Jɔ̀ɔŋ 21:12 - WƆŊ FƐ̀Ì EBÒ SÌÀŊ DAYÀA

¹² Yèè wo Jisɛ̀ naŋ nyiŋ woò wààŋ, “Hnaìŋ niŋ jè e nɛ̀ŋ.” Anyùùŋ màŋjɛ̀wɛ̀ nyaŋ bà guùŋ pɛɛ gòuŋ wa dawè kɛ̀ ɓòò nàŋ yàaùŋ. Àŋ wa nyìmàŋ kɛ̀ wo Kanaà wo wa.

Jɔ̀ɔŋ 21:12 ပူးပေါင်းရင်းမြစ်များ

Maafiù 22:46

Wo nyùùŋ gbiŋ gò wa ɓɛ̀nɛ̀ŋ fàsàì wò Jisɛ̀, yèè e yìwìà ke ɗɔɔ yii, wo nyùùŋ gbiŋ gòuŋ wa ɓɛìŋ gbìàŋ wɔ̀ŋ mààŋdàwè bà gbiŋ.

Luù 9:45

Kɛɛ anyùùŋ màŋjɛ̀wɛ̀ nyaŋ nyimààŋ wa kɛ̀ kiìŋ wò yaà wa woo. E fàsai niŋ nɛ̀ yaà wa ko nyɛɛnɛŋ ko nɛ̀ɛ̀ŋ nyiŋ niìŋ. E jiikɛ̀ɛ gò nyiŋ wa dè wèè è keì bi, e jùùɛ yaà nyiìŋ wa wèè auŋ dawè.

Jɔ̀ɔŋ 16:19

Wo Jisɛ̀ wa nyìmàŋ kɛ̀ àŋ manaŋ wa auŋ dawè, yèè wò naŋ nyiŋ woò wààŋ, “Nìŋ yaà daawe nààŋ mìŋ naŋ woò mìàŋ, ‘wèè e teenga kpàa bà niŋ naàim ɓɛìŋ yɛmɛ̀.’ Yèè mìàŋ ‘kɛɛ e teenga kpàa bà nìŋ doim ɓɛìŋ nàŋ yɛmɛ̀?’

Jɔ̀ɔŋ 21:11

Yèè wo Saimɔŋ Piilɛ̀ naŋ kɛ̀ɛ̀ ko gɔì yèè wò naŋ gɔ̀ɛ̀ɛ̀ wɔŋ kpee dìà aŋ kɛ̀ìɔ ko tiwi. Aŋ kɛì gbeegbèè hɔ̀nɔ̀ɔ̀ guùŋ kpɛ̀ɛ̀ùŋ tìyèe jɛ̀wɛ̀ zììyà jɛ̀wɛ̀ taai (153) nàŋ yaà wa wɔŋ kpeeɔ̀ sùà, kɛɛ wɔŋ kpeeɔ̀ gò wa kɛtɛ kɛ̀tɛ̀.

Jɔ̀ɔŋ 21:15

Nààŋ wo Jisɛ̀ yèè anyùùŋ màŋjɛ̀wɛ̀uŋ nyàŋ naŋ wa kpɛ̀ɛ̀yɛ̀ e nɛ̀ŋ jèe, wo Jisɛ̀ naŋ dàwè wo Saimɔŋ Piilɛ̀, wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, mùŋ mànàìm maŋ nìàŋ anyùùŋ màŋjɛ̀wɛ̀ gbànaŋ nyàŋ?” Wo Saimɔŋ Piilɛ̀ naŋ fasàì wààŋ, “Hɛ̀ɛɛ̀ŋ Kanaà, màŋ nyìmàŋ kɛ̀ mìŋ mànàùm.” Yèè wo Jisɛ̀ naŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 4:27

E teenga kpuu bi sùà nɔŋ anyùùŋ màŋjɛ̀wɛ̀ Jisɛ̀ nyaŋ naŋ kɛ̀ɛ̀ maŋjɛ̀wɛ ko nɛ̀ɛ̀uŋ niìŋ. Yèè è naŋ nyiŋ wa foonò nààŋ àŋ nauŋ mɛɛ̀ŋ wò yaà gbùùyè wo jɔùŋ kɔɔ. Kɛɛ wo bà guùŋ pɛɛ gòuŋ wa dawè wààŋ, “Kiìŋ wò manaŋ ɔ̀ɔ̀ wèè kiìŋ wò yaà gbùùyè wo nìeɔ̀ kɔɔ?”

Nyɛ̀nɛ̀ŋ 10:41

Anyùùŋ nyaŋ gbiŋ nààŋ gòuŋ wa yɛmɛ̀. Yàwi nɔŋ nauŋ wa yɛmɛ̀, yàwi yè nyaŋ yèè wuŋ naiŋ wa jììyè nɛ̀ŋje yèè è naiŋ tììyè koɓɛ̀ guùŋ nyaŋ nààŋ wò naŋ wa yèwè e fàaà dìì. Yàwi nàŋ yaà aŋ sèì nyaŋ wo Dayà naŋ wa tàeɗùù wèè e wòò ebòuŋ nɛ̀ koɓɛ̀ anyùùŋ.