Jɔ̀ɔŋ 20:29 - WƆŊ FƐ̀Ì EBÒ SÌÀŊ DAYÀA

²⁹ Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”

Jɔ̀ɔŋ 20:29 ပူးပေါင်းရင်းမြစ်များ

Maafiù 13:16

“Kɛɛ sèè è nɔ̀ŋ wèè nyɛ̀iŋ, wo Dayà wòiŋ kpuumàŋ, esaɓù kɛ̀ maŋ fɛɛ̀iŋ màŋ yɛmɛ̀ dìì e kìlà maŋ nuùiŋ màŋ komo maŋ kàìŋ.

Luù 1:45

Wo Kanaà Dayà naum gbìɛ̀ŋ e zòòlo maŋjɛ̀wɛ esaɓù kɛ̀, mùŋ naŋ haawè kɛ̀ wò do nàŋ nyɛ̀nɛ̀ŋ e yèɛ wò nàŋ woò lɛ.”

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 20:8

Kpeiŋ wo nyùùŋ màŋjɛ̀wɛ̀ɔ wo yèɔ naŋ wa hàì koɓɛ̀ ke hùaàŋ wuŋ jiɛ̀ wɔ, naŋ ngàà dè ke hùaàŋ sùà wuŋ pɛɛ. Wò naŋ yɛ̀mɛ̀ maŋ dèè maŋ, yèè wò naŋ haawè kɛ̀ wo Jisɛ̀ yèwà e fàa dìì.

Jɔ̀ɔŋ 4:48

Wo Jisɛ̀ naŋ wòò wo kenàaŋ wààŋ, “Nyɛ̀iŋ nààŋ bà nyiŋ naàŋ kɛ̀ɛ̀nɛ̀ŋ è hààwe sɔɔ̀ nɔ̀ŋ naŋ yɛ̀mɛ̀ e kèè mèè yèè maŋ tɔ̀ɔ̀màŋsèì keì maŋ kaaìŋ!”

2 Kɔliìŋ 5:7

Esàɓù e hààwe sùà è yààìŋ wɔŋ nyiiŋ gèe sùà e fè wèè nɛ̀ɛŋ è yɛmɛ̀ìŋ nɛ.

Hiɓu 11:1

E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 11:27

E hààwe naŋ nyɛ̀nɛ̀ŋ wo Mòòze naŋ wa yèwè ko Ijè e yèɛ e jùù gòuŋ wa nyɛ̀nɛ̀ŋ wèè è wùàŋ kànà fuɔɔ̀ŋ. Jòòpɛɛ wo Mòòze gò wa yɛ̀mɛ̀ wò Dayàa wo nyùùŋ gbiŋ fè yɛmɛ̀ wɔ, wò naŋ wa gè maŋhɛɛ wèè wo kɛɛ̀ maŋjɛ̀wɛ.

Hiɓu 11:39

Anyùùŋ nyɛɛ̀ŋ gbiŋ naŋ wa nɔ̀ŋ seì wèè e hààweɛ̀ yèè àŋ naŋ nyɛ̀nɛ̀ŋ e nɛ̀ɛŋ wo Dayà manaŋ wa esàɓù e hààweɛ̀ àŋ kuwa wa lɛ̀. Kɛɛ yɛi nɔŋ è yaà aŋ gò wa yɛ̀mɛ̀ è nɛ̀ɛŋ wò Dayà naŋ wa jɔ̀ɔ̀ e ɗààhiì wèè wò nyiŋ kiɛ̀ŋ lɛ,

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,