Jɔ̀ɔŋ 2:2 - WƆŊ FƐ̀Ì EBÒ SÌÀŊ DAYÀA

² Anyùùŋ nyaŋ naŋ wa nyààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nyiŋ pɛɛ ko gbììnyɛ̀ŋ ke yɛ̀ɛ̀ɛ.

Jɔ̀ɔŋ 2:2 ပူးပေါင်းရင်းမြစ်များ

Maafiù 12:19

Wo naàŋ gè màŋhɛɛ ɔ̀ɔ̀ wo kpààŋ, ɔ̀ɔ̀ wo nyùùŋ gbiŋ naàŋ kòmò kè mìè gbòauŋ nɛɛ̀ŋ màŋ dòmaŋ màŋ diɛŋ.

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 25:45

Miàim Kanaà mìŋ do nàŋ fasaì mìàŋ, ‘Miŋ woòiŋ e tɔɔɓaaà, sèè nìŋ naŋ wa gè maŋhɛɛ wèè naŋ niŋ nyɛ̀nɛ̀ŋ wèè wo wùìyaà bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ nìŋ naŋ wa gè maŋhɛɛ wèè naŋ niŋ nyɛ̀nɛ̀ŋ e weèim.’

Jɔ̀ɔŋ 2:12

Eɓìèmàŋjɛ̀wɛ̀ maŋ keì mɛɛ̀ŋ, wo Jisɛ̀ e hààwè wo nààŋ, aŋ wùìyauŋ nyàŋ, yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm. Àŋ nao wa nɔ̀ŋ wèè maŋ ɗɔɔ kpàa bà.

Jɔ̀ɔŋ 2:17

Anyùùŋ màŋjɛ̀wɛ̀uŋ nyàŋ naŋ kɛ̀ɛ̀nɛ̀ŋ ke jii jàa kɛ̀ è yaà sìnga niŋ wɔŋ fɛ̀ì Dayàa sùà e kìlà è naŋ woò wààŋ, “Oo Dayà, e mànaŋ mɛ̀ wèè ke Saaŋ Zòòlo mɔɛ̀ŋ sùɔ̀ìm ke jiio sùà zimgbe mààŋ e hmɔɔ̀ŋ kùwa.”

Jɔ̀ɔŋ 2:22

Kpeiŋ nààŋ wo Dayà nauŋ wa gè e fàaà dìì wɔŋ gèeo sùà, anyùùŋ màŋjɛ̀wɛ̀uŋ nyàŋ naŋ ngàà kɛ̀ɛ̀nɛ̀ŋ jii jàa wèè e yèɛ wò naŋ nyiŋ wa woò lɛ. Àŋ naŋ hààwè e yèɛ wɔŋ fɛ̀ì Dayàa naŋ woò lɛ yaà e yèɛ wo Jisɛ̀ naŋ nyiŋ wa woò lɛ.

Jɔ̀ɔŋ 2:3

Nààŋ maŋ tala muaŋ màŋ wɔŋ ɗaa gèeɔ̀ sùà naŋ wa jùò, wo nààŋ Jisɛ̀ɔ Mèèle naŋ wòò wo Jisɛ̀ wààŋ, “Maŋ tala muaŋ nyiŋ màŋ jùà.”

Jɔ̀ɔŋ 3:22

Eɓìèmàŋjɛ̀wɛ̀ tɛɛ̀, wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ wɔŋ fùɔ̀ŋ Jùdiàa sùà. Yaà nyiŋ naŋ nɔ̀ŋ koɓɛ̀ anyùùŋ Jùdià nyaŋ wèè e teenga bà, e kìlà e tèèngà guùŋ bi wò yaào gùùyè anyùùŋ.

Jɔ̀ɔŋ 4:2

Kɛɛ e tɔɔɓaà nàŋ yaà kɛ̀, anyùùŋ màŋjɛ̀wɛ̀ Jisɛ̀ nyàŋ nàŋ yaà wa gùùyè anyùùŋ nyaŋ. Wo Jisɛ̀ wuŋ bi gò wa gùà wò nyùùŋ gbiŋ.

Jɔ̀ɔŋ 4:33

Anyùùŋ màŋjɛ̀wɛ̀uŋ nyàŋ naŋ tɛɛ̀ tɔ̀ɔ̀tù wòòwoo nyiŋ bi e fèemàŋ nyààŋ, “Ɓàà è ɓɛ̀nɛ̀ŋ nɔ̀ŋ tɔ̀ɔ̀nyaàŋ kɛ̀ wo nyùùŋ bà wòuŋ hìàŋ e nɛ̀ŋje?”

