Jɔ̀ɔŋ 20:28 - WƆŊ FƐ̀Ì EBÒ SÌÀŊ DAYÀA

²⁸ Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 20:28 ပူးပေါင်းရင်းမြစ်များ

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Luù 24:52

Anyùùŋ màŋjɛ̀wɛ̀uŋ nyàŋ naŋ dè maŋ gɛ̀ɛ̀nìŋ nyiŋ màŋ dìì auŋ zoolò, yèè aŋ naŋ kɛ̀ɛ̀ maŋjɛ̀wɛ ko Jùlusɛ̀làm e zɔlɔ̀ gbee sùà.

Jɔ̀ɔŋ 1:1

Wèè paŋ wo Dayà banè wa e ɗuunyaàŋ, wo nyùnɔ̀ɔŋ àŋ nyaaŋ wa ke Mìè gbòauŋ nɛɛ̀ŋ wɔ wò yaào wa tɛ. Wo nyùnɔ̀ɔŋ ke Mìèɛ naŋ wa kɔ̀ɛ̀ ko sùà wɔ wò yaà wa koɓɛ̀ Dayài, yèè ke Mìèɛ nàŋ yaà wa wo Dayà wuŋ bi.

Jɔ̀ɔŋ 20:16

Yèè wo Jisɛ̀ nauŋ woò wààŋ, “Mèèle!” Wo Mèèle naŋ kìlè ko nɛ̀ɛ̀uŋ niìŋ yèè wò naŋ woò e Hiɓulù mieɛ̀ sùà wààŋ, “Làbonìŋ!” E fàsàì tɛɛ̀ nàŋ yaà, “Kààmɔɔŋ!”

Jɔ̀ɔŋ 20:27

Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”

Jɔ̀ɔŋ 20:29

Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.