Jɔ̀ɔŋ 2:18 - WƆŊ FƐ̀Ì EBÒ SÌÀŊ DAYÀA

¹⁸ Kpeiŋ wèè esàɓù e nɛ̀ɛŋ wo Jisɛ̀ naŋ nyɛ̀nɛ̀ŋ lɛ, aŋ ɓɛ̀màŋɗì aŋ Juùù nyaŋ naŋ kɛɛ̀ yèè àŋ nauŋ gbìɛ̀ŋ wɔŋ mààŋdàwè nyààŋ, “Kiìŋ è tɔ̀ɔ̀màŋsèì keì mùŋ naŋ wi ɓɛ̀nɛ̀ŋ tɔ̀ɔ wèè tɛɛ̀ mùŋ naŋ yaà nyɛ̀nɛ̀ŋ lɛ?”

Jɔ̀ɔŋ 2:18 ပူးပေါင်းရင်းမြစ်များ

Maafiù 21:23

Wo Jisɛ̀ naŋ wa kɛ̀ɛ̀ ko Saaŋ Zòòlò Dayài, yèè aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Luù 11:29

Nààŋ anyùùŋ nyaŋ yaà wa gàŋ sùà wo Jisɛ̀ kɔɔ, wò naŋ nyiŋ tɔ̀ɔ̀tù woò wààŋ, “Anyùùŋ nyaŋ e ɗuunyaŋ lɛɛ̀ àŋ yaà anyùùŋ maŋ jùumù. Àŋ yaà daawè wèè tɔ̀ɔ̀màŋsèì e kèè mèè, kɛɛ miŋ naàŋ nyiŋ tɔ̀ɔ̀ è tɔ̀ɔ̀màŋsèì è kèè mèè gbiŋ. Sɔɔ̀ nɔŋ e tɔ̀ɔ̀màŋsèì e kèè mèè Joonàaŋ.

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 1:25

Kpeiŋ aŋ kèèlà aŋ Fɛlosiì nyaŋ naŋ dàwè wo Jɔ̀ɔŋ nyààŋ, “Kɛ̀ wèè kiìŋ mùŋ yaà gùa sùà anyùùŋ, sèè muàŋ mùŋ go nɔ̀ŋ wo Yèɔ wo Dayà naŋ tàeɗùù wɔ, ɔ̀ɔ̀ wo Ìlaajà, ɔ̀ɔ̀ wo Wɛ̀ijìɔ?”

Jɔ̀ɔŋ 6:30

Anyùùŋ nyaŋ naŋ fasàì nyààŋ, “Kiìŋ è tɔ̀ɔ̀màŋsèì keì mùŋ do nàŋ tɔɔ̀ wèè e nyɛ̀nɛ̀ŋ e hààwè e yèɛ mùŋ woà lɛ? Kiìŋ è tòmo mùŋ do nàŋ nyɛ̀nɛ̀ŋ?

Nyɛ̀nɛ̀ŋ 4:7

Àŋ naŋ hìɛ̀ŋ wo Pììlɛ yaà wo Jɔ̀ɔŋ ko fɛɛ̀feìŋ yèè àŋ naŋ nyiŋ dawè nyààŋ, “Diè nìŋ naŋ nyɛ̀nɛ̀ŋ e keì lɛɛ̀ naŋ kaaìŋ? Kiìŋ è gààŋ ɔ̀ɔ̀ dèè ɓòò diɛŋ le?”

Nyɛ̀nɛ̀ŋ 5:28

“È naiŋ naàà kɛ̀ ɓɔ̀ nìŋ kaà ànyùùŋ nyaŋ è dèè Kanaà Jisɛ̀ɛ diɛŋ. Yɛ̀mɛìŋ naàŋ e ɗeweɛ̀ nìŋ naŋ yɛi ɓààyè e kàaiŋ nɛ̀ koɓɛ̀ anyùùŋ nyaŋ gbiŋ ko Jùlusɛ̀làm, yèè nìŋ manaŋ naŋ woò kɛ̀ yàwi nauŋ jìwè.”