Jɔ̀ɔŋ 20:19 - WƆŊ FƐ̀Ì EBÒ SÌÀŊ DAYÀA

¹⁹ Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:19 ပူးပေါင်းရင်းမြစ်များ

Maafiù 10:13

Sèè anyùùŋ nyaŋ ko gboo wii àŋ jààìŋ kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ jeè ko gboo bi. Kɛɛ sèè anyùùŋ nyaŋ ko gboo wii gòiŋ jàà kùàŋ dìì, kɛ̀ tɔ̀ e zùùmò ke jii fàaiŋ nɛɛ̀ŋ kɛɛ̀ ko nɛ̀ɛ̀iŋ niìŋ.

Maafiù 18:20

Esaɓù kɛ̀ koɓɛ̀i anyùùŋ tìyèe ɔ̀ɔ̀ àŋ taai àŋ naŋ dèènè koɓɛ̀ guùŋ e deè mɛ̀ diɛŋ lɛ̀, kòò mìŋ yaà nyiìŋ nèè tɛɛ.”

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 21:1

Eɓìèmàŋjɛ̀wɛ̀ tii wo Jisɛ̀ naŋ fòlò anyùùŋ màŋjɛ̀wɛ̀uŋ nyàŋ feìŋ wɔŋ Jùwò Tàbiliàa kɔɔ. E ɗeweɛ̀ lɛɛ̀ è naŋ wa kaaìŋ.

Jɔ̀ɔŋ 21:14

Tɛɛ̀ nàŋ yaà wa e teenga dìà taaà wèè wo Jisɛ̀ wo fòlà anyùùŋ màŋjɛ̀wɛ̀uŋ nyàŋ feìŋ nààŋ wò naŋ wa yèwè e fàaà dìì wɔŋ nyiiŋ gèeo sùà.

Jɔ̀ɔŋ 7:13

Kɛɛ anyùùŋ nyaŋ gò wa wòò è kiiuŋ gèngèè esaɓù kɛ̀, àŋ duɔŋ wa anyùùŋ gbèègbèè aŋ Juùù nyaŋ.

Nyɛ̀nɛ̀ŋ 1:3

Wèè maŋ ɗɔɔ kpɛ̀ùŋ tìyèe sùà e yìwìà e teengaà wo Kanaà Jisɛ̀ naŋ wa fɔ̀ lɛ, wò naŋ nyiŋ fòlò feìŋ e teenga zimgbe maŋ dòmanyaaŋ titi bà sùà, maŋ yè maŋ naŋ nyiŋ tɔɔ̀ jaŋyai e hààwe sùà kɛ̀ kòò wò yaà wɔŋ nyiiŋ gèeɔ̀ sùà. Àŋ nauŋ yɛmɛ̀, yèè wò naŋ nyiŋ gbòò kɔɔ e nyaàiŋ dè e kèè e Kànà Dayàa.

Luùm 15:33

Tɔɔɓaa mìŋ zoolà Dayà, wo yèɔ kiɛ̀ŋ ke jii fàa wɔ̀, wèè wo nɔ̀ŋ nyɛ̀iŋ gbiŋ maŋjɛ̀wɛ. Àmiinàŋ.

1 Kɔliìŋ 15:5

wò naŋ fòlò wo Pììlɛ feìŋ yèè wò naŋ fòlò aŋ nyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ gbiŋ feìŋ.

Ɛfesɔ̀ 2:14

Wo Jisɛ̀ Kulaì wuŋ bi naŋ wi hìɛ̀ŋ ke jii fàa, esaɓù kɛ̀ wò nyɛ̀nɛ̀ŋ aŋ Juùù nyaŋ yaà anyùùŋ nyaŋ fè àŋ Juùù nyaŋ aŋ nɔ̀ŋ anyùùŋ guùŋ. Wò naŋ tòòmò ke kpùnauŋ nɛɛ̀ŋ wèè wo gɔ̀ɛ̀gɔ̀ɛ̀ wɔŋ gboloɔ̀ naŋ wa gòònò anyùùŋ nyɛɛ̀ŋ e tɛɛ, yèè àŋ naŋ wa wùònò e fèemàŋ wɔŋ.

Ɛfesɔ̀ 6:23

Mìŋ zoolà wèè wo Dayà wo Dèdaà yaà wo Kanaà Jisɛ̀ Kulaì kiɛ̀ŋ aŋ wùìya kùwìè e hààwe nyàŋ gbiŋ ke jii fàa yèè e mànaŋ yaà e hààwe.

Fèle 1:2

Tɔ̀ wo Dayà wo Dèda wiɔ̀ yaà wo Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa.

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

Hiɓu 7:2

Manɛ̀ŋ maŋ gbiŋ wo Eɓulɔhɛɛ̀ŋ kuwa wò naŋ wa gè ko sùmìè ɗùàa màŋ, wò naŋ miŋ goonò ɗì zììyà yèè wò naŋ fè e ɗì guùŋ koɓɛ̀ wo Kanaà Mɛ̀kisiɗɛ̀. E fàsàì e dèèɛ Mɛ̀kisiɗɛ̀ nàŋ yaà, “Wo Kànà Tɔ̀ɔ̀nyaàŋ.” Kɛɛ nààŋ e fàsàì e dèèɛ Salɛ̀m nàŋ yaà “jii fàa lɛ̀,” àŋ nyàaùŋ wa ɓɛìŋ “Wo Kànà Jii Fàa.”

3Jɔ̀ɔŋ 1:14

Mìŋ kuwa e hààweɛ̀ yèè mìŋ yààìŋ yɛ̀ɛ̀mɛ̀ dòmaŋ e teenga kpuu sùà, wèè yàwi nààŋ gbiŋ eiŋ kùwìè maŋ di ɓùla titi koɓɛ̀ guùŋ.

Maŋ kèì nyɛɛnɛŋ 1:4

Wo Jɔ̀ɔŋ naŋ sìngè wɔŋ fɛi koɓɛ̀ maŋ gbòò anyùùŋ hààwè ɗì nɔɔnɔŋ le tìyèe màŋ naŋ wa hààwè Jisɛ̀ sùà maŋ kpàlàùŋ kpàlàùŋ wɔŋ fùɔ̀ŋ Eesìàa sùà. Wò naŋ nyiŋ woò wààŋ, E tɛ̀ɛ̀tɛ̀ɛ̀ yaà ke jii fàa nɔ̀ŋ ko nɛ̀ɛ̀iŋ niìŋ e yìwìà wo Dayà sìwè, wo yèɔ yaà wɔŋ nyiiŋ gèeɔ̀ sùà nàaŋ, e kìlà wò yaào wa gɔu, yèè wo yèɔ do nàŋ hnè wɔ, yèè e yìwìà aŋ jìnàŋ nɔɔnɔŋ le tìyèe nyàŋ sìwè, aŋ yè nyaŋ sia ke kpùà kanauŋ nɛɛ̀ŋ feìŋ nyaŋ,