Jɔ̀ɔŋ 2:11 - WƆŊ FƐ̀Ì EBÒ SÌÀŊ DAYÀA

¹¹ E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 2:11 ပူးပေါင်းရင်းမြစ်များ

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 1:43

Wɔŋ niìsìaà bàa wo Jisɛ̀ naŋ ɗewè wèè wo ka ko Galaliì. Kuŋ wò naŋ mɛ̀ɛ̀ŋ wo Felè yèè wò nauŋ woò wààŋ, “Dèim maŋjɛ̀wɛ.”

Jɔ̀ɔŋ 1:50

Wo Jisɛ̀ nauŋ fasaì wààŋ, “Mùŋ naŋ hààwè e yèɛ mìŋ naum woò lɛ esaɓù kɛ̀, mìŋ naŋ woò mìàŋ mìŋ naum yɛ̀mɛ̀ ke feè kùlɛ̀ɛ dìì? Mùŋ do ngèè nàŋ yɛ̀mɛ̀ maŋ keì gbeegbèè bà maŋ tɛɛ̀ nìàŋ.

Jɔ̀ɔŋ 10:41

anyuùŋ zimgbe naŋ wa kɔ̀ ko nɛ̀ɛ̀uŋ niìŋ. Anyùùŋ nyaŋ yaà wa woo nyààŋ, “Wo Jɔ̀ɔŋ gò wa nyɛ̀nɛ̀ŋ màŋ kèè mèè gbiŋ, kɛɛ e yèɛ wò naŋ wa woò lɛ e nyaàiŋ dè wo Jisɛ̀ e gbiŋ è yaà e tɔ̀ɔ̀nyaàŋ.”

Jɔ̀ɔŋ 11:15

Kɛɛ wèè esaɓùi nɛ̀ sùà, ke jii miɛ̀ŋ naŋ fɔ̀ kɛ̀ miŋ fòo dài wèè e kaaìŋ, wèè kɛ̀ niŋ haawè e tòmò Dayàa. Kà wiìŋ ko nɛ̀ɛ̀uŋ niìŋ.”

Jɔ̀ɔŋ 11:47

Kpeiŋ aŋ Fɛlosiì nyaŋ yèè aŋ kànà sìèfèìŋ zòòlo nyàŋ naŋ nyààŋ aŋ màmànkùmɛ̀ŋ fuɔɔ̀ŋ koɓɛ̀ guùŋ yèè àŋ naŋ nyiŋ woò nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Wo felaa wɛɛ̀ kòò wò yaà nyìnìè maŋ kèè mèè zimgbe.

Jɔ̀ɔŋ 12:18

Esaɓùɛ anyùùŋ nyaŋ naŋ wa kɔ̀ wèè auŋ mɛɛ̀ŋ lɛ nàŋ yaà kɛ̀, àŋ naŋ wa kòmò ebò maŋ kèè mèè maŋ wò naŋ wa nyɛ̀nɛ̀ŋ maŋ.

Jɔ̀ɔŋ 12:37

Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 12:41

Wo Àzaayà naŋ wa tɛɛ̀ woò esaɓù kɛ̀ wò naŋ wa yɛ̀mɛ̀ e jòòwò kìì Jisɛ̀ɛ yèè wò naŋ wòò e kiiuŋ.

Jɔ̀ɔŋ 14:13

Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà.

Jɔ̀ɔŋ 16:27

Wo Dèda miɔ̀ŋ Dayà mànàìŋ, esaɓù kɛ̀ nyɛ̀iŋ pɛɛ nìŋ mànàìm; yèè nìŋ naŋ haawè kɛ̀ wuŋ naim tùɔ̀ŋ.

Jɔ̀ɔŋ 16:30

Yèiŋ ngàà naàŋ nyìmàŋ kɛ̀ màŋ nyìmàŋ maŋ keì maŋ gbiŋ, e kìlà e kuwàìŋ ɓɛìŋ wɔ̀ŋ mààŋdàwè gbiŋ wèè eum dawè. Tɛɛ̀ naŋ nyɛ̀nɛ̀ŋ è naiŋ haawè tɔɔɓaa kɛ̀ mùŋ yewe koɓɛ̀ Dayài.”

Jɔ̀ɔŋ 2:1

Eɓìèmàŋjɛ̀wɛ̀ e teengaà wo Jisɛ̀ naŋ wa nyààŋ wo Felè yèè wo Nàntanyàŋ lɛ, ke ɗɔ̀ɔ̀ taaà diɛŋ àŋ yaà wa gbììnyɛ̀ŋ ke yɛ̀ɛ̀ ko Kenàŋ wɔŋ fùɔ̀ŋ Galaliìɔ sùà. Wo nààŋ Jisɛ̀ɔ wo Mèèle wɔŋ pɛɛ yaào wa wɔŋ ɗaa bi diɛŋ.

Jɔ̀ɔŋ 2:23

Esàɓù maŋ kèè mèè maŋ anyùùŋ nyaŋ naŋ wa yɛ̀mɛ̀ wo Jisɛ̀ naŋ nyɛ̀nɛ̀ŋ maŋ, anyuùŋ zimgbe nauŋ wa haawè ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 4:3

Kpeiŋ nààŋ wo Jisɛ̀ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ euŋ dè, wò naŋ yèwè ko Jùdià yèè wò naŋ ɓɛìŋ kɔ̀ ko Galaliì.

Jɔ̀ɔŋ 4:46

Wo Jisɛ̀ naŋ ɓɛìŋ kɛ̀ɛ̀ ko jawaì àŋ nyaaŋ Kenàŋ wɔŋ fùɔ̀ŋ Galaliìɔ sùà, ko yèi wò naŋ wa kìlè e wùìyèɛ maŋ tala muaŋ. Wo jɔ̀àfèlàà nyùùŋ gbèè fuɔɔ̀ŋ bà guùŋ yaà wa siinyɛŋ ko jawa gbeeì àŋ nyaaŋ Kepanàùm lɛ.

Jɔ̀ɔŋ 4:54

Tɛɛ̀ nàŋ yaà wa e kèè mèè dìà tìyèeɛ̀ wo Jisɛ̀ naŋ nyɛ̀nɛ̀ŋ nààŋ wò naŋ yèwè ko Jùdià yèè wò naŋ kɔ̀ ko Galaliì.

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Jɔ̀ɔŋ 6:14

Nààŋ anyùùŋ nyaŋ naŋ yɛ̀mɛ̀ e kèè mèè lɛɛ̀ wo Jisɛ̀ naŋ yaà nyɛ̀nɛ̀ŋ lɛ, àŋ naŋ woò nyààŋ, “Tɔɔɓaa wɛɛ̀ nàŋ yaà wo wɛ̀ijìɔ wɔŋ fɛ̀ì Dayàa naŋ wòò kiiuŋ kɛ̀ wò do nàŋ hnè e ɗuunyaàŋ sùà wɔ!”

Jɔ̀ɔŋ 6:2

Anyuùŋ zimgbe naŋ wa dè wo Jisɛ̀ maŋjɛ̀wɛ nààŋ àŋ naŋ wa yɛ̀mɛ̀ maŋ kèè mèè maŋ wò naŋ wa nyɛ̀nɛ̀ŋ maŋ nààŋ wò naŋ wa jòèyè anyuùŋ sàaŋ nyàŋ.

Jɔ̀ɔŋ 6:26

Wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà kɛ̀, niŋ fèìm mìò kaame wèè èsàɓù è kèè mèèɛ nìŋ naŋ yɛmɛ̀ lɛ, kɛɛ è yaà wèè esàɓù e nɛ̀ŋjeɛ̀ nìŋ naŋ jìɛ̀ jè yèè nìŋ naŋ diè lɛ.

Jɔ̀ɔŋ 6:30

Anyùùŋ nyaŋ naŋ fasàì nyààŋ, “Kiìŋ è tɔ̀ɔ̀màŋsèì keì mùŋ do nàŋ tɔɔ̀ wèè e nyɛ̀nɛ̀ŋ e hààwè e yèɛ mùŋ woà lɛ? Kiìŋ è tòmo mùŋ do nàŋ nyɛ̀nɛ̀ŋ?

Jɔ̀ɔŋ 7:31

Anyuùŋ zimgbe e faaàŋ sùà naŋ wa kɛ̀ɛ̀nɛ̀ŋ e hààwe wo Jisɛ̀ ko sùà yèè àŋ naŋ woò nyààŋ, “Sèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ wò hnàŋ, tɔɔɓaa wo naàŋ nyɛ̀nɛ̀ŋ màŋ kèè mèè màŋ do nìàŋ màŋ yè maŋ wò felaa wɛɛ̀ naŋ nyɛ̀nɛ̀ŋ maŋ!”

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

1Jɔ̀ɔŋ 5:13

Mìŋ naŋ tɛɛ̀ sìngè ko nɛ̀ɛ̀iŋ niìŋ nyɛ̀iŋ nyàŋ naŋ hààwè e dèè Jɔ̀àfèlàà Dayàa sùà nyaŋ, wèè naŋ nyìmàŋ kɛ̀ nìŋ kuwa wɔŋ nyiiŋ gèe gò jùà.