Jɔ̀ɔŋ 21:2 - WƆŊ FƐ̀Ì EBÒ SÌÀŊ DAYÀA

² Wo Saimɔŋ Piilɛ̀, wo Sewìɔ Tàmaŋ, wo Nàntanyàŋ e yìwìà ko Kenàŋ yèè ko Galaliì, aŋ jɔ̀àfèlàà Zɛɓɛdiì nyaŋ yèè aŋ wùìyauŋ nyàŋ Jìiiŋ yaà wo Jɔ̀ɔŋ, àŋ yaà wa koɓɛ̀ guùŋ, e hààwè anyùùŋ màŋjɛ̀wɛ̀ tìyèe bà ɓɛìŋ.

Jɔ̀ɔŋ 21:2 ပူးပေါင်းရင်းမြစ်များ

Maafiù 10:3

Wo Felè, wo Bàtolomiò, wo Tàmaŋ, wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wo Jìiiŋ wo jɔ̀àfèlàà Afiɔ̀ɔ, wo Taaɗìɔ̀,

Luù 5:10

È naŋ wa ɓɛìŋ fòònò wo Jìiiŋ yaà wo Jɔ̀ɔŋ, aŋ jɔ̀àfèlàà Zɛɓɛdiì nyaŋ. Nyiŋ nàŋ yaà wa anyùùŋ tòmò dàwì Saimɔ̀ŋ nyaŋ. Kɛɛ wo Jisɛ̀ naŋ wòò wo Saimɔ̀ŋ wààŋ, “E jùù ɓɔ̀ è nyɛ̀nɛ̀iŋ, e yìwìà nàaŋ nìŋ do nàŋ hìɛ̀ŋ anyùùŋ koɓɛ̀ Dayài.”

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 11:16

Wo Tàmaŋ, wo yèɔ àŋ hewa ɓɛìŋ nyààŋ wo Sewìɔ wɔ̀ naŋ wòò aŋ dàwiuŋ nyàŋ wààŋ, “Kàwiìŋ yàwi nààŋ Kààmɔɔŋ, wèè kɛ̀ yàwi nààŋ gbiŋ e fɔɔyɛ̀iŋ koɓɛ̀ guùŋ.”

Jɔ̀ɔŋ 2:1

Eɓìèmàŋjɛ̀wɛ̀ e teengaà wo Jisɛ̀ naŋ wa nyààŋ wo Felè yèè wo Nàntanyàŋ lɛ, ke ɗɔ̀ɔ̀ taaà diɛŋ àŋ yaà wa gbììnyɛ̀ŋ ke yɛ̀ɛ̀ ko Kenàŋ wɔŋ fùɔ̀ŋ Galaliìɔ sùà. Wo nààŋ Jisɛ̀ɔ wo Mèèle wɔŋ pɛɛ yaào wa wɔŋ ɗaa bi diɛŋ.

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 4:46

Wo Jisɛ̀ naŋ ɓɛìŋ kɛ̀ɛ̀ ko jawaì àŋ nyaaŋ Kenàŋ wɔŋ fùɔ̀ŋ Galaliìɔ sùà, ko yèi wò naŋ wa kìlè e wùìyèɛ maŋ tala muaŋ. Wo jɔ̀àfèlàà nyùùŋ gbèè fuɔɔ̀ŋ bà guùŋ yaà wa siinyɛŋ ko jawa gbeeì àŋ nyaaŋ Kepanàùm lɛ.