Jɔ̀ɔŋ 20:20 - WƆŊ FƐ̀Ì EBÒ SÌÀŊ DAYÀA

²⁰ Nààŋ wo Jisɛ̀ naŋ nyiŋ wa tii woò, wò naŋ nyiŋ tɔ̀ɔ̀ le siwèuŋ nɛ̀ yèè e ɓulauŋ nɛ̀. E zɔlɔ̀ gbee naŋ wa dìè anyùùŋ màŋjɛ̀wɛ̀ nyaŋ nààŋ àŋ naŋ wa yɛ̀mɛ̀ wo Kanaà Jisɛ̀.

Jɔ̀ɔŋ 20:20 ပူးပေါင်းရင်းမြစ်များ

Maafiù 28:8

Yèè àŋ naŋ kɔ̀ maŋ dùaŋ dùaŋ e yìwìà koɓɛ̀ ke hùaàŋ. Jòòpɛɛ e jùù yaà nyiìŋ wa, kɛɛ maŋ jii nyiŋ màŋ naŋ wa dìè e zɔlɔ̀, àŋ naŋ dùɔ̀ŋ wèè aŋ ka aŋ woò ebò lɛɛ̀ koɓɛ̀ anyùùŋ màŋjɛ̀wɛ̀uŋ nyàŋ.

Jɔ̀ɔŋ 16:20

Tɔ̀ miŋ woòiŋ e tɔɔɓaaà kɛ̀, nìŋ do nàŋ gòlò yèè ke nyowo keiŋ nyɛ̀nɛ̀ŋ, kɛɛ anyùùŋ nyaŋ e ɗuunyaàŋ do nàŋ gè zɔlɔ̀. Jòòpɛɛ nìŋ do nàŋ nɔ̀ŋ ke nyowo sùà, kɛɛ eɓìèmàŋjɛ̀wɛ̀ ke nyowoiŋ nɛɛ̀ŋ kè do nàŋ kìlè e zɔlɔ̀.

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Jɔ̀ɔŋ 19:34

Yèè wo kààlòòɗùàa bà guùŋ naŋ zɔ̀ɔ̀lɔ̀ ke kpɛɛuŋ nɛɛ̀ŋ wo Jisɛ̀ e ɓula, yèè maŋ sɛ̀ìŋ yaà e wùìyè nao fòlò.

Jɔ̀ɔŋ 20:25

Anyùùŋ màŋjɛ̀wɛ̀ gbànaŋ nyàŋ naŋ yɛ̀mɛ̀ wo Tàmaŋ, yèè àŋ nauŋ woò nyààŋ, “Èiŋ yɛ̀mɛ̀ wo Kanaà.” Kɛɛ wo Tàmaŋ naŋ nyiŋ wa woò wààŋ, “Sɔɔ̀ ka yɛ̀mɛ̀ maŋ fɔ̀tà maŋ zùuu màŋ maŋ kuàuŋ màŋ, yèè ka miŋ mɛnlɛ̀ɛ̀ŋ, e kìlà ka mɛ̀nlɛ̀ɛ̀ŋ e ɓulauŋ nɛ̀ koɓɛ̀i àŋ nauŋ hɔ̀ɔ̀ ke kpɛɛɛ̀ lɛ, miŋ naàŋ haawè kɛ̀ wò Kanaà yèwà è fàa dìì.”

Jɔ̀ɔŋ 20:27

Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”

1Jɔ̀ɔŋ 1:1

Ke mìèɛ kiɛ̀ŋ wɔŋ nyiiŋ gèeɔ̀ lɛ, kè yaà wa ko tɔ̀ɔ̀tù e ɗùùnyaàŋ. È naiŋ nyiŋ kòmò kè naŋ gbòò, è naiŋ nyiŋ yɛ̀ɛ̀mɛ̀ le fɛɛ̀ kòmàŋ wilɛ̀, yèè è naiŋ nyiŋ mɛ̀lɛ̀ɛ̀ŋ maŋ kuàŋ wi màŋ.