Jɔ̀ɔŋ 20:17 - WƆŊ FƐ̀Ì EBÒ SÌÀŊ DAYÀA

¹⁷ Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Jɔ̀ɔŋ 20:17 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 28:7

Kɛɛ kɔ̀aìŋ naàŋ fiò niŋ gbaì anyùùŋ màŋjɛ̀wɛ̀uŋ nyàŋ jii kɛ̀, wo Dayà wòuŋ gè e fàaà dìì, kòò wò yààìŋ kɔ̀ɔ̀yɛ̀ ko feìŋ ko Galaliì. Kuŋ nìŋ douŋ nàŋ yɛmɛ̀! Jàaìŋ e yèɛ mìŋ naiŋ woò lɛ jii.”

Luù 10:4

Ɓɔ̀ nìŋ koà wɔ̀ŋ pɔsɛ̀ ɔ̀ɔ̀ wɔŋ ɓùù nyuùŋ hɔ̀mɔɔŋ ɔ̀ɔ̀ màŋ ba. Ɓɔ̀ nìŋ sie wèè naŋ zùùmò wò nyùùŋ gbiŋ kò dòmaìŋ.

Jɔ̀ɔŋ 13:1

È naŋ wa naàŋ jòò ke ɗɔ̀ɔ̀ guùŋ paŋgàà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì. Wo Jisɛ̀ wa nyìmàŋ kɛ̀ e teengaà wa naàŋ haì wèè wo jòà e ɗuunyaŋ lɛɛ̀ wèè wo kɛ̀ɛ̀ ko àìjɛnɛ̀ŋ koɓɛ̀ wo Dèdauŋ nɔɔ̀ŋ. Wò naŋ wa tɔ̀ɔ̀ e mànaŋ koɓɛ̀ anyùùŋ màŋjɛ̀wɛ̀uŋ nyàŋ e ɗuunyaŋ lɛɛ̀, yèè wò naŋ nyiŋ wa tɔ̀ɔ̀ e mànaŋ bi paŋgàà wò jòà wa e ɗuunyaàŋ.

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 14:2

Maŋ saaŋ hàwe zimgbe yaà ko jàwà Dèda mio ko àìjɛnɛ̀ŋ. Sèè è go yɛi weè nɔ̀ŋ, miŋ naàiŋ niŋ weè woò. Mìŋ yaà kɔɔyɛ ka bànè ko nɛ̀nɛ̀ŋ wèè nyɛ̀iŋ nààŋ bà guùŋ gbiŋ.

Jɔ̀ɔŋ 14:28

Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 16:28

Mìŋ naŋ hnè koɓɛ̀ anyùùŋ nyaŋ e ɗuunyaàŋ e yìwìà koɓɛ̀ wo Dèda miɔ̀ŋ. Kɛɛ mìŋ yaà jòà sùà anyùùŋ nyaŋ e ɗuunyaàŋ ka kɛ̀ɛ̀ koɓɛ̀ wo Dèda miɔ̀ŋ ko àìjɛnɛ̀ŋ.”

Jɔ̀ɔŋ 17:11

Dèdà Nɛɛmaàŋ, miŋ fè ɓɛìŋ ànyùùŋ nyaŋ tɛɛ e ɗuunyaàŋ. Mìŋ yaà naàŋ hìnìè ko nɛ̀ɛ̀ŋ muìŋ. Kɛɛ anyùùŋ màŋjɛ̀wɛ̀im nyàŋ kòò àŋ yaà nɔŋ e ɗuunyaàŋ. Yɛ̀mɛ̀ nyiŋ diɛŋ e yìwìà e dèè e gaàŋ gbee mɔ̀ɛ̀ mùŋ naim kiɛ̀ŋ lɛ, wèè kɛ̀ aŋ gbiŋ aŋ nɔ̀ŋ anyùùŋ guùŋ, màànààŋ yàwium tìyèe è yaà anyùùŋ guùŋ lɛ.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Jɔ̀ɔŋ 20:27

Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”

Jɔ̀ɔŋ 7:33

Kɛɛ wo Jisɛ̀ naŋ nyiŋ wa woò wààŋ, “Mìŋ doiŋ nàŋ nɔ̀ŋ e tɛɛ wèè e teenga jɔa kpàa bà, eɓìèmàŋjɛ̀wɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ.

Luùm 8:29

Anyùùŋ nyaŋ wo Dayà naŋ tàeɗùù nyaŋ, nyiŋ wò naŋ ɗewè yèè wò naŋ jàà e ɓula wèè aŋ nɔ̀ŋ mààŋ wo Jɔ̀àfelaauŋ nɔɔ̀ŋ, wèè kɛ̀ wo Jɔ̀àfelaauŋ nɔɔ̀ŋ wo nɔ̀ŋ wo nyuùŋ jiɛ̀jiɛ̀ɔ anyuùŋ hààwe zimgbe tɛɛ.

2 Kɔliìŋ 6:18

Mìŋ do nàŋ nɔ̀ŋ wo dèda ko nɛ̀ɛ̀ŋ niìŋ, yèè nìŋ do nàŋ nɔ̀ŋ aŋ jɔ̀àfelaa yaà aŋ jɔ̀àjɔùŋ wèè miàŋ. Wo Kànà Dàyà gaàŋ gbeeɔ̀ naŋ tɛɛ̀ woò.”

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Hiɓu 11:16

Kɛɛ nààŋ è yaà lɛ, àŋ yaà wa kààmè wɔŋ fuɔŋ kɛnɛ wèè aŋ nɔ̀ŋ, wɔŋ fùɔ̀ŋ ko àìjɛnɛ̀ŋ. Esaɓùɛ lɛɛ̀ wo Dayà gò nyɛ̀nɛ̀ŋ sàngè wèè auŋ nyààŋ wò Dayà nyiŋ nɔɔ̀ŋ, esaɓù kɛ̀ wò wa naàŋ nyɛ̀lɛ̀ e jawa gbee weè nyiŋ.

Hiɓu 8:10

Wo Kanaà Dayà naŋ ɓɛìŋ woò wààŋ, “Tɛɛ̀ nàŋ yaà e ɗààhìì e mìèsùàguùŋ nɛ mìŋ do nàŋ banè lɛ wèè anyùùŋ nyaŋ ko Ezɔ̀ɛ̀, maŋ ɗɔɔ màŋ yaà hinie màŋ, mìŋ do nàŋ sìè maŋ sàwàim màŋ maŋ gòngo nyiŋ màŋ sùà e kìlà ka miŋ sìngà maŋ jii komaŋ nyiŋ màŋ diɛŋ. Mìŋ do nàŋ nɔ̀ŋ wo Dayà nyiŋ nɔɔ̀ŋ, e kìlà àŋ do nàŋ nɔ̀ŋ anyunùum nyàŋ.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 21:3

Mìŋ naŋ kòmò ke mìè kpàaŋ e yìwìà koɓɛ̀ ke kpùà kanaà kè naŋ woò wààŋ, “Ke vààyà Dayàa do nàŋ nɔ̀ŋ koɓɛ̀ anyunùuŋ nyàŋ! Wò do nàŋ nɔ̀ŋ ko nɛ̀ɛ̀ŋ nyiŋ niìŋ, yèè àŋ do nàŋ nɔ̀ŋ anyunùuŋ nyàŋ. Wo Dayà wuŋ bi do nyiŋ nàŋ nɔ̀ŋ e tɛɛ, yèè wuŋ nàŋ do nàŋ nɔ̀ŋ wo Dayà nyiŋ nɔɔ̀ŋ.

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.