Jɔ̀ɔŋ 20:25 - WƆŊ FƐ̀Ì EBÒ SÌÀŊ DAYÀA

²⁵ Anyùùŋ màŋjɛ̀wɛ̀ gbànaŋ nyàŋ naŋ yɛ̀mɛ̀ wo Tàmaŋ, yèè àŋ nauŋ woò nyààŋ, “Èiŋ yɛ̀mɛ̀ wo Kanaà.” Kɛɛ wo Tàmaŋ naŋ nyiŋ wa woò wààŋ, “Sɔɔ̀ ka yɛ̀mɛ̀ maŋ fɔ̀tà maŋ zùuu màŋ maŋ kuàuŋ màŋ, yèè ka miŋ mɛnlɛ̀ɛ̀ŋ, e kìlà ka mɛ̀nlɛ̀ɛ̀ŋ e ɓulauŋ nɛ̀ koɓɛ̀i àŋ nauŋ hɔ̀ɔ̀ ke kpɛɛɛ̀ lɛ, miŋ naàŋ haawè kɛ̀ wò Kanaà yèwà è fàa dìì.”

Jɔ̀ɔŋ 20:25 ပူးပေါင်းရင်းမြစ်များ

Maafiù 27:42

“Wò naŋ jòèyè anyuùŋ joo, kɛɛ wo fè ɓɛ̀nɛ̀ŋ wuŋ bi jòèye! Wuŋ nààŋ fè wò kànà Ezɔ̀ɛ̀ɔ? Sèè wò dè naàŋ sààmɛ e yìwìà wɔŋ vànèkpaaà diɛŋ, kɛ̀ èuŋ haawè!

Luù 24:25

Kpeiŋ wo Jisɛ̀ naŋ woò wààŋ, “Wèè kiìŋ nìŋ yaà yɛi e ɓàaɓàa e kìlà nìŋ naŋ yɛi gbɔ̀mgbɔ̀ɔ̀ maŋ jii wèè naŋ hààwè maŋ keì maŋ aŋ wɛ̀ijì nyaŋ naiŋ wa woò maŋ, e nyaàiŋ dè wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ?

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 20:27

Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”

Jɔ̀ɔŋ 21:7

Wo nyùùŋ màŋjɛ̀wɛ̀ɔ wo Jisɛ̀ manaŋ wa wɔ̀ naŋ wòò wo Saimɔŋ Piilɛ̀ wààŋ, “Wo Kanaà wò!” Nààŋ wo Pììlɛ naŋ kòmò kɛ̀ wo Kanaà wo, wò naŋ gbìɛ̀ŋ wɔŋ deèuŋ nɔɔ̀ŋ gbààì wɔŋ yèɔ wò naŋ gè wò naŋ haà e teengaà wò yaà wa toomo lɛ̀. Yèè wò naŋ vaì wo sɛ̀ɛ̀ e wùìyèɛ sùà.

Jɔ̀ɔŋ 6:30

Anyùùŋ nyaŋ naŋ fasàì nyààŋ, “Kiìŋ è tɔ̀ɔ̀màŋsèì keì mùŋ do nàŋ tɔɔ̀ wèè e nyɛ̀nɛ̀ŋ e hààwè e yèɛ mùŋ woà lɛ? Kiìŋ è tòmo mùŋ do nàŋ nyɛ̀nɛ̀ŋ?

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Hiɓu 3:18

Wo Dayà naŋ wa woò wààŋ, “Julɔfɔ niŋ naàŋ wa nàwèè hàì è dììɛ diɛŋ ko yèi mìŋ do nyiŋ nàŋ kìɛ̀ŋ e nyiiŋ gèe lɛ.” Wo Dayà yaà wa wòò e kèè anyùùŋ nyaŋ nauŋ wa gììyè maŋhɛɛ nyàŋ.