Jɔ̀ɔŋ 19:42 - WƆŊ FƐ̀Ì EBÒ SÌÀŊ DAYÀA

⁴² Nààŋ ke ɗɔ̀ɔ̀ guùŋ naŋ wa naàŋ joo wèè ke Ɗɔ̀ɔ̀ Zòòlò aŋ Juùù nyaŋ ke haì e kìlà nààŋ ke hùaàŋ naŋ wa gbɛ̀ɛ̀ koɓɛ̀ bi, àŋ nao wa hèè e dìè Jisɛ̀ɛ ke hùaŋ bi sùà.

Jɔ̀ɔŋ 19:42 ပူးပေါင်းရင်းမြစ်များ

Maafiù 12:40

E ɗèwè guùŋ nɛ sùà nɔŋ wo Joonàŋ naŋ nɔ̀ŋ wo kɛì gbeeɔ̀ ko sùà wèè maŋ ɗɔ̀ɔ̀ taai yèè maŋ dùùm taai lɛ̀, yɛi nɔŋ miàim wo Jɔ̀àfèlàà Nyuùŋ kpùnɔɔ̀ŋ do nàŋ nɔ̀ŋ e dììɛ dìì wèè maŋ ɗɔ̀ɔ̀ taai yèè maŋ dùùm taai.

Jɔ̀ɔŋ 19:14

Tiiŋ zà è yaà wa naàŋ ebɛ̀ŋ e gɔɛɛ hàì ɗìò tɛɛ ke ɗɔɔ dìàmaàŋ wèè ke ɗɔ̀ɔ̀ wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ ke haì. Yèè wo Paalè naŋ wòò aŋ Juùù nyaŋ wààŋ, “Nyùùŋ nyɛɛ̀ŋ, wo kanaiŋ nɔɔ̀ŋ wɛɛ̀!”

Jɔ̀ɔŋ 19:20

E yìwìà koɓɛ̀i àŋ naŋ wa jìwìè wo Jisɛ̀ lɛ wèè e kà ko jawa gbeeì gò wa diidìì. Anyuùŋ zimgbe naŋ wa kpɛ̀nɛ̀ŋ wɔŋ fɛi kpuuɔ̀ kpuunyaŋ wa wɔ̀ŋ vànèkpàà Jisɛ̀ɔ diɛŋ wɔ̀ŋ. Àŋ naŋ niŋ wa sìngè maŋ kàìŋ ɗì taai sùà, e Hiɓulù, wɔŋ kàìŋ aŋ Juùù nyaŋ, e Latììŋ yèè e Guliì mie.

Jɔ̀ɔŋ 19:31

Yèè wɔŋ niìsìaà bàa hewa nàŋ nɔ̀ŋ ke Ɗɔ̀ɔ̀ Zòòlò aŋ Juùù nyaŋ yèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ. Kè yaà wa ke ɗɔ̀ɔ̀ zòòlo titi wèè aŋ Juùù nyaŋ. Yèè aŋ manàŋ wa wèè màŋ dìè ànyuùŋ fàa nyàŋ maŋ jèè màŋ vànèkpaa màŋ diɛŋ wèè kè ɗɔɔ bi kè do haì. Kpeiŋ àŋ naŋ dàwè wo Paalè wèè wo gè nyiŋ nyààŋ diɛŋ wèè aŋ nyime nyìmè maŋ kpaa nyiŋ màŋ wèè aŋ zumò fàa kɛ̀ àŋ gè maŋ die nyiŋ màŋ maŋ vànèkpaa màŋ diɛŋ.

Jɔ̀ɔŋ 19:41

Ko kpòkpò bà yaà wa koɓɛ̀i àŋ naŋ wa jìwìè wo Jisɛ̀ wɔŋ vànèkpaaà diɛŋ lɛ̀. Ko kpòkpò bi ke dùò bà kè yaào wa ke yèɛ àŋ naŋ wa tòmò sùà wèè ke nɔ̀ŋ ke hùaàŋ, ke yèɛ kòò àŋ sììyè wa wò nyùùŋ gbiŋ sùà lɛ.

Nyɛ̀nɛ̀ŋ 13:29

Nààŋ àŋ naŋ wa naàŋ kpɛ̀ɛ̀yɛ̀ nyɛ̀nɛ̀ŋ e yèɛ wɔŋ Fɛ̀ì Dayàa naŋ woò lɛ, nààŋ àŋ naŋ wa jìwè wo Jisɛ̀, àŋ naŋ wa gè e dieuŋ nɛ̀ e yìwìà wɔŋ vànèkpaaà diɛŋ yèè àŋ nauŋ hèè ke hùaàŋ sùà.

1 Kɔliìŋ 15:4

kɛ̀ àŋ nauŋ sìè, yèè wo Dayà nauŋ gè e fàaà dìì e gɔ̀ɛ̀ taaà diɛŋ màànààŋ è yaà sìngaiŋ wɔŋ fɛ̀ì Dayàa sùà lɛ̀,

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.