Jɔ̀ɔŋ 19:4 - WƆŊ FƐ̀Ì EBÒ SÌÀŊ DAYÀA

⁴ Wo Paalè naŋ ɓɛìŋ kɛ̀ɛ̀ koɓɛ̀ anyùùŋ nyaŋ ko jɔɔlèe yèè wò naŋ woò wààŋ, “Mìŋ yaà ɓɛìŋ kɛ̀lɛ̀ɛ̀ sùà wo Jisɛ̀ ko nɛ̀ɛ̀iŋ niìŋ wèè naŋ nyìmàŋ kɛ̀ miŋ gò yɛmɛ̀ kɛ̀ wò kenàŋ wɛɛ̀ naŋ pɔ̀ɔ̀ kè sàwà wèè è keì euŋ jeeè.”

Jɔ̀ɔŋ 19:4 ပူးပေါင်းရင်းမြစ်များ

Maafiù 27:19

Nààŋ wo Paalè jaa wa ko sààŋ sàwài, wo jawèuŋ nɔɔ̀ŋ nauŋ tùɔ̀ŋ ke miè gbìaŋ wààŋ, “Ɓɔ̀ mùŋ nyiniàŋ wò fèlàà tɔ̀ɔ̀nyaàŋ wii è nɛ̀ŋ gbiŋ, esaɓù kɛ̀ mìŋ naŋ nàaŋ kɔ̀ e mɔ̀ɔ̀nɛŋ dìì wɔŋ dùùm wɛɛ̀ŋ e weèuŋ e gɔagòo sùà.”

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Maafiù 27:4

Wò naŋ woò wààŋ, “Ka nyɛ̀nɛ̀ŋ e kèì jùumù nààŋ mìŋ mààŋ wo felaaà gò nyɛ̀nɛ̀ŋ è keì naanààŋ gbiŋ wɔ̀, wèè auŋ jìwà yèè wèè aŋ wùàŋ maŋ sɛnùuŋ màŋ.” Kpeiŋ anyùùŋ nyaŋ nauŋ fasàì nyààŋ, “Kiìŋ è kuwa e tii nyiniàŋ? E kpàtaum tii.”

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Luù 23:4

Kpeiŋ wo Paalè naŋ wòò aŋ kànà sìèfèìŋ zòòlo nyàŋ wààŋ, “Miŋ gò yɛ̀mɛ̀ ke sàwàa wò felaa wɛɛ̀ naŋ pɔɔ̀ yɛ wèè kauŋ jèè è keì.”

Luù 23:41

Sèè è nɔ̀ŋ wèè e je wilɛ̀, è yaà tɔ̀ɔ̀nyaàŋ, esaɓù kɛ̀ yàwi bi naŋ niŋ kamè wèè e keì naanààaŋ è naŋ nyɛ̀nɛ̀ŋ lɛ. Kɛɛ wuŋ wo gò nyɛ̀nɛ̀ŋ è keì naanààŋ bà gbiŋ.”

Luù 23:47

Wo kànà aŋ kààlòòɗùà nyaŋ naŋ yɛ̀mɛ̀ e keìɛ naŋ kaaìŋ lɛ, yèè wò naŋ tɛ̀nɛ̀ŋ wo Dayà. Wò naŋ woò wààŋ, “E tɔɔɓaa le, wo felaa wɛɛ̀ yaà wa wo nyùùŋ tɔ̀ɔ̀nyaàŋ!”

Jɔ̀ɔŋ 18:33

Wo Paalè naŋ kɛ̀ɛ̀ ko sààŋ gbèè kanaà yèè wò naŋ dàwè wo Jisɛ̀ wààŋ, “Muàŋ nàŋ yaà wo kànà aŋ Juùù nyaŋ?”

Jɔ̀ɔŋ 18:38

Yèè wo Paalè naŋ dàwè wo Jisɛ̀, wuŋ pɛɛ wo Juùù nyuuŋ wààŋ, “Kiìŋ nàŋ yaà e tɔ̀ɔ̀nyaàŋ?” Kpeiŋ wo Paalè naŋ fòlò ko jɔɔlèe koɓɛ̀ anyùùŋ nyaŋ yèè wò naŋ nyiŋ woò wààŋ, “Miŋ gò yɛ̀mɛ̀ kè sàwàa wò kenàŋ wɛɛ̀ naŋ pɔɔ̀ yɛ.”

Jɔ̀ɔŋ 19:6

Nààŋ aŋ kànà sìèfèìŋ zòòlo nyàŋ yèè anyuùŋ tùnìàŋ ke Saaŋ Zòòlò Dayàa naŋ yɛ̀mɛ̀ wo Jisɛ̀, àŋ naŋ kpààŋ sɛiŋ nyààŋ, “Jìwiàuŋ wɔŋ vànèkpaaà diɛŋ! Jìwiàuŋ wɔŋ vànèkpaaà diɛŋ!” Wo Paalè naŋ nyiŋ woò wààŋ, “Kòa nùuŋ nyɛiŋ bi niŋ jiwìàuŋ wɔŋ vànèkpaaà diɛŋ. Esaɓù kɛ̀ miŋ gò yɛ̀mɛ̀ kè sàwàa wò naŋ pɔɔ̀ yɛ wèè kauŋ jèè è keì.”

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

1Pììlɛ 1:19

È yaà wa maŋ sɛ̀ìŋ nyìngà ɓàà Jisɛ̀ Kulaì maŋ wò naŋ gììyè saàà lɛ, wo yèɔ yaà wa mààŋ wo Ɓaawaa gò kùwìè è tɔ̀mɛ dòmaŋ nyaaŋ gbiŋ wɔ̀.

1Pììlɛ 2:22

Wo gò nyɛ̀nɛ̀ŋ è kèì jùumù, yèè wo nyùùŋ gbiŋ gò kòmàŋ wèè è tòa euŋ fùlìà kò nyààŋ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 3:5

Nàŋ nyìmàŋ kɛ̀ wo Jisɛ̀ naŋ wa hnè wèè wo ɓèmè maŋ jùumù wi màŋ, yèè wo fè wo nyùùŋ maŋ jùumù.