Jɔ̀ɔŋ 2:4 - WƆŊ FƐ̀Ì EBÒ SÌÀŊ DAYÀA

⁴ Wo Jisɛ̀ naŋ fàsàì wo nààŋ wààŋ, “Yèye, kiìŋ tɛɛ̀ kuwa e wi nyiniàŋ! E teenga mɛ̀ kòò è hàì wèè ka nyɛ̀nɛ̀ŋ è keì.”

Jɔ̀ɔŋ 2:4 ပူးပေါင်းရင်းမြစ်များ

Maafiù 15:28

Yèè wo Jisɛ̀ nauŋ woò wààŋ, “Nìe wɛɛ̀, mùŋ yaà wo nyuùŋ kɛ̀ɛ̀nɛ̀ŋ e hààwe gbee, weètii e yèɛ mùŋ manaŋ lɛ̀ è do nàŋ hɛɛnɛ̀ŋ weèum.” E tèèngà guùŋ bi sùà nɔŋ, wo jɔ̀àjɔ̀ùŋ nìeɔ̀ naŋ wa jòèyè.

Maafiù 8:29

Ko fɛɛ̀feìŋ aŋ felaa nyàŋ naŋ kpààŋ sɛiiŋ nyààŋ, “Jɔ̀àfèlàà Dayàa! Kiìŋ mùŋ manaŋ maŋ wi nyiniàŋ? Mùŋ naŋ hnè wèè maŋ wi nimilà paŋgàà e teenga wilɛ̀ è haì?”

Luù 2:49

Wo Jisɛ̀ naŋ nyiŋ fasàì wààŋ, “Wèè kiìŋ nìŋ yààìm kaame? Niŋ nyimààŋ kɛ̀ mìŋ kuwa ka nɔ̀ŋ kò sààŋ Dèda miɔ̀ŋ?”

Jɔ̀ɔŋ 12:23

Wo Jisɛ̀ naŋ nyiŋ woò wààŋ, “E teengaà è naàŋ haì wèè wo Dayà jòòwò miàim wò Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 13:1

È naŋ wa naàŋ jòò ke ɗɔ̀ɔ̀ guùŋ paŋgàà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì. Wo Jisɛ̀ wa nyìmàŋ kɛ̀ e teengaà wa naàŋ haì wèè wo jòà e ɗuunyaŋ lɛɛ̀ wèè wo kɛ̀ɛ̀ ko àìjɛnɛ̀ŋ koɓɛ̀ wo Dèdauŋ nɔɔ̀ŋ. Wò naŋ wa tɔ̀ɔ̀ e mànaŋ koɓɛ̀ anyùùŋ màŋjɛ̀wɛ̀uŋ nyàŋ e ɗuunyaŋ lɛɛ̀, yèè wò naŋ nyiŋ wa tɔ̀ɔ̀ e mànaŋ bi paŋgàà wò jòà wa e ɗuunyaàŋ.

Jɔ̀ɔŋ 2:3

Nààŋ maŋ tala muaŋ màŋ wɔŋ ɗaa gèeɔ̀ sùà naŋ wa jùò, wo nààŋ Jisɛ̀ɔ Mèèle naŋ wòò wo Jisɛ̀ wààŋ, “Maŋ tala muaŋ nyiŋ màŋ jùà.”

Jɔ̀ɔŋ 20:13

Kpeiŋ aŋ màikà nyaŋ naŋ dàwè wo Mèèle nyààŋ, “Nìe wɛɛ̀, wèè kiìŋ mùŋ yaà gulie?” Yèè wo Mèèle naŋ fasàì wààŋ, “Anyùùŋ nyaŋ àŋ kià gè e fà wo Kana miɔ̀ŋ, yèè miŋ nyimààŋ kɛ̀ kòò àŋ nauŋ heè.”

Jɔ̀ɔŋ 20:15

Yèè wo Jisɛ̀ nauŋ dawè wààŋ, “Nìe wɛɛ̀, wèè kiìŋ mùŋ yaà gulie? Ɓòò mùŋ yaà kaame?” Wo Mèèle naŋ wa gongò kɛ̀ wo nyùnɔ̀ɔŋ kanaŋ wa ko kpòkpòi wɔ̀ wo, yèè wò nauŋ woò wààŋ, “Dàa, sèè mààŋ màŋ kià gè e fà wo Kana miɔ̀ŋ, kɔ̀nɛɛ̀ŋ tɔ̀ɔ̀im kɛ̀ kòò mùŋ nauŋ heè, wèè kɛ̀ miŋ ka miŋ gòuŋ noo.”

Jɔ̀ɔŋ 7:30

Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 7:6

Wo Jisɛ̀ naŋ nyiŋ fasàì wààŋ, “Ke ɗɔ̀ɔ̀ kàa miɛ̀ŋ kòò kè hàì. Kɛɛ e teenga gbiŋ è yaà tɛ̀ɛ̀ e weèiŋ.

Jɔ̀ɔŋ 7:8

Nyɛ̀iŋ kɔ̀àaìŋ wɔŋ ɗaaà diɛŋ. Miŋ fè kɔ̀ɔ̀yɛ̀ wɔ̀ŋ ɗaa wɛɛ̀ŋ diɛŋ, esaɓù kɛ̀ ke ɗɔ̀ɔ̀ kàa miɛ̀ŋ kòò kè hàì.”

Jɔ̀ɔŋ 8:20

Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.

2 Kɔliìŋ 5:16

Wèètii julɔfɔ ɓɔ̀ è gbaaì ɓɛìŋ wò nyùùŋ gbiŋ è jiikɛ̀ɛɛ̀ màŋ kèìŋ maŋ kuwa lɛ̀. Jòòpɛɛ e teenga bà sùà è naiŋ gbààì wo Jisɛ̀ Kulaì e jììkɛ̀ɛ̀ maŋ kèìŋ maŋ sùà, kɛɛ e fèiŋ yɛi ɓɛìŋ nyɛ̀nɛ̀ŋ.