Jɔ̀ɔŋ 2:6 - WƆŊ FƐ̀Ì EBÒ SÌÀŊ DAYÀA

⁶ Maŋ dìsàìŋ gbèègbèè nɔɔnɔŋ dièguùŋ, maŋ yè maŋ àŋ naŋ wa bàànè le dùò lɛ, maŋ yaào wa e kèè wɔŋ ɗaa gèeɔ̀ sùà wèè e wuiyè sìa. E sàìŋ guùŋ gbiŋ hewa ɓèmè e fèèmàŋ e wuiyè tiìŋ kpɛ̀ɛ̀ùŋ yaà tiìŋ kpɛ̀ɛ̀ùŋ jɛ̀wɛ̀ zììyà. Aŋ Juùù nyaŋ kuwa maŋ langi wèè aŋ gùà nyiŋ bi wèè aŋ nɔ̀ŋ zɛ̀nɛŋ nyiŋ paŋgàà aŋ zòòlò Dayà, esaɓùɛ lii àŋ naŋ wa sìè e wùìyèɛ maŋ dìsàiŋ miiŋ sùà.

Jɔ̀ɔŋ 2:6 ပူးပေါင်းရင်းမြစ်များ

Luù 16:6

Wo nyùnɔ̀ɔŋ nauŋ woò wààŋ, ‘Mìŋ kùwaùŋ e kpàŋ e bù tiìŋ hɔ̀nɔ̀ɔ̀ guùŋ (100).’ Yèè wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ nauŋ woò wààŋ, ‘Ɓèmè wɔŋ fɛ̀ì kpàŋ mɔɔ̀ŋ muŋ sìngào e kpàŋ bù tiìŋ kpɛ̀ɛ̀ùŋ tìyèe jɛ̀wɛ̀ zììyà (50) fiò.’

Jɔ̀ɔŋ 2:7

Yèè wo Jisɛ̀ naŋ nyiŋ woò wààŋ, “Hìaìŋ e wùìyè niŋ diiyà maŋ dìsàiŋ màŋ vàùŋ.” Yèè aŋ naŋ miŋ diiyè vàuŋ.

Jɔ̀ɔŋ 3:25

Anyùùŋ màŋjɛ̀wɛ̀ Jɔ̀ɔŋ nyàŋ yaà aŋ Juùù nyaŋ bà nyiŋ naŋ wa kpàànè kpàànè e fèemàŋ e nyaàiŋ dè e ɗewe kiiɛ̀ àŋ guo nyiŋ bi lɛ̀ e làngì zòòlo nyiŋ nɛ̀ sùà wèè aŋ nɔ̀ŋ anyuùŋ zɛ̀nɛŋ.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 6:2

Ɓɔ̀ è kaàiŋ nɔŋ è ɗèwè ànyuùŋ gùa, yaà è làngì anyuùŋ gbùwà màŋ kùàŋ wèè eiŋ nyiŋ zòòlò diɛŋ. E kìlà, ɓɔ̀ è kaàiŋ ɓɛìŋ nɔŋ è kèè è tɔ̀ɔ̀nyaàaŋ kɛ̀, anyùùŋ nyaŋ do nàŋ yèwè e fàaà dìì wɔŋ nyiiŋ gèeo sùà. E kàa wilɛ̀ ɓɔ̀ è nɔ̀ŋ ɓɛìŋ nɔŋ wèè è ɗeweɛ̀ wo Dayà do nàŋ gbàì anyùùŋ lɛ, yèè e ɗeweɛ̀ e kitiuŋ nɛ̀ doo nàŋ jeè e kìlà wo nìmìlà anyùùŋ wèè julɔfɔ lɛ̀.

Hiɓu 9:10

Maŋ sàwà mɛɛ̀ŋ yaà nɔŋ wèè e kèè manɛ̀ŋ je yaà manɛ̀ŋ tìa, e kpùlìà maŋ langi màŋ e nyaàiŋ dè e ɗeweɛ̀ è guo yàwi bi lɛ̀, yaà maŋ langi e nyaàiŋ dè maŋ kpùnaŋ wi màŋ, e yèɛ yaà nɔŋ wèè e teenga kpuu e jèèsùà wo Dayà tɔ̀ɔ̀ e keì jɛ̀ì.

Hiɓu 9:19

Wo Mòòze naŋ wa wòò anyùùŋ nyaŋ gbiŋ e yèɛ gbiŋ wo Dayà naŋ wa woò wèè aŋ nyɛ̀nɛ̀ŋ nààŋ è yaà sìnga niŋ maŋ Sàwà Dayà maŋ sùà lɛ. Wò naŋ ɓèmè maŋ sɛ̀ìŋ aŋ dìi wowo yaà maŋ sɛ̀ìŋ aŋ diì wowo, wo miŋ kàànè e wùìyè, yèè wò naŋ ɓèmè wɔŋ deè wɛ̀ìŋ, wo wuŋ dìkìà ke kùù bà àŋ nyaaŋ hasò, yèè wò naŋ wuŋ hɔ̀ɔ̀ maŋ sɛìŋ kàànè wùìyèɛ sùà, yèè wò naŋ miŋ vààì wɔŋ fɛ̀ì maŋ Sàwà Dayàa, yaà anyùùŋ nyaŋ gbiŋ diɛŋ.