Jɔ̀ɔŋ 4:8

Tɛɛ̀ zà naŋ wa kaaìŋ e teengaà anyùùŋ màŋjɛ̀wɛ̀ Jisɛ̀ nyaŋ nauŋ wa jòò jɛ̀wɛ̀ yèè àŋ naŋ kɔ̀ ko jawaì ko dìnìè e nɛ̀ŋje.

Jɔ̀ɔŋ 6:12

Nààŋ anyùùŋ nyaŋ naŋ wa gbìlè yèè àŋ naŋ diè, wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Gbònògbonòìŋ e nɛ̀ŋje gbànaàŋ naŋ joo lɛ̀ wèè e go nàŋ pɔɔ̀.”

Jɔ̀ɔŋ 6:16

Ebɛ̀ŋ wɔŋ duùmfeìŋ wiiŋ, anyùùŋ màŋjɛ̀wɛ̀ Jisɛ̀ nyaŋ naŋ dèyè wɔŋ juwoɔ̀ kɔɔ.

Jɔ̀ɔŋ 6:60

Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 6:66

Esàɓù maŋ keì mɛɛ̀ŋ wo Jisɛ̀ naŋ nyiŋ yaà wa woò maŋ, anyùùŋ màŋjɛ̀wɛ̀uŋ nyàŋ zimgbe nyiŋ naŋ kɛ̀ɛ̀ maŋjɛ̀wɛ yèè àŋ nauŋ hɔ̀ànè maŋjɛ̀wɛ de wèè aŋ kà ko nɛ̀nɛ̀ŋ gbiŋ ɓɛìŋ.

Jɔ̀ɔŋ 6:67

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ wààŋ, “Nyɛ̀iŋ pɛɛ nìŋ manaŋ naŋ ka?”

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Jɔ̀ɔŋ 6:71

Wò yaà wa wòò e kèè wo Juɗà, wo jɔ̀àfèlàà Saimɔŋ Àkaaliɔ̀ɔ. Wo Jisɛ̀ wààŋ kɛ̀ wo Juɗà nàŋ douŋ wa nàŋ maàŋ, jòòpɛɛ wò yaà wa àŋ zììyà jɛ̀wɛ̀ tìyèe nyàŋ bà guùŋ.

Jɔ̀ɔŋ 6:8

Wo Anɗù, wo wùìyà Saimɔŋ Piilɛ̀ɔ wo yèɔ yaà wa wo nyùùŋ màŋjɛ̀wɛ̀ Jisɛ̀ɔ bà guùŋ wɔ naŋ woò wààŋ,

Jɔ̀ɔŋ 7:3

Kpeiŋ aŋ wùìyà Jisɛ̀ nyaŋ nauŋ woò nyààŋ, “Yewà wɔŋ fuɔŋ wɛɛ̀ŋ muŋ ka ko Jùdià, wèè kɛ̀ anyùùŋ màŋjɛ̀wɛ̀um nyàŋ aŋ yɛmɛ̀ ke nyɛ̀nɛŋ mɔɛ̀ŋ.

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 7:39

Wo jɔ̀ùŋ felaaà wo fè nyaàŋ gè diɛuŋ wèè felaa joo è teengaà wò faiŋ yaà fuɔŋ lɛ̀, kɛɛ sèè wo fà, kɛ̀ wò nɔ̀ŋ nyaàŋ gè diɛuŋ wèè wo ɓèmè wo felaa gbiŋ wo yèɔ yaà wɔŋ nyiiŋ gèeɔ̀ sùà wò manaŋ wɔ̀. Kɛɛ sɔɔ̀ wo faiŋ nɔ̀ŋ wo nyuùŋ hààwe wo kanaà sùà.

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

Maŋ kèì nyɛɛnɛŋ 3:20

Kòmaìŋ tɛɛ̀! Mìŋ sià wɔŋ gbemgbeeɔ̀ feìŋ yèè ka wuŋ kpùlà. Sèè wo nyùùŋ gbiŋ komo ke miè miɛ̀ŋ e kìlà wo yìlè wɔŋ gbemgbeeɔ̀, mìŋ do nàŋ jɔ̀ ko saaŋ nyiŋ niìŋ yèè yàwi nyiŋ doiŋ nàŋ jììyè e nɛ̀ŋje koɓɛ̀ guùŋ.