Jɔ̀ɔŋ 20:16 - WƆŊ FƐ̀Ì EBÒ SÌÀŊ DAYÀA

¹⁶ Yèè wo Jisɛ̀ nauŋ woò wààŋ, “Mèèle!” Wo Mèèle naŋ kìlè ko nɛ̀ɛ̀uŋ niìŋ yèè wò naŋ woò e Hiɓulù mieɛ̀ sùà wààŋ, “Làbonìŋ!” E fàsàì tɛɛ̀ nàŋ yaà, “Kààmɔɔŋ!”

Jɔ̀ɔŋ 20:16 ပူးပေါင်းရင်းမြစ်များ

Maafiù 14:27

Wo Jisɛ̀ naŋ nyiŋ gbòò e kɔɔ fiò wààŋ, “Kɛ̀ɛ̀nɛìŋ maŋ jii nyingè! Miàŋ wo, e jùù ɓɔ̀ nyɛ̀nɛ̀iŋ!”

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Jɔ̀ɔŋ 1:38

Nààŋ wo Jisɛ̀ naŋ kìlè yèè wò naŋ nyiŋ yɛmɛ̀ àŋ kùwaùŋ maŋjɛ̀wɛ, wò naŋ nyiŋ dawè wààŋ, “Kiìŋ nìŋ yaà kaame?” Àŋ nauŋ fasàì nyààŋ, “Kààmɔɔŋ, kòò mùŋ joà?”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 10:3

Wo nyùnɔ̀ɔŋ jaà wɔŋ gbàngiɔ̀ feìŋ wɔ, yilà wɔŋ gbàngiɔ̀ wèè wo nyuùŋ tùnìàŋ aŋ ɓaawaa nyàŋ wo jɔ̀à koɓɛ̀i aŋ ɓaawaa nyàŋ joà lɛ. Aŋ ɓaawaa nyàŋ nyìmàŋ ke mièuŋ nɛɛ̀ŋ tɛ̀ɛ̀. Wò nyaaŋ aŋ gbiŋ maŋ dèè guùŋ guùŋ yèè wò koà nyiìŋ wèè aŋ gbìlà maŋ tàta màŋ sùà.

Jɔ̀ɔŋ 11:28

Nààŋ wo Mààta naŋ tɛɛ̀ woò, wò naŋ kɔ̀ yèè wò naŋ nyààŋ wo nanàŋ jɔ̀àuŋ nɔɔ̀ŋ Mèèle mɔ̀ɔ̀ŋ, yèè wò nauŋ woò wààŋ, “Wo Kààmɔɔŋ kòò wò yaà kià, yèè wò yaà dààwè kiium.”

Jɔ̀ɔŋ 13:13

Yèè wo Jisɛ̀ naŋ nyiŋ ɓɛìŋ woò wààŋ, “Nìŋ nyààìm wò Kààmɔɔŋ yèè wo Kana, e tɔɔɓaaà lii, esaɓù kɛ̀ mìŋ yaà wo Kààmɔɔŋ yèè wo Kana.

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 5:2

Ko jawa gbeeì ko Jùlusɛ̀làm, ko pàtà yaào wa ko yèi kuwa wa e wùìyè. Anyùùŋ guuyà wa e wùìyè bi sùà e gbɛ̀ɛ̀ wɔŋ gbàngì aŋ ɓaawaa nyàŋ, yèè koɓɛ̀ bi kuwa wa maŋ tàamàŋ jɛ̀i e ɗì nɔɔnɔŋ. E dèè koɓɛ̀ bi e Hiɓulù mieɛ̀ sùà nàŋ yaà wa ko Bɛ̀zatà.

Jɔ̀ɔŋ 6:25

Anyùùŋ nyaŋ naŋ mɛ̀ɛ̀ŋ wo Jisɛ̀ wɔŋ juwoɔ̀ wɔŋ fàa bàa, yèè àŋ nauŋ dawè nyààŋ, “Kààmɔɔŋ, kiìŋ e teenga mùŋ naŋ kià hnè?”

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 9:4

Wò naŋ sɔ̀ɔ̀ ko dììnaŋ yèè wò naŋ kòmò ke mìè nyùùŋ kè nauŋ woò wààŋ, “Sɔɔ̀, Sɔɔ̀, wèè kiìŋ mùŋ yààìm nìmila sùà?”