Jɔ̀ɔŋ 2:13 - WƆŊ FƐ̀Ì EBÒ SÌÀŊ DAYÀA

¹³ È naŋ wa naàŋ jòò e teenga kpuu wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wèè aŋ Juùù nyaŋ wɔŋ haì, kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko Jùlusɛ̀làm.

Jɔ̀ɔŋ 2:13 ပူးပေါင်းရင်းမြစ်များ

Maafiù 21:12

Wò Jisɛ̀ naŋ kɔ̀ ko jɔ̀ɔ̀lègbèè ko Saaŋ Zòòlò Dayài yèè wò naŋ nyìmè anyuùŋ mààŋ bòli nyàŋ yaà anyuùŋ dènàŋ bòli nyàŋ ke saàŋ dìì. Wò naŋ gɔ̀àì maŋ gbɛ̀gbɛ̀ anyuùŋ vɔ̀ɔ̀nɔ̀ŋ nɛɛnɛŋ nyàŋ e kpùlìà maŋ jɛ̀ì anyuùŋ mààŋ poopoò nyaŋ.

Luù 19:45

Kpeiŋ wò Jisɛ̀ naŋ kɔ̀ ko Saaŋ Zòòlò Dayài yèè wò naŋ tɔ̀ɔ̀tù nyìmàŋ anyuùŋ mààŋ bòli nyàŋ yaà anyuùŋ dènàŋ bòli nyàŋ ke saàŋ dìì.

Luù 2:41

Wɔŋ doa gbiŋ anyùùŋ kòmàŋ Jisɛ̀ nyaŋ hewa kà ko Jùlusɛ̀làm wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 11:55

È naŋ wa naàŋ jòò maŋ ɗɔɔ kpàa wèè aŋ Juùù nyaŋ aŋ gè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ. Anyuùŋ zimgbe naŋ wa yèwè maŋ tiwi jawa màŋ sùà yèè àŋ naŋ hnè ko Jùlusɛ̀làm wèè aŋ banebànè nyiŋ bi e làngì zòòlo nyiŋ nɛ̀ sùà wèè aŋ nɔ̀ŋ zɛ̀nɛŋ nyiŋ paŋgàà wɔŋ ɗaaà wɔ̀ŋ haì.

Jɔ̀ɔŋ 13:1

È naŋ wa naàŋ jòò ke ɗɔ̀ɔ̀ guùŋ paŋgàà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì. Wo Jisɛ̀ wa nyìmàŋ kɛ̀ e teengaà wa naàŋ haì wèè wo jòà e ɗuunyaŋ lɛɛ̀ wèè wo kɛ̀ɛ̀ ko àìjɛnɛ̀ŋ koɓɛ̀ wo Dèdauŋ nɔɔ̀ŋ. Wò naŋ wa tɔ̀ɔ̀ e mànaŋ koɓɛ̀ anyùùŋ màŋjɛ̀wɛ̀uŋ nyàŋ e ɗuunyaŋ lɛɛ̀, yèè wò naŋ nyiŋ wa tɔ̀ɔ̀ e mànaŋ bi paŋgàà wò jòà wa e ɗuunyaàŋ.

Jɔ̀ɔŋ 2:23

Esàɓù maŋ kèè mèè maŋ anyùùŋ nyaŋ naŋ wa yɛ̀mɛ̀ wo Jisɛ̀ naŋ nyɛ̀nɛ̀ŋ maŋ, anyuùŋ zimgbe nauŋ wa haawè ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 5:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ kɔ̀ ko Jùlusɛ̀làm ko yèi aŋ Juùù nyaŋ yaà wa gììyè wɔŋ ɗaa nyiŋ nɔɔ̀ŋ bà guùŋ.

Jɔ̀ɔŋ 6:4

E teengaà wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ, wɔŋ ɗàà gè aŋ Juùù nyaŋ wa naàŋ gbɛ̀ɛ̀.