Jɔ̀ɔŋ 21:19 - WƆŊ FƐ̀Ì EBÒ SÌÀŊ DAYÀA

¹⁹ Wo Jisɛ̀ naŋ wa tɛɛ̀ woò wèè wo tɔ̀ɔ̀ wo Pììlɛ e ɗewe kiiɛ̀ wò do wa nàŋ fɔ̀ lɛ yèè e yèɛ do wa nàŋ hìɛ̀ŋ e jòòwo koɓɛ̀ Dayài lɛ̀. Yèè wo Jisɛ̀ nauŋ tɛɛ̀ woò wààŋ, “Dèim maŋjɛ̀wɛ ke kpèè miɛ̀ŋ sùà, yèè e nɔ̀ŋ kii mɛ̀ sùà.”

Jɔ̀ɔŋ 21:19 ပူးပေါင်းရင်းမြစ်များ

Maafiù 10:38

Sèè nìŋ go ɓèmè wɔŋ vànèkpaaiŋ nɔɔ̀ŋ yèè naŋ dè kè kpèè miɛ̀ŋ màŋjɛ̀wɛ, kɛ̀ niŋ fè tɛ̀ɛ̀ wèè naŋ nɔ̀ŋ anyùùŋ màŋjɛ̀wɛ̀im.

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 12:33

Wo Jisɛ̀ yaà wa wòò e kèè e ɗeweɛ̀ anyùùŋ nyaŋ heuŋ wa nàŋ jìwìè wɔŋ vànèkpaaà diɛŋ lɛ̀.

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 21:18

Yèè wo Jisɛ̀ nauŋ ɓɛìŋ woò wààŋ, “Miŋ woòum e tɔɔɓaaà, e teengaà mùŋ yaà wa wo nyuùŋ bɔwɔ lɛ̀, mùŋ hewa kpàà muàŋ bi yèè maŋ kà koɓɛ̀ gbiŋ ko yèi mùŋ manaŋ lɛ̀. Kɛɛ sèè mùŋ nɔ̀ŋ wa nàwèè naàŋ wo nyuùŋ gɔu, mùŋ do nàŋ vùlɔ̀ŋ maŋ kuàum màŋ. Kpeiŋ kɛ̀ anyùùŋ bà nàŋ doum nàŋ sìè e tɛɛ̀kìì mɔ̀ɛ̀ e tɛɛ, yèè aum kùwà maŋ kùàŋ aum kòà koɓɛ̀i muŋ manàŋ wèè maŋ ka lɛ̀.”

Jɔ̀ɔŋ 21:22

Wo Jisɛ̀ nauŋ fasàì wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ? Mùŋ kuwa maim dè maŋjɛ̀wɛ.”

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

2Pììlɛ 1:14

Kà nyìmàŋ kɛ̀ mìŋ yaà hninie ka jòà ke kpùnaàŋ sààmɛ màànààŋ wo Kana wiɔ̀ Jisɛ̀ Kulaì naim woò janjai lɛ̀.