè kɛ̀ wo nyùùŋ bà goiŋ nàŋ gè e jìwààjɛ̀wɛ̀ɛ nìŋ yɛmɛ̀ mààŋ ke ɓɔ̀ɗì kanaà yɛ sìwè.