Jɔ̀ɔŋ 20:26 - WƆŊ FƐ̀Ì EBÒ SÌÀŊ DAYÀA

²⁶ Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:26 ပူးပေါင်းရင်းမြစ်များ

Maafiù 17:1

E gɔ̀ɛ̀ɛ̀ nɔɔnɔŋ dièguùŋ naŋ mààŋ, yèè wo Jisɛ̀ naŋ ɓèmè wo Pììlɛ yèè wo wùìyauŋ nɔɔ̀ŋ Jìiiŋ yèè wo Jɔ̀ɔŋ, yaà nyiŋ naŋ kɔ̀ wɔŋ toò mùŋlaŋ bà dìmɛ̀ nyiŋ wouwòù.

Luù 24:36

Nààŋ anyùùŋ màŋjɛ̀wɛ̀ tìyèe nyàŋ yaà wa wòò anyuùŋ gbànaŋ nyàŋ e keì lɛɛ̀, wo Kanaà Jisɛ̀ wuŋ bi naŋ nyiŋ fòlò feìŋ yèè wò naŋ nyiŋ woò wààŋ, “Ke jii fàa nɔ̀ŋ ko nɛ̀ɛ̀iŋ niìŋ.”

Luù 9:28

Maŋ ɗɔ̀ɔ̀ nɔɔnɔŋ le taai naŋ mààŋ, yèè wo Jisɛ̀ naŋ ɓèmè wo Pììlɛ, wo Jɔ̀ɔŋ wo Jìiiŋ àŋ naŋ kɔ̀ wɔŋ toò bà dìmɛ̀ ko zoolo.

Jɔ̀ɔŋ 11:16

Wo Tàmaŋ, wo yèɔ àŋ hewa ɓɛìŋ nyààŋ wo Sewìɔ wɔ̀ naŋ wòò aŋ dàwiuŋ nyàŋ wààŋ, “Kàwiìŋ yàwi nààŋ Kààmɔɔŋ, wèè kɛ̀ yàwi nààŋ gbiŋ e fɔɔyɛ̀iŋ koɓɛ̀ guùŋ.”

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Jɔ̀ɔŋ 21:1

Eɓìèmàŋjɛ̀wɛ̀ tii wo Jisɛ̀ naŋ fòlò anyùùŋ màŋjɛ̀wɛ̀uŋ nyàŋ feìŋ wɔŋ Jùwò Tàbiliàa kɔɔ. E ɗeweɛ̀ lɛɛ̀ è naŋ wa kaaìŋ.

Jɔ̀ɔŋ 21:14

Tɛɛ̀ nàŋ yaà wa e teenga dìà taaà wèè wo Jisɛ̀ wo fòlà anyùùŋ màŋjɛ̀wɛ̀uŋ nyàŋ feìŋ nààŋ wò naŋ wa yèwè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.