Jɔ̀ɔŋ 19:6 - WƆŊ FƐ̀Ì EBÒ SÌÀŊ DAYÀA

⁶ Nààŋ aŋ kànà sìèfèìŋ zòòlo nyàŋ yèè anyuùŋ tùnìàŋ ke Saaŋ Zòòlò Dayàa naŋ yɛ̀mɛ̀ wo Jisɛ̀, àŋ naŋ kpààŋ sɛiŋ nyààŋ, “Jìwiàuŋ wɔŋ vànèkpaaà diɛŋ! Jìwiàuŋ wɔŋ vànèkpaaà diɛŋ!” Wo Paalè naŋ nyiŋ woò wààŋ, “Kòa nùuŋ nyɛiŋ bi niŋ jiwìàuŋ wɔŋ vànèkpaaà diɛŋ. Esaɓù kɛ̀ miŋ gò yɛ̀mɛ̀ kè sàwàa wò naŋ pɔɔ̀ yɛ wèè kauŋ jèè è keì.”

Jɔ̀ɔŋ 19:6 ပူးပေါင်းရင်းမြစ်များ

Maafiù 26:58

Wo Pììlɛ yaà wa wo Jisɛ̀ maŋjɛ̀wɛ e fèemàŋ mùnlaŋ sùà, yèè wò naŋ kɔ̀ ko jɔ̀ɔ̀lègbèè wɔŋ gbòòkùàŋ wo Kànà Sìèfèìŋ Zòòlo Gbeeɔ̀. Kuii wò naŋ wa jɛi yaà anyuùŋ tùnìàŋ ke Saaŋ Zòòlò Dayàa, wèè wo yɛmɛ̀ kɛ̀ kiìŋ nàŋ do wa nàŋ nɔ̀ŋ e jìwààjɛ̀wɛ̀ e nɛ̀ɛŋ hewa nàŋ kààìŋ wo Jisɛ̀ lɛ.

Maafiù 27:22

Kpeiŋ wo Paalè naŋ nyiŋ dawè wààŋ, “Kɛ̀ kiìŋ nìŋ manaŋ wèè ka nyìnìàŋ wo Jisɛ̀ wo yèɔ àŋ nyaaŋ wo Kulaìɔ wɔ̀?” Yèè àŋ naŋ kpààŋ sɛiŋ nyààŋ, “Kpùùnyaàuŋ wɔŋ vànèkpaaà diɛŋ.”

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Luù 23:4

Kpeiŋ wo Paalè naŋ wòò aŋ kànà sìèfèìŋ zòòlo nyàŋ wààŋ, “Miŋ gò yɛ̀mɛ̀ ke sàwàa wò felaa wɛɛ̀ naŋ pɔɔ̀ yɛ wèè kauŋ jèè è keì.”

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Jɔ̀ɔŋ 18:31

Wo Paalè naŋ wòò aŋ Juùù nyaŋ wààŋ, “Kɛ̀ nyɛ̀iŋ bi kòa nùuŋ yèè niŋ kiliàuŋ e kiti diɛŋ màànààŋ ke sàwàiŋ nɛɛ̀ŋ naŋ woò lɛ.” Kpeiŋ anyùùŋ nyaŋ naŋ fasàì nyààŋ, “Ke sàwàa gò wi gè nyààŋ diɛŋ wèè eiŋ jìwà wò nyùùŋ gbiŋ.”

Jɔ̀ɔŋ 18:38

Yèè wo Paalè naŋ dàwè wo Jisɛ̀, wuŋ pɛɛ wo Juùù nyuuŋ wààŋ, “Kiìŋ nàŋ yaà e tɔ̀ɔ̀nyaàŋ?” Kpeiŋ wo Paalè naŋ fòlò ko jɔɔlèe koɓɛ̀ anyùùŋ nyaŋ yèè wò naŋ nyiŋ woò wààŋ, “Miŋ gò yɛ̀mɛ̀ kè sàwàa wò kenàŋ wɛɛ̀ naŋ pɔɔ̀ yɛ.”

Jɔ̀ɔŋ 19:15

Yèè anyùùŋ nyaŋ naŋ kpààŋ sɛiŋ nyààŋ, “Jiwàuŋ! Jiwàuŋ! Kpùùnyaàuŋ wɔŋ vànèkpaaà diɛŋ!” Yèè wo Paalè naŋ nyiŋ dawè wààŋ, “Nìŋ manaŋ ka kpùùnyàŋ wo kanaiŋ nɔɔ̀ŋ wɔŋ vànèkpaaà diɛŋ?” Yèè aŋ kànà sìèfèìŋ zòòlo nyàŋ naŋ fasaì nyààŋ, “Wo kanaà nɔŋ è kùwàìŋ wɔ nàŋ yaà wo Siisɔ̀, wo kànà anyùùŋ ko Luùm nyaŋ.”

Jɔ̀ɔŋ 19:4

Wo Paalè naŋ ɓɛìŋ kɛ̀ɛ̀ koɓɛ̀ anyùùŋ nyaŋ ko jɔɔlèe yèè wò naŋ woò wààŋ, “Mìŋ yaà ɓɛìŋ kɛ̀lɛ̀ɛ̀ sùà wo Jisɛ̀ ko nɛ̀ɛ̀iŋ niìŋ wèè naŋ nyìmàŋ kɛ̀ miŋ gò yɛmɛ̀ kɛ̀ wò kenàŋ wɛɛ̀ naŋ pɔ̀ɔ̀ kè sàwà wèè è keì euŋ jeeè.”

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 7:52

Wo kèèlà Dayà bà gbiŋ wa hnàŋ wo yèɔ aŋ nèwàènɛweiŋ nyàŋ aŋ gò wa nimilà wɔ? Àŋ naŋ wa jìwè aŋ kèèlà Dayà nyaŋ naŋ wa wòò e kèè e hnàŋ wo Ɓɔ̀ìjɔ̀à Nɛɛmauŋ nɔɔ̀ŋ. Nìŋ nàuŋ maàŋ e kìlà nàuŋ jìwà.