Jɔ̀ɔŋ 19:34 - WƆŊ FƐ̀Ì EBÒ SÌÀŊ DAYÀA

³⁴ Yèè wo kààlòòɗùàa bà guùŋ naŋ zɔ̀ɔ̀lɔ̀ ke kpɛɛuŋ nɛɛ̀ŋ wo Jisɛ̀ e ɓula, yèè maŋ sɛ̀ìŋ yaà e wùìyè nao fòlò.

Jɔ̀ɔŋ 19:34 ပူးပေါင်းရင်းမြစ်များ

Maafiù 27:62

Wɔŋ niìsìaà bàa ke Ɗɔ̀ɔ̀ Zòòlò aŋ Juùù nyaŋ diɛŋ, aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ kɔ̀ wo Paalè ko fɛɛ̀feìŋ

Jɔ̀ɔŋ 19:33

Kɛɛ nààŋ àŋ naŋ wa hnè koɓɛ̀ Jisɛ̀i wèè aŋ nyime nyìmè maŋ kpaauŋ màŋ, àŋ naŋ yɛmɛ̀ kɛ̀ wò wa naàŋ fà tɛ, weètii aŋ gòuŋ wa nyìmè nyìmè màŋ kpaa.

Jɔ̀ɔŋ 20:20

Nààŋ wo Jisɛ̀ naŋ nyiŋ wa tii woò, wò naŋ nyiŋ tɔ̀ɔ̀ le siwèuŋ nɛ̀ yèè e ɓulauŋ nɛ̀. E zɔlɔ̀ gbee naŋ wa dìè anyùùŋ màŋjɛ̀wɛ̀ nyaŋ nààŋ àŋ naŋ wa yɛ̀mɛ̀ wo Kanaà Jisɛ̀.

Nyɛ̀nɛ̀ŋ 22:16

Kiìŋ mùŋ yaà fulie? Yewà dìì muŋ nɔ̀ŋ gùaum wèè Dayà juuyà maŋ jùumùum màŋ hakɛ̀ e yìwìà e zòòlo mɔ̀ɛ̀ koɓɛ̀ e deèuŋ nɛ̀.’ ”

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 9:13

Nààŋ e làngì maŋ Sàwà Mòòze màŋ naŋ tɔɔ̀ lɛ, anyùùŋ nyaŋ naŋ wa nɔ̀ŋ nyuùŋ gò zɛ̀nɛ̀ŋ nyaŋ, fè wa tɛ̀ɛ̀ wèè aŋ zòòlò Dayà. Kɛɛ wo Dayà do nyiŋ nàŋ nyɛ̀nɛ̀ŋ aŋ zɛ̀nɛ̀ŋ e kìlà aŋ nɔ̀ŋ anyùùŋ nɛɛmaŋ, sèè wò vaàì nyiìŋ wa nàwèè maŋ sɛ̀ìŋ aŋ diì wowo yaà maŋ sɛ̀ìŋ aŋ dìi wowo nyàŋ, e kìlà aŋ nyiŋ vààì e dùùm wo dìi jaweɔ̀ àŋ naŋ gììyè saaà yèè àŋ naŋ sùɔ̀ŋ wɔ.

Hiɓu 9:22

Maŋ Sàwà Dayà maŋ naŋ woò wààŋ, sɔɔ̀ aŋ vààì manɛ̀ŋ maŋ gbiŋ maŋ sɛ̀ìŋ wèè maŋ nɔ̀ŋ zɛ̀nɛŋ miŋ, e kìlà wèè paŋ wo Dayà juuyà maŋ jùumù hakɛ̀, sɔɔ̀ aŋ dè maŋ sɛ̀ìŋ dìì.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,

1Jɔ̀ɔŋ 5:6

Wo Jisɛ̀ Kulaì nàŋ yaà wo yeɔ̀ naŋ wa hìɛ̀ŋ e wuiyè gùùyeuŋ nɛ̀ yèè maŋ sɛ̀ìŋ e fàauŋ nɛ̀. Wo gò wa nɔŋ hìàŋ è wùìyèɛ tiŋ guùŋ, kɛɛ wò naŋ wa hìɛ̀ŋ e wùìyèɛ yaà maŋ sɛ̀ìŋ maŋ. Yèè wo Jinàaŋ Dayàa wuŋ bi naŋ kìɛ̀ŋ ke mìè seì kɛ̀ tɛɛ̀ yaà e tɔ̀ɔ̀nyaàŋ, esaɓù kɛ̀ wo Jinàaŋ Dayàa wuŋ bi yaà e tɔ̀ɔ̀nyaàŋ.

1Jɔ̀ɔŋ 5:8

Aŋ sèì taai nyàŋ nàŋ yaà wo Jinàaŋ Dayàa, e wùìyèɛ, yèè maŋ sɛ̀ìŋ maŋ, yèè nyiŋ taai naŋ wòò e kèì ɗì guùŋ nɛ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.