Jɔ̀ɔŋ 20:1 - WƆŊ FƐ̀Ì EBÒ SÌÀŊ DAYÀA

¹ Ke ɗɔɔ jiɛ̀jiɛ̀ɛ ke wikìɛ sùà maŋ nyiìŋ tɛ̀tɛ̀ e tèèngà wɔŋ fòìnìlì, wo Mèèle e yìwìà ko jawaì àŋ nyaaŋ Màŋdalà, naŋ tɔ̀ɔ̀tù kà koɓɛ̀ ke hùaàŋ. Kɛɛ nààŋ wò nao wa gbɛ̀ɛ̀, wò nàŋ gè fɛ̀ɛ̀ dìì, yèè wò naŋ yɛmɛ̀ kɛ̀ ke duò gbeeɛ̀ àŋ naŋ wa ɓùwìè ke hùaàŋ yɛ, kè yaà dùlo nyiŋ fàà guùŋ e yìwìà ke hùaàŋ yɛmgbɛ̀.

Jɔ̀ɔŋ 20:1 ပူးပေါင်းရင်းမြစ်များ

Maafiù 27:56

Aŋ jɔùŋ bi tɛɛ wo Mèèle e yìwìà ko jawaì àŋ nyaaŋ Màŋdalà, wo Mèèle wo nààŋ Jìiiɔ̀ŋ yèè wo Jòòsɛ, yaà wo nààŋ aŋ jɔ̀àfèlàà Zɛɓɛdiì nyaŋ yaào wa.

Maafiù 27:60

yèè wò naiŋ hèè ke dùòɛ sùà ke yèɛ àŋ naŋ tòmò sùà wèè ke nɔ̀ŋ ke hùaàŋ wèè wuŋ bi lɛ̀. Kpeiŋ wò naŋ ngèèngèè wɔŋ duò fàà gbee ke hùaàŋ nyɛmgbɛ̀ yèè wò naŋ kɔ̀.

Maafiù 27:64

Weètii, gè wi nyààŋ diɛŋ wèè e yɛmɛ̀ ke hùauŋ nɛɛ̀ŋ diɛŋ e jeesùà e gɔ̀ɛ̀ɛ̀ taaà e mààŋ, wèè kɛ̀ anyùùŋ màŋjɛ̀wɛ̀uŋ nyàŋ go nàŋ hnè aŋ wùà e dieuŋ nɛ̀, kpeiŋ aŋ wòò anyùùŋ nyaŋ nyààŋ wò yèwà e fàa dìì. E tòaà e yè tɛɛ̀ do ngèè nàŋ dɛ̀ɛ̀ sùà e nìàŋ e jiɛ̀jiɛ̀ɛ.”

Maafiù 27:66

Kpeiŋ àŋ naŋ kɔ̀ aŋ jìà ke hùaàŋ kùàŋ fee nyiŋ, wèè kɛ̀ sèè wo nyùùŋ mɛnlɛ̀ɛ̀ŋ nyiìŋ aŋ nyìmàŋ, yèè àŋ nao jòò aŋ kààlòòɗùà wèè aŋ tuniàŋ nyiŋ.

Maafiù 28:1

Nààŋ ke Ɗɔ̀ɔ̀ Zòòlò aŋ Juùù nyaŋ naŋ mààŋ, ke ɗɔɔ jiɛ̀jiɛ̀ɛ ke wikìɛ sùà ebɛ̀ŋ wɔŋ niìsìaà maŋ nyiìŋ tɛ̀tɛ̀, wo Mèèle e yìwìà ko jawaì àŋ nyaaŋ Màŋdalà yèè wo Mèèleɔ̀ bàa naŋ kɔ̀ koɓɛ̀ ke hùaàŋ wèè aŋ yɛmɛ̀o.

Maafiù 28:2

E bìao sùà e dììɛ naŋ kìlè. Yèè wo màìkà Kanaà Dayà naŋ dèyè e yìwìà ko àìjɛnɛ̀ŋ wò naŋ dùlò ke dùòɛ wo nyiŋ gè ke hùaàŋ yɛmgbɛ̀ yèè wò naŋ nyiŋ jɛ̀ì diɛŋ.

Jɔ̀ɔŋ 11:38

Ke nyowo gbee yɛɛ̀ kòò kè yaà wa nɔŋ wo Jisɛ̀ ke jiio sùà. Kpeiŋ wò naŋ kɔ̀ koɓɛ̀ ke hùaàŋ ke yèɛ kè yaà wa ke duò gbee àŋ naŋ tòmò sùà yɛ, yèè àŋ naŋ nyiŋ ɓùwìè wɔŋ duò tàà gbee ko yɛmgbɛ̀.

Jɔ̀ɔŋ 11:41

Yèè anyùùŋ nyaŋ nao gè wɔŋ duò fààa. Yèè wo Jisɛ̀ naŋ yɛ̀mɛ̀ e tèèngà ko àìjɛnɛ̀ŋ wò naŋ woò wààŋ, “Dèda, mìŋ naum gè esɛ̀ wèè mùŋ naŋ jàà e zòòlo mɛ̀ kùàŋ dìì lɛ.

Jɔ̀ɔŋ 19:25

Aŋ jɔ̀ùŋ nyùùŋ tiinàŋ sia wa e gbɛ̀ɛ̀ wɔŋ vànèkpàà Jisɛ̀ɔ kɔɔ. Aŋ jɔùŋ bi nàŋ yaà wa wo nààŋ Jisɛ̀ɔ yaà wo jeuŋ wo nanàaŋ, wo Mèèle wo jawè Kulopàa, yèè wo Mèèle e yìwìà ko jawaì àŋ nyaaŋ Màŋdalà lɛ.

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Nyɛ̀nɛ̀ŋ 20:7

Ke ɗɔ̀ɔ̀ jiɛ̀jiɛ̀ɛ ke wikìɛ sùà e koya, è naiŋ wa gbonò wèè eiŋ jììyà e nɛ̀ŋje koɓɛ̀ guùŋ. Yèè nààŋ wo Pɔɔ̀ naŋ wa ɗewè wèè wo nyiŋ jòà wo ka wɔŋ niìsìaà bàa, wò naŋ nɔ̀ɔ̀ŋ gbùùyè ko nɛ̀ɛ̀ŋ nyiŋ niìŋ e jèèsùà wɔŋ dùmɔ̀ɔŋ hàì tɛɛ.

1 Kɔliìŋ 16:2

Ke ɗɔɔ jiɛ̀jiɛ̀ɛ ke wikì gbiŋ sùà, nyùùŋ gbiŋ maŋ hàà e nɛɛnɛŋ bà e ɓula, e yìwìà e yèɛ gbiŋ mùŋ naŋ yɛmɛ̀ lɛ sùà, wèè niŋ go nàŋ nyɛ̀nɛ̀ŋ màŋ kuàŋ gbònògbono kè ɗɔɔɛ̀ mìŋ hnàŋ lɛ diɛŋ.

Maŋ kèì nyɛɛnɛŋ 1:10

Ke ɗɔ̀ɔ̀ Dayà zòòloɛ̀ diɛŋ, wo Jìnàŋ Kanaà Dayà naim wa dèyè diɛŋ, yèè mìŋ naŋ kòmò ke mìè gbòa ko jɛ̀wɛ̀ miìŋ mààŋ e pòtanàŋ àŋ yaà fuunyɛŋ.