Jɔ̀ɔŋ 19:35 - WƆŊ FƐ̀Ì EBÒ SÌÀŊ DAYÀA

³⁵ Èiŋ nyìmàŋ kɛ̀ tɛɛ̀ è yaà e tɔɔɓaa, esaɓù kɛ̀ wo nyùùŋ bà naŋ niŋ wa yɛmɛ̀ e kìlà wò naŋ kìɛ̀ŋ ke mìè seì, wèè kɛ̀ nyɛ̀iŋ pɛɛ niŋ kɛɛnɛ̀ŋ e hààwe.

Jɔ̀ɔŋ 19:35 ပူးပေါင်းရင်းမြစ်များ

Jɔ̀ɔŋ 11:15

Kɛɛ wèè esaɓùi nɛ̀ sùà, ke jii miɛ̀ŋ naŋ fɔ̀ kɛ̀ miŋ fòo dài wèè e kaaìŋ, wèè kɛ̀ niŋ haawè e tòmò Dayàa. Kà wiìŋ ko nɛ̀ɛ̀uŋ niìŋ.”

Jɔ̀ɔŋ 11:42

Kà nyìmàŋ kɛ̀ mùŋ jaa e zòòlo mɛ̀ kùàŋ dìì e teenga gbiŋ, kɛɛ mìŋ naŋ tɛɛ̀ woò wèè esàɓù anyùùŋ nyɛɛ̀ŋ kià, wèè kɛ̀ aŋ haawè kɛ̀ muàŋ naim tùɔ̀ŋ.”

Jɔ̀ɔŋ 14:29

Mìŋ yààìŋ tɛɛ̀ wòo sùà paŋgàà mìŋ jòòìŋ, wèè kɛ̀ sèè è kaaìŋ, nìŋ do nàŋ haawè kɛ̀ e yèɛ mìŋ naŋ woò lɛ è yaà tɔ̀ɔ̀nyaàŋ.

Jɔ̀ɔŋ 15:27

Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Jɔ̀ɔŋ 19:26

Nààŋ wo Jisɛ̀ naŋ yɛ̀mɛ̀ wo yèyeuŋ nɔɔ̀ŋ yèè wo nyùùŋ màŋjɛ̀wɛ̀ɔ wò manaŋ wa wɔ̀ àŋ sia koɓɛ̀ guùŋ, wo Jisɛ̀ naŋ wòò wo nààŋ wààŋ, “Yèye, wo jɔ̀àfelaa mɔɔ̀ŋ wii.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 21:24

Wo nyùùŋ màŋjɛ̀wɛ̀ wɛɛ̀ naŋ sìngè maŋ keì mɛɛ̀ŋ gbiŋ. Èiŋ nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔɔɓaa.

Nyɛ̀nɛ̀ŋ 10:39

Yàwi nààŋ gbiŋ è yààìŋ aŋ sèì e nyaàiŋ dè maŋ keì maŋ gbiŋ wo Jisɛ̀ naŋ nyɛ̀nɛ̀ŋ maŋ ko Ezɔ̀ɛ̀ wɔŋ fùɔ̀ŋ aŋ Juùù nyaŋ sùà yèè ko Jùlusɛ̀làm. Àŋ nauŋ wa jìwìè wɔŋ vànèkpaaà diɛŋ.

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Jɔ̀ɔŋ 5:13

Mìŋ naŋ tɛɛ̀ sìngè ko nɛ̀ɛ̀iŋ niìŋ nyɛ̀iŋ nyàŋ naŋ hààwè e dèè Jɔ̀àfèlàà Dayàa sùà nyaŋ, wèè naŋ nyìmàŋ kɛ̀ nìŋ kuwa wɔŋ nyiiŋ gèe gò jùà.

3Jɔ̀ɔŋ 1:12

Aŋ anyùùŋ nyaŋ gbiŋ naŋ fè ke mìè seì tɛ̀ɛ̀ nyaàiŋ dè wo Dɛ̀mɛ̀tiliɔ̀, yèè e tɔ̀ɔ̀nyaàaŋ tiŋ bi naŋ gbòò tɛ̀ɛ̀ e nyaàìŋ euŋ dè. Yèè è naiŋ tìè ke mìè seì bi sɛijɛwɛ nyaàìŋ euŋ dè, yèè nàŋ nyìmàŋ kɛ̀ e yèɛ gbiŋ è woò lɛ è yaà e tɔ̀ɔ̀nyaàŋ.