Jɔ̀ɔŋ 21:17 - WƆŊ FƐ̀Ì EBÒ SÌÀŊ DAYÀA

¹⁷ E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 21:17 ပူးပေါင်းရင်းမြစ်များ

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Jɔ̀ɔŋ 12:8

Anyuùŋ pɔ̀ɔ nyàŋ doiŋ nàŋ nɔ̀ŋ e tɛɛ e teenga gbiŋ, yèè e teenga gbiŋ sèè nìŋ mɔnɔŋ, nàŋ nyiŋ ɓɛ̀nɛ̀ŋ kpùùmaŋ. Kɛɛ miàŋ miŋ naìŋ nɔ̀ŋ è tɛɛ è teengaà gbio sùà.”

Jɔ̀ɔŋ 13:38

Wo Jisɛ̀ nauŋ dawè wààŋ, “Màŋ kaikpɔ banebànè wèè maŋ kìɛ̀ŋ wɔŋ nyiiŋ mɔɔ̀ŋ e weèim? Mìŋ yààùm wòò sùà e tɔɔɓaaà kɛ̀, wèè paŋ wo tɔɔ wowoɔ̀ wo kolèè wɔŋ dùùm wɛɛ̀ŋ, mùŋ do nàŋ gè maŋhɛɛ e sùà taai kɛ̀ muŋ nyimààìm.”

Jɔ̀ɔŋ 14:15

Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ.

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 16:30

Yèiŋ ngàà naàŋ nyìmàŋ kɛ̀ màŋ nyìmàŋ maŋ keì maŋ gbiŋ, e kìlà e kuwàìŋ ɓɛìŋ wɔ̀ŋ mààŋdàwè gbiŋ wèè eum dawè. Tɛɛ̀ naŋ nyɛ̀nɛ̀ŋ è naiŋ haawè tɔɔɓaa kɛ̀ mùŋ yewe koɓɛ̀ Dayài.”

Jɔ̀ɔŋ 18:27

Yèè wo Pììlɛ naŋ niŋ ɓɛìŋ gè maŋhɛɛ wààŋ, “Kpele, e fèìm,” ko fɛɛ̀feìŋ wo tɔɔ wowo naŋ kolèè.

Jɔ̀ɔŋ 18:4

Kɛɛ nààŋ wo Jisɛ̀ naŋ wa nyìmè tɛ kɛ̀ kiìŋ nàŋ yaà wa hinie wèè e kaaìŋ, wò naŋ fòlò yèè wò naŋ nyiŋ dawè wààŋ, “Ɓòò nìŋ yaà kaame?”

Jɔ̀ɔŋ 21:18

Yèè wo Jisɛ̀ nauŋ ɓɛìŋ woò wààŋ, “Miŋ woòum e tɔɔɓaaà, e teengaà mùŋ yaà wa wo nyuùŋ bɔwɔ lɛ̀, mùŋ hewa kpàà muàŋ bi yèè maŋ kà koɓɛ̀ gbiŋ ko yèi mùŋ manaŋ lɛ̀. Kɛɛ sèè mùŋ nɔ̀ŋ wa nàwèè naàŋ wo nyuùŋ gɔu, mùŋ do nàŋ vùlɔ̀ŋ maŋ kuàum màŋ. Kpeiŋ kɛ̀ anyùùŋ bà nàŋ doum nàŋ sìè e tɛɛ̀kìì mɔ̀ɛ̀ e tɛɛ, yèè aum kùwà maŋ kùàŋ aum kòà koɓɛ̀i muŋ manàŋ wèè maŋ ka lɛ̀.”

Jɔ̀ɔŋ 4:16

Wo Jisɛ̀ nauŋ woò wààŋ, “Kɔ̀à yèè muŋ nyààŋ wo faniŋ mɔɔ̀ŋ muŋ kɛɛ̀ ɓɛìŋ kià.”

Nyɛ̀nɛ̀ŋ 1:24

Kpeiŋ aŋ gbiŋ naŋ zoolò nyààŋ, “Kanaà Jisɛ̀, màŋ nyìmàŋ maŋ gòngò maŋ jìì kòmàŋ nyuùnkpùuŋ gbiŋ, weètii tɔ̀ɔ̀ wi kɛ̀ kòuŋ aŋ fèlàà tìyèe nyɛɛ̀ŋ e fèemàŋ mùŋ naŋ tàeɗùù

Nyɛ̀nɛ̀ŋ 11:10

E keì lɛɛ̀ naŋ wa kaaìŋ e sùà taai, yèè ko diemeì maŋ gbiŋ naŋ ɓɛìŋ jòwò ko àìjɛnɛ̀ŋ.

Nyɛ̀nɛ̀ŋ 15:8

Wo Dayà nyìmàŋ kɛ̀ ke jìì nyuùŋkpùuŋ gbiŋ kiɛ̀ŋ mìè seì, nààŋ wò naŋ kìɛ̀ŋ wo Jìnàŋ Nɛɛmaàŋ koɓɛ̀ anyùùŋ nyaŋ fè àŋ Juùù nyaŋ, màànààŋ nɔŋ wò naŋ wi wuŋ kiɛ̀ŋ yàwi pɛɛ lɛ̀.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

Ɛfesɔ̀ 4:30

Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

1Pììlɛ 1:6

Gèeìŋ zɔlɔ̀ wèè tɛɛ̀, jòòpɛɛ è wɔ̀i naàŋ ɓɛ̀nɛ̀ŋ nɔ̀ŋ tɛ̀ɛ̀ wèè naŋ jɛ̀ì e jɛ̀ì ke nyowo sùà wèè e teenga kpàa sùà, esàɓù maŋ wàa kà tinàŋ zimgbe màŋ nìŋ naŋ mɔ̀ɔ̀nɛ̀ŋ dìì maŋ.

2Pììlɛ 3:1

Nyɛ̀iŋ nààŋ dàwi mànaim nyàŋ, wɛɛ̀ŋ nàŋ yaà wɔŋ fɛi dìà tìyèeɔ̀ mìŋ naŋ sìngè ko nɛ̀ɛ̀iŋ niìŋ wɔŋ. Maŋ fɛ̀ì tìyèe mɛɛ̀ŋ sùà mìŋ naŋ fɛ̀ɛ̀ wèè kaiŋ sìà ke di sengèì maŋ gòngoiŋ màŋ sùà wèè naŋ jilɛ̀ŋ esaɓù kɛ̀ mìŋ naiŋ dè maŋ keì mɛɛ̀ŋ jii.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 3:19

Mìŋ gbuuyà e kìlà mìŋ nimilà anyùùŋ nyaŋ gbiŋ mìŋ manaŋ nyàŋ. Weètii, nɔ̀ŋ wo nyùùŋ tɔ̀ɔ̀nyaàŋ, e kìlà muŋ fè maŋ tùwo naanààum màŋ jɛwɛ.