Jɔ̀ɔŋ 2:12 - WƆŊ FƐ̀Ì EBÒ SÌÀŊ DAYÀA

¹² Eɓìèmàŋjɛ̀wɛ̀ maŋ keì mɛɛ̀ŋ, wo Jisɛ̀ e hààwè wo nààŋ, aŋ wùìyauŋ nyàŋ, yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm. Àŋ nao wa nɔ̀ŋ wèè maŋ ɗɔɔ kpàa bà.

Jɔ̀ɔŋ 2:12 ပူးပေါင်းရင်းမြစ်များ

Maafiù 11:23

Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ! Maŋ kèè mèè maŋ mìŋ naŋ nyɛ̀nɛ̀ŋ kià maŋ, sèè ka miŋ wa weè nyɛ̀nɛ̀ŋ ko Sɔdɔ̀ùŋ, màŋ heo weè nàŋ nɔ̀ŋ e teenga mààŋ tɛɛ̀ sùà.

Maafiù 12:46

Nààŋ wo Jisɛ̀ yaà wa nɔŋ gbùùyè koɓɛ̀ anyùùŋ nyaŋ, wo yèyeuŋ nɔɔ̀ŋ yaà aŋ wùìyauŋ nyàŋ naŋ wa hnè. Àŋ naŋ sìè ko saaŋ fenìiŋ yèè àŋ naŋ tùɔ̀ŋ ke mìè wèè wo hnàŋ aŋ gbòàuŋ kɔɔ.

Maafiù 4:13

Kɛɛ wo Jisɛ̀ gò wa jèè kò Naazɔ̀ɛ̀, wò naŋ wa kɔ̀ wèè wo jòò ko jawa gbeeì àŋ nyaaŋ Kepanàùm. E jawa lɛɛ̀ yaà wa wɔŋ juwoɔ̀ kɔɔ wɔŋ fùɔ̀ŋ Galaliìɔ, maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì.

Jɔ̀ɔŋ 2:2

Anyùùŋ nyaŋ naŋ wa nyààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nyiŋ pɛɛ ko gbììnyɛ̀ŋ ke yɛ̀ɛ̀ɛ.

Jɔ̀ɔŋ 4:46

Wo Jisɛ̀ naŋ ɓɛìŋ kɛ̀ɛ̀ ko jawaì àŋ nyaaŋ Kenàŋ wɔŋ fùɔ̀ŋ Galaliìɔ sùà, ko yèi wò naŋ wa kìlè e wùìyèɛ maŋ tala muaŋ. Wo jɔ̀àfèlàà nyùùŋ gbèè fuɔɔ̀ŋ bà guùŋ yaà wa siinyɛŋ ko jawa gbeeì àŋ nyaaŋ Kepanàùm lɛ.

Jɔ̀ɔŋ 6:17

Anyùùŋ màŋjɛ̀wɛ̀uŋ nyàŋ aŋ sɛ̀ɛ̀ wɔŋ gɔɔ̀ sùà aŋ kà ko feìŋ e tèèngà ko Kepanàùm. Kɛɛ e koya lii wo Jisɛ̀ kòò wò hnè wa weè kò nɛ̀ɛ̀ŋ nyiŋ niìŋ.

1 Kɔliìŋ 9:5

Miŋ kuwà è tɔ̀ɔ̀nyaàŋ wèè ka fɔ̀ɔ̀nɔ̀ŋ e tɔ̀ɔ̀màŋsèì aŋ keela tàeɗùù bà yaà aŋ wùìyà Kanaà yèè wo Pììlɛ, wèè ka ɓèmè wo wùìya jɔùŋ kùwìè e hààweɔ̀ wo Jisɛ̀ Kulaì sùà è kàaiŋ mɛ̀ diɛŋ?

Gàla 1:19

Wo keela tàeɗùùɔ nɔŋ mìŋ naŋ wa yɛmɛ̀ wɔ nàŋ yaà wo Jìiiŋ, wo wùìya Kanaà Jisɛ̀ɔ